اعترافات ماعت السلبية: دستور الأخلاق عند المصري القديم (بردية آني)

الاعترافات السلبية يقولها الميت امام محكمة اوزوريس ليدلل انوا عاش حياة وفقا للماعت, وصل لنا اكتر من نص مختلف لاعترافات سلبيه مختلفه, الاشهر فيهم بردية اني المعروفة باسم كتاب الموتي (الخروج للنهار) ودي ترجمتها:

نص الاعترافات

1. أنا ما عملتش خطيّة
2. أنا ما أخدتش حاجة من حد بالعافية
3. أنا ما سرقتش
4. أنا ما قتلتش
5. أنا ما سرقتش أكل
6. أنا ما اختلستش القرابين
7. أنا ما سرقتش حاجات المعبد
8. أنا ما كدبتش
9. أنا ما خطفتش أكل
10. أنا ما شتمتش
11. أنا ما قفلتش وداني عن سماع كلام الحق
12. أنا ما زنيتش
13. أنا ما كنتش سبب في عياط حد (ولا أذيت مشاعر حد)
14. أنا ما حزنتش ولا نحت من غير سبب
15. أنا ما اعتديتش على حد
16. أنا ما غشّيتش ولا خدعت حد
17. أنا ما اغتصبتش أرض حد
18. أنا ما اتجسستش على حد
19. أنا ما لفّقتش تهمة لحد
20. أنا ما غضبتش من غير سبب
21. أنا ما أغويتش مرات حد
22. أنا ما لوّثتش جسمي
23. أنا ما ارهبتش حد
24. أنا ما خالفتش القانون
25. أنا ما تماديتش في الغضب
26. أنا ما شتمتش النثرو (الآلهة)
27. أنا ما استخدمتش العنف ضد حد
28. أنا ما هدّدتش السلام
29. أنا ما تصرفتش بتهور ومن غير تفكير
30. أنا ما تدخلتش في اللي ما يخصّنيش
31. أنا ما اتكلمتش بمبالغة ولا نميمة
32. أنا ما عملتش شر
33. ما طلعش مني أفكار ولا كلام ولا أفعال شريرة
34. أنا ما لوّثتش ميّه النيل
35. أنا ما اتكلمتش بغضب ولا بتعالي
36. أنا ما شتمتش حد لا بكلمة ولا بفعل
37. أنا ما حطّيتش نفسي في موضع شُبهة
38. أنا ما سرقتش حاجة تخص النترو
39. أنا ما نبشتش قبور ولا أسأت للموتى
40. أنا ما خطفتش لقمة من بُقّ طفل
41. أنا ما اتصرفتِش بكبر ولا غطرسة
42. أنا ما خرّبتش معابد ولا مباني دينية