الفلاح الفصيح كاملًا بالهيروغليفية والعامية المصرية

«حكاية الفلاح الفصيح» من أجمل نصوص الأدب المصري القديم، واتكتبت في الدولة الوسطى. البطل فلاح اسمه خون-إنبو من وادي النطرون، نازل مصر ببضاعته على حميره علشان يبيعها ويشتري عيش لعياله. في الطريق عند إهناسيا (هراكليوبوليس) يتعرض له نمتي-نخت، تابع المشرف الأعلى على الأملاك رنسي ابن مرو، فيسرق حميره وحاجته ويضربه. الفلاح ما يسكتش، ويروح لرنسي ويرفع له تسع شكاوى بكلام فصيح زي الشعر، عن العدل وماعت والميزان اللي ما يميلش.

الملك نب-كاو-رع يسمع عن الفلاح من رنسي، ويأمر بسرية إن الفلاح يفضل واقف من غير ما حد يرد عليه، علشان يكمّل كلامه ويتسجّل كله بالكتابة. وفي الأثناء بيتصرف على أهله من خزينة الدولة من غير ما يعرف مين اللي بيصرف. النص كله كلام عن إن الحق لازم يتقال حتى لو اللي قدامك أقوى منك، وإن الفصاحة نفسها سلاح.

وصلنا النص في أربع مخطوطات من الدولة الوسطى: B1 (بردية برلين P 3023)، وB2، وR، وBt، وكلها في برلين، إلى جانب شظايا أمهرست اللي بتكمّل البداية. المقال ده بيتبع B1: الجمل الـ١٨ الأولى مأخوذة من شظايا أمهرست ومن ترميم المحررين (وأولها قائمة بضاعة مرمَّمة في معظمها)، وبعدها بتبدأ B1 نفسها. وB1 بتنتهي عند آخر الالتماس التامن، فالالتماس التاسع وخاتمة القصة (لما يتنصف الفلاح) مش موجودين في B1 ومش موجودين في المقال ده.

كل جملة من الجمل الـ٤١٣ ليها صف في جدول زي جداول قاموس باستت: النص الهيروغليفي والنقحرة، وبعدهم الترجمة بالعامية المصرية والترجمة الإنجليزية. تحت كل جملة زر «المصدر» بيفتح أرقام السطور في B1 (بالترقيم الجديد والقديم) ورابط الجملة في قاعدة TLA. الترجمة العربية بالعامية المصرية وبتحافظ على الأمثال والصور زي ما هي. ولو عايز تقرا نص تاني من نفس تراث الحكمة، اقرا حكمة بتاح حتب.

1. الرحلة والسرقة

خون-إنبو ينزل بحميره من وادي النطرون، ويقابله نمتي-نخت على الطريق الضيق.

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓅓 𓏎𓏌𓏥 𓎟 𓄤𓆑𓂋 𓈖 𓇏𓏏𓈇𓎛𓌴𓄿𓏏𓍖𓈒𓏥𓈉	m in.w nb nfr n sx.t-HmA.t المصدر B1، سطر 1–15 – TLA بداية القصة مكسورة، وده ترميم من شظايا أمهرست ومن مخطوطة R: قايمة البضاعة معظمها مرمَّم والأسماء مش كلها مؤكدة، وبيتقال إن حوالي ١٢ عمود ناقصة قبلها.	م إنو نب نفر ن سخت-حمات	نزل الفلاح ده مصر بعد ما حمّل حميره [بعروق عنب (؟)، وسعف نخل الرضم، وحبوب نطرون، وحبوب ملح، وخشب من مكان ...، وعصيّان خشب من الفرافرة، وجلود فهود، وفراء ابن آوى، وأحجار ...، و...]، يعني بكل خيرات وادي النطرون الحلوة.	[This peasant went down to Egypt after loading his donkeys with vine stems (?), rdm-palm branches, grains of natron, grains of salt, timber from the place ..., wooden staves from Farafra, panther hides, jackal pelts, stones of ..., and ...], that is, with every fine product of the Wadi Natrun.
𓈝𓅓𓂻 𓊪𓏲 𓁹𓈖 𓇏𓏏𓏭𓀀 𓊪𓈖 𓅓𓏃𓈖𓏏𓏏𓊛 𓂋 𓇓𓏏𓈖𓀔𓈖𓈖𓊖	[Smi.t] pw iri.n sx.ti pn m-xnt.[y]t r nn-nswt المصدر B1، سطر 16–17 – TLA	شمإت پو إرإن سختإ پن م-خنتيت ر نن-نسوت	وبعدين مشي الفلاح ده في رحلته ناحية الجنوب لحد هراكليوبوليس (إهناسيا).	Then this peasant set out on his journey southward to Herakleopolis (Ehnasya).
𓄭𓂋𓂻 𓊪𓏲 𓁹𓈖𓆑 𓂋 𓅱𓈇𓏤 𓈖 𓉐𓆑𓆑𓇋𓀀 𓁷𓏤 𓎔𓏏𓏭𓈇𓏤	spr pw iri.n.f r w n pr-ffi Hr mH.ti <mdni.t> المصدر B1، سطر 18 – TLA	سپر پو إرإنف ر و ن پر-ففإ حر محتإ مدنإت	ووصل لمنطقة بر-فيفي، شمال مدينت.	He reached the district of Per-Fefi, north of Medenit.
𓅠𓅓𓈖𓆑 𓊃𓀀 𓇋𓅓 𓊢𓂝𓂻 𓁷𓏤 𓇋𓇋𓈇𓏤 𓅈𓏏𓏭𓀜𓀀 𓂋𓈖𓆑	gmi.n.f z im aHa [Hr] [mr].yt nm.ti-nxt rn.f المصدر B1، سطر 19 – TLA	جمإنف ز إم عحع حر مريت نمتإ-نخت رنف	وهناك لقى راجل واقف على حافة الترعة، اسمه نمتي-نخت.	There he met a man standing on the canal bank, whose name was Nemtynakht.
𓅭𓀀 𓊃𓀀 𓊪𓅱 𓇋𓇋 𓂋𓈖𓆑	zA z [pw] [isr.y] rn.f المصدر B1، سطر 20 – TLA الاسم مرمَّم.	زا ز پو إسري رنف	كان ابن راجل اسمه [إسيري].	He was the son of a man named [Isery].
𓆓𓏏𓇿𓀀𓁐𓏥 𓊪𓏲 𓈖𓏏 𓅓𓂋𓉐𓀗 𓌻𓂋𓅱 𓆇 𓂋𓈖	D.t pw n.t (i)m.i-r-pr-wr mr.w zA rn[si] المصدر B1، سطر 20 (تكملة) – TLA	چت پو نت (إ)مإ-ر-پر-ور مرو زا رنسإ	وكان من أتباع المشرف الأعلى على الأملاك، رنسي ابن مرو.	He was a dependent of the high steward Rensi, son of Meru.
𓆓𓂧 𓅈𓏏𓏭𓀜𓀀 𓊪𓈖 𓌳𓁹𓄿𓄿𓆑 𓉻𓂸𓃘𓏥 𓈖 𓇏𓏏𓏭 𓊪𓈖 𓉻𓂝𓄿𓃀𓇋𓇋𓅱𓇭𓏛𓏥 𓁷𓏤 𓄣𓏤𓆑 𓆓𓂧𓆑	[Dd.in] nm.ti-nxt pn mAA.f aA.w n sx.ti [pn] aAb.yw Hr ib.f Dd.f المصدر B1، سطر 21–22 – TLA	چدإن نمتإ-نخت پن مااف عاو ن سختإ پن عابيو حر إبف چدف	[فقال] نمتي-نخت ده لما شاف حمير الفلاح [ده] وهي عاجباه ودخلت قلبه، قال:	[Then] this Nemtynakht, seeing the peasant's donkeys and taking a liking to them, said:
𓇉𓄿𓀁 𓈖𓀀 𓊏𓊪𓀾 𓎟 𓏠𓈖𓐍𓍊𓏛 𓂝𓍯𓄿𓂝𓀀 𓎛𓆰 𓈖 𓇏𓏏𓏭𓀀 𓊪𓈖 𓇋𓅓𓆑	HA [n].[i] [Szp] [nb] mnx awAi.i H[n.w] [n] [sx.ti] [pn] im.f المصدر B1، سطر 23–24 – TLA	حا نإ شزپ نب منخ عواإإ حنو ن سختإ پن إمف	«يا ريتني أملك أي صورة سحرية أسرق بيها حاجة الفلاح ده!»	“If only I had some magic charm to steal this peasant's goods with!”
𓇋𓋴𓏏 𓂋𓆑 𓇋𓂋 𓉐 𓅈𓏏𓏭𓀜𓀀 𓊪𓈖 𓁷𓏤 𓄥𓏛𓇾 𓈖 𓍯𓄿𓏏𓈐	ist r.f ir pr nm.ti-nxt pn Hr zmA-tA [n] [r]-wA.t المصدر B1، سطر 24 (تكملة) – TLA معنى العبارة المصرية (zmA-tA n r-wA.t) مش مضمون، والترجمة تقريبية.	إست رف إر پر نمتإ-نخت پن حر زما-تا ن ر-وات	وكان بيت نمتي-نخت ده مطل على ممر الطريق عند المرسى اللي بتاع الجيران.	Now the house of this Nemtynakht stood by the landing at the roadside, the one shared by the neighbours.
𓎛𓆰𓈖𓋴𓅪 𓊪𓏲	Hns pw المصدر B1، سطر 25 – TLA	حنس پو	كان ممر ضيق،	It was a narrow path;
𓂜 𓅱𓊃𓐍𓎺𓏛 𓇋𓋴 𓊪𓏲	n wsx is pw المصدر B1، سطر 25 (تكملة) – TLA	ن وسخ إس پو	مش عريض.	it was not wide.
𓈎𓈖𓀜𓆑 𓂋 𓊃𓐍𓅱𓎺𓏛 𓈖 𓈀𓏤𓋳	qn<n>.[f] r sx.w n dAi.w المصدر B1، سطر 26 – TLA	قننف ر سخو ن داإو	كان بالكتير قد عرض مئزر.	It measured no more than the width of a kilt.
𓇋𓏲 𓈐𓏏𓏤𓆑 𓌡𓂝𓏏𓏤 𓌨𓂋 𓈗 𓎡𓇋𓇋𓆑 𓈐𓏏𓏤𓆑 𓌨𓂋 𓇗𓌾𓏥	iw wA.t.f wa.t Xr mw [k.ty].f wA.t. <Xr> Sma المصدر B1، سطر 27 – TLA	إو واتف وعت غر مو كتيف وات غر شمع	طرف منه تحت الميّه، والطرف التاني تحت الشعير الرفيع.	One side of it lay under water, the other under fine barley.
𓆓𓂧𓇋𓈖 𓅈𓏏𓏭𓀜𓀀 𓊪 𓈖 𓌞𓅱𓆑	Dd.in nm.ti-nxt p[n] [n] [Sms.w].[f] المصدر B1، سطر 27 (تكملة) – TLA	چدإن نمتإ-نخت پن ن شمسوف	فقال نمتي-نخت ده [لخدامه]:	Then this Nemtynakht said [to his servant]:
𓊄 𓏎𓈖 𓈖𓀀 𓇋𓆑𓂧𓋳 𓅓 𓉐𓅱𓀀	[iz] [ini] [n].[i] [ifd] [m] pr.w.i المصدر B1، سطر 28 – TLA	إز إنإ نإ إفد م پروإ	«[روح هات لي] ملاية [من] بيتي!»	“[Go and fetch me] a sheet [from] my house!”
𓏎𓈖𓆑 𓈖𓆑 𓁷𓏤𓂝𓅱𓏭	[ini.in.tw].f [n].[f] [Hr-a] المصدر B1، سطر 28 (تكملة) – TLA	إنإإنتوف نف حر-ع	[فاتجابت له على طول.]	[It was brought to him at once.]
𓊢𓂝𓈖 𓊃𓈙𓏴𓆑 𓅮𓄿 𓆑 𓁷𓏤 𓄿 𓄥𓏛𓇾𓈇𓏤 𓈖 𓂋𓏤𓈐𓏏𓏤	[aHa.n] [sS.n].[f] [pA] [i]f[d] [Hr] [p]A zmA-tA n r-wA.t المصدر B1، سطر 29 – TLA	عحعن سشنف پا إفد حر پا زما-تا ن ر-وات	[وبعدين] فرد [الملاية دي] على ممر الطريق.	[Then] he spread [this sheet] across the roadside path.
𓃹𓈖𓇋𓈖 𓐍𓈖𓈖𓅯𓂻 𓋴𓂧𓃀𓋳𓆑 𓁷 𓈗 𓈖𓊪𓈖𓊪𓏏𓋳𓆑 𓁷𓏤 𓇗𓌾𓏥	wn.in xnn [sdb].[f] Hr mw npnp.t.[f] [Hr] Sma المصدر B1، سطر 30–31 – TLA	ونإن خنن سدبف حر مو نپنپتف حر شمع	فوقعت أطرافها المهدّبة في الميّه، وحاشيتها الناعمة على الشعير الرفيع.	Its fringed border fell into the water, and its smooth hem onto the fine barley.
𓂻𓏲𓇋𓈖 𓇏𓏏𓏭𓀀 𓊪𓈖 𓁷𓏤 𓈐𓏏𓏤 𓈖𓏏 𓂋𓍿𓀀𓁐 𓎟𓏏	iwi.in [sx.ti] [pn] Hr wA.t n.t r(m)T.w nb.t المصدر B1، سطر 32 – TLA	إوإإن سختإ پن حر وات نت ر(م)ثو نبت	وجه الفلاح [ده] ماشي في الطريق اللي بيمشي فيه كل الناس.	Along came [this] peasant, on the road that everyone uses.
𓆓𓂧𓇋𓈖 𓅈𓏏𓏭𓀜𓀀 𓊪𓈖	Dd.in nm.ti-nxt pn المصدر B1، سطر 32 (تكملة) – TLA	چدإن نمتإ-نخت پن	فقال نمتي-نخت ده:	And this Nemtynakht said:
𓁹 𓉔𓂋𓏛 𓇏𓏏𓏭𓀀	iri [hrw] [sx.ti] المصدر B1، سطر 32 (تكملة) – TLA	إرإ هرو سختإ	«خد بالك يا [فلاح]،	“Mind your manners, [peasant],
𓂜 𓐍𓈖𓂧𓂾𓂻𓎢 𓁷𓏤 𓎛𓃀𓋴𓏲𓋳𓏥𓀀	n xnd.k Hr Hbs.w.i المصدر B1، سطر 33 – TLA	ن خندك حر حبسوإ	إوعى تدوس على هدومي!»	and do not trample on my clothes!”
𓆓𓂧𓇋𓈖 𓇏𓏭 𓊪𓈖	Dd.in sx.ti pn المصدر B1، سطر 34 – TLA	چدإن سختإ پن	فقال الفلاح ده:	Then this peasant said:
𓁹𓇋𓇋𓀀 𓎛𓎿𓊃𓏏𓀁𓎢	iri.y.i Hsi.t.k المصدر B1، سطر 34 (تكملة) – TLA	إرإيإ حسإتك	«أنا عايز أعمل اللي يرضيك.	“I will do whatever pleases you.
𓄤𓆑𓂋 𓅓𓂝𓏏𓈖𓌙𓅯𓈐𓏥𓀀	nfr mtn.i المصدر B1، سطر 34 (تكملة) – TLA	نفر متنإ	بس عايز طريقي يعدّي بسلام.»	I only want my way to pass peacefully.”
𓉐𓂋𓏏𓂻 𓊪𓏲 𓁹𓈖𓆑 𓂋𓁷𓂋𓏲𓇯	pri.t pw iri.n.f r-Hr.w المصدر B1، سطر 35 – TLA	پرإت پو إرإنف ر-حرو	وطلع لفوق (على حافة الترعة).	And he turned up the embankment.
𓆓𓂧𓇋𓈖 𓅈𓏏𓏭𓀜𓀀 𓊪𓈖	Dd.in nm.ti-nxt pn المصدر B1، سطر 35 (تكملة) – TLA	چدإن نمتإ-نخت پن	فقال نمتي-نخت ده:	Then this Nemtynakht said:
𓇋 𓇋 𓈖𓎢 𓇗𓌾𓏥𓀀 𓂋 𓈐𓏏𓏤	i[n] i[w] n.k Sma.i r wA.t المصدر B1، سطر 36 – TLA	إن إو نك شمعإ ر وات	«هو شعيري الرفيع هيبقى لك طريق؟»	“Is my fine barley to be your road?”
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 36 (تكملة) – TLA	چدإن سختإ پن	فقال الفلاح ده:	Then this peasant said:
𓄤𓆑𓂋 𓏏𓈖𓌙𓅯𓈐𓏥𓀀	nfr [m]tn.i المصدر B1، سطر 37 – TLA	نفر متنإ	«عايز طريقي يعدّي بسلام.	“I want my way to be a good one.
𓇋𓐍𓅐𓏏𓈇𓏤 𓈎𓄿𓏏𓀠	ixm.t qAi.t(i) المصدر B1، سطر 37 (تكملة) – TLA	إخمت قاإت(إ)	لكن الضفة عالية،	But the bank is steep,
𓅓𓂝𓏏𓈖𓌙𓅯𓈐𓏥 𓌨𓂋 𓇗𓌾𓏥	mtn Xr Sma المصدر B1، سطر 38 – TLA	متن غر شمع	والطريق تحت الشعير الرفيع،	and the path lies under fine barley,
𓎛𓆰𓈖𓎨𓎢 𓂋𓆑 𓍯𓄿𓏏𓈐𓏏𓈖𓏥 𓅓 𓎛𓃀𓋴𓏲𓋳𓏥𓎢	Hn.k r.f wA.t.n m Hbs.w.k المصدر B1، سطر 39 – TLA	حنك رف واتن م حبسوك	وإنت كمان بهدومك سادد طريقنا.	and now you block our road with your clothes as well.
𓇋𓈖 𓂜𓈖 𓂋𓆑 𓂝𓎢 𓋴𓍯𓄿𓏴𓈐𓈖𓏥 𓁷𓏤 𓈐𓏏𓏤	in nn r.f Di.k swA.n Hr wA.t المصدر B1، سطر 40 – TLA	إن نن رف چإك سوان حر وات	هو إنت مش هتسيبنا نعدّي في الطريق؟»	Will you not let us pass along the way?”
𓊢𓂝𓈖 𓎔𓏛𓈖 𓌡𓂝𓏤 𓅓 𓈖𓄿 𓈖 𓉻𓂸𓃘 𓂋𓏤𓆑 𓅓 𓃀𓅡𓄿𓏏𓆰 𓈖𓏏 𓇗𓌾𓏥	aHa.n mH.n wa m nA n aA r.f m bA.t n.t Sma المصدر B1، سطر 41 – TLA	عحعن محن وع م نا ن عا رف م بات نت شمع	وفي اللحظة دي واحد من الحمير ملا بقّه بحزمة شعير رفيع.	At that moment one of the donkeys filled its mouth with a wisp of fine barley.
𓆓𓂧𓇋𓈖 𓅈𓏏𓏭𓀜𓀀 𓊪𓈖	Dd.in nm.ti-nxt pn المصدر B1، سطر 41 (تكملة) – TLA	چدإن نمتإ-نخت پن	فقال نمتي-نخت ده:	Then this Nemtynakht said:
𓅓𓂝𓎢 𓅱𓀀 𓂋 𓈖𓈞𓅓𓂝 𓉻𓂸𓃘𓎢 𓇏𓏏𓏭𓀀 𓁷𓏤 𓏶𓀁𓆑 𓇗𓌾𓏥𓀀	m.k wi r nHm aA.k sx.ti Hr wn(m).f Sma.i المصدر B1، سطر 42–43 – TLA	مك وإ ر نحم عاك سختإ حر ون(م)ف شمعإ	«شوف! أنا هاخد حمارك يا فلاح، لأنه بياكل شعيري الرفيع.	“Look, I shall have to take your donkey, peasant, because it is eating my fine barley.
𓅓𓂝𓎢 𓇓𓏲 𓂋 𓉔𓃀𓏏𓍁𓂻 𓁷𓏤 𓈎𓈖𓏴𓆑	m.k sw r hbi.t Hr qn.f المصدر B1، سطر 43 (تكملة) – TLA	مك سو ر هبإت حر قنف	شوف، هيدرس الغلة جزاء غلطته.»	Look, it will have to tread out the grain as punishment for its offence.”
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 44 – TLA	چدإن سختإ پن	فقال الفلاح ده:	Then this peasant said:
𓄤𓆑𓂋 𓅓𓂝𓏏𓈖𓌙𓅯𓈐𓏥𓀀	nfr mtn.i المصدر B1، سطر 44 (تكملة) – TLA	نفر متنإ	«عايز طريقي يعدّي بسلام.	“I want my way to be a good one.
𓌡𓂝𓏏𓏤 𓌉𓆓𓏏𓏴 𓎆	wa.t HDi.t 10 المصدر B1، سطر 45 – TLA الجملة غامضة، وفيها كلمة الحزمة (؟) مش مؤكدة.	وعت حچإت ١٠	حزمة واحدة بتخرّب عشرة!	One wisp ruins ten!
𓏎𓈖𓈖𓀀 𓉻𓂸𓃘𓀀 𓁷𓏤 𓈙𓈖𓂝𓎢𓏛 𓎆	ini.n.i aA.i Hr Sna 10 المصدر B1، سطر 45 (تكملة) – TLA «شناع» (Sna) وحدة قياس قيمة في الاقتصاد المصري القديم.	إنإنإ عاإ حر شنع ١٠	أنا اشتريت حماري بعشر وحدات شناع!	I bought my donkey for ten shna-units!
𓎁𓏏𓂝𓎢 𓇓𓏲 𓁷𓏤 𓎔𓎛𓏲𓏛 𓈖 𓂋𓏤𓆑 𓅓 𓃀𓅡𓄿𓏏𓆰 𓈖𓏏 𓇗𓌾𓏥	iti.k sw Hr mH.w n r.f m bA.t n.t Sma المصدر B1، سطر 46 – TLA	إتإك سو حر محو ن رف م بات نت شمع	وإنت علشان بس إنه ملا بقّه بحزمة شعير رفيع هتاخده؟	And you will take him just because he filled his mouth with a wisp of fine barley?
𓇋𓅱𓀀 𓎼𓂋𓏏 𓂋𓐍𓏛𓎢𓅱𓀀 𓎟 𓈖 𓐖𓏏𓊖 𓏏𓈖	iw.i gr.t rx.kwi nb n DAt.t tn المصدر B1، سطر 47 – TLA	إوإ جرت رخكوإ نب ن چاتت تن	أنا أصلًا عارف صاحب الملكية دي.	Besides, I know the lord of this estate.
𓈖𓄓𓋴 𓅓𓂋𓉐𓀗 𓌻𓂋𓏲 𓆇 𓂋𓈖𓋴𓏭𓀀	n.i-s(i) (i)m.i-r-pr-wr mr.w zA rnsi المصدر B1، سطر 48 – TLA	نإ-س(إ) (إ)مإ-ر-پر-ور مرو زا رنسإ	دي بتاعة المشرف الأعلى رنسي ابن مرو.	It belongs to the high steward Rensi, son of Meru.
𓈖𓏏𓆑 𓎼𓂋𓏏 𓍚𓀜 𓂝𓍯𓄿𓂝𓀀 𓎟 𓅓 𓇾𓈇𓏤 𓊪𓈖 𓂋𓇥𓂋𓆑	ntf gr.t xsf awA nb m tA pn r-Dr.f المصدر B1، سطر 48 (تكملة) – TLA	نتف جرت خسف عوا نب م تا پن ر-چرف	وهو اللي بيعاقب كل حرامي في البلد دي كلها.	He is the one who punishes every thief in this whole land.
𓇋𓈖 𓂝𓍯𓄿𓂝𓏏𓏲𓀀 𓂋𓆑 𓅓 𓐖𓏏𓊖𓆑	in awAi.tw.i r.f m DAt.t.f المصدر B1، سطر 49 – TLA	إن عواإتوإ رف م چاتتف	هو أنا اللي هتسرق في أملاكه هو؟	Am I really to be robbed on his own estate?
𓆓𓂧𓇋𓈖 𓅈𓏏𓏭𓀜𓀀 𓊪𓈖	Dd.in nm.ti-nxt pn المصدر B1، سطر 50 – TLA	چدإن نمتإ-نخت پن	فقال نمتي-نخت ده:	Then this Nemtynakht said:
𓇋𓈖 𓅯𓄿 𓊪𓅱 𓐍𓈖𓅯𓀁 𓈖 𓌃𓂧𓏏𓀁 𓆓𓂧𓅱 𓂋𓍿𓀀𓁐𓏥	in pA pw xn n md.t Dd.w r(m)T.w المصدر B1، سطر 50 (تكملة) – TLA	إن پا پو خن ن مدت چدو ر(م)ثو	«هو ده المثل اللي بيقوله الناس:	“Is this the saying people repeat:
𓂧𓅓𓌪𓀁𓏏𓏲 𓂋𓈖 𓈖 𓎛𓅨𓂋𓅱𓅪𓀀 𓁷𓏤 𓎟𓀀𓆑	dm.tw rn n Hwr.w Hr nb.f المصدر B1، سطر 51 – TLA	دمتو رن ن حورو حر نبف	«اسم الفقير ما بيتنطقش إلا بسبب سيده»؟	‘A poor man's name is pronounced only for the sake of his master’?
𓏌𓎢𓀀 𓊪𓏲 𓌃𓂧𓅱𓀁 𓈖𓎢	ink pw mdwi n.k المصدر B1، سطر 52 – TLA	إنك پو مدوإ نك	أنا اللي بكلمك.	I am the one speaking to you.
𓅓𓂋𓉐𓀗𓀀 𓊪𓏲 𓋴𓆼𓄿𓇋𓇋𓀁𓎢	(i)m.i-r-pr-wr pw sxA.y.k المصدر B1، سطر 52 (تكملة) – TLA نمتي-نخت بيرد على ذكر سيده بتحدٍّ: اللي قدامك هو أنا، مش رنسي.	(إ)مإ-ر-پر-ور پو سخايك	لكن المشرف الأعلى هو اللي إنت فكّرتني بيه!»	But it is the high steward whom you have brought to mind!”
𓊢𓂝𓈖 𓅷𓄿𓂝𓈖𓆑 𓈖𓆑 𓇋𓄿𓄿𓇋𓇋𓏏𓆰 𓈖𓏏 𓇋𓋴𓂋𓆭𓆱 𓇆 𓂋𓆑	aHa.n TAi.n.f n.f iAA.yt n.t isr wAD r.f المصدر B1، سطر 53–54 – TLA	عحعن ثاإنف نف إاايت نت إسر واچ رف	وبعدين خد غصن طري من شجر الأثل وجه عليه بيه،	Then he seized a green tamarisk branch against him,
𓊢𓂝𓈖 𓉻𓂝𓄿𓂝𓆑 𓂝𓏏𓄹𓆑 𓎟 𓇋𓅓𓋴	aHa.n aA<g.n>.f a.t.f nb im.s المصدر B1، سطر 54 (تكملة) – TLA	عحعن عاجنف عتف نب إمس	وضرب بيه كل أطرافه،	and beat all his limbs with it,
𓈖𓈞𓅓𓂝 𓉻𓂸𓃘𓏥𓆑 𓊃𓅧𓈎𓂻 𓂋 𓐖𓏏𓊖𓆑	nHm aA.w.f saq r DAt.t.f المصدر B1، سطر 55 – TLA	نحم عاوف سعق ر چاتتف	وحميره اتاخدت منه واتساقت لجوّه أملاك نمتي-نخت.	while his donkeys were taken from him and driven into his own estate.
𓃹𓈖𓇋𓈖 𓇏𓏏𓏭𓀀 𓊪𓈖 𓁷𓏤 𓂋𓅓𓇋𓇋𓏏𓁹 𓉻𓂝𓄿𓅱𓏛 𓅨𓂋𓏏𓏯 𓈖 𓍋𓅓𓂋𓅪 𓈖 𓁹𓂋𓇋𓇋𓏏 𓂋𓆑	wn.in sx.ti pn Hr rmi.yt aAw wrt n mr n iri.yt r.f المصدر B1، سطر 56 – TLA	ونإن سختإ پن حر رمإيت عاو ورت ن مر ن إرإيت رف	فبكى الفلاح ده بكاء شديد جدًا من الوجع اللي اتعمل فيه.	This peasant wept bitterly, in pain at what had been done to him.

2. أول توسّل لنمتي-نخت

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓆓𓂧𓇋𓈖 𓅈𓏏𓏭𓀜𓀀 𓊪𓈖	Dd.in nm.ti-nxt pn المصدر B1، سطر 57 – TLA	چدإن نمتإ-نخت پن	فقال نمتي-نخت ده:	Then this Nemtynakht said:
𓅓 𓈎𓄿𓀠 𓊤𓏲𓀁𓎢 𓇏𓏏𓏭𓀀	m qAi xrw.k sx.ti المصدر B1، سطر 57 (تكملة) – TLA	م قاإ خروك سختإ	«ما ترفعش صوتك يا فلاح!	“Do not raise your voice, peasant!
𓅓𓂝𓎢 𓏏𓏲 𓂋 𓂧𓏇𓇋𓈇𓏤 𓈖 𓎟𓋴𓎼𓂋𓀁𓅆	m.k tw r dmi n nb-sgr المصدر B1، سطر 58 – TLA «سيّد الصمت» لقب لإله عالم الموتى (أوزير غالبًا)، والتهديد واضح: هتروح للموت.	مك تو ر دمإ ن نب-سجر	شوف، إنت قريب من مرسى سيّد الصمت!»	Look, you are near the landing place of the Lord of Silence!”
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 58 (تكملة) – TLA	چدإن سختإ پن	فقال الفلاح ده:	Then this peasant said:
𓎛𓀝𓂝𓎢 𓅱𓀀 𓂝𓍯𓄿𓂝𓎢 𓎛𓆰𓈖𓏌𓏲𓏛𓏥𓀀	H(w)i.k wi awAi.k Hn.w.i المصدر B1، سطر 59 – TLA	ح(و)إك وإ عواإك حنوإ	«إنت بتضربني علشان تسرق حاجتي،	“You beat me so as to steal my goods,
𓈖𓈞𓅓𓂝𓎡 𓂋𓆑 𓈖𓐍𓅱𓏏𓀁 𓅓 𓂋𓏤𓀀	nHm.k r.f nx.wt m r.i المصدر B1، سطر 60 – TLA	نحمك رف نخوت م رإ	وكمان عايز تشيل الشكوى من بقّي!	and now you would even take the complaint from my mouth!
𓎟𓋴𓎼𓂋𓀁𓅆 𓂝𓎢 𓂋𓎢 𓈖𓀀 𓐍𓏏𓏛𓏥𓀀	nb-sgr Di.k r.k n.i x.t.i المصدر B1، سطر 61 – TLA	نب-سجر چإك رك نإ ختإ	يا سيّد الصمت، ياريتك ترجّع لي ممتلكاتي،	O Lord of Silence, give me back my belongings,
𓇋𓐍𓏛 𓍃𓅓𓀀 𓊃𓃀𓎛𓄑𓀁 𓈖 𓈖𓂋𓅐𓂡𓎢	ix tm.i sbH <n> nr.(w).k المصدر B1، سطر 61 (تكملة) – TLA	إخ تمإ سبح ن نر(و)ك	وساعتها ما أصرخش من هيبتك!»	and then I shall not cry out against your terror!”
𓁹𓇋𓈖 𓇏𓏏𓏭𓀀 𓊪𓈖 𓊢𓂝𓅱𓇳 𓎆 𓂋 𓉔𓂋𓅱𓇳 𓎆 𓁷𓏤 𓄭𓂋𓀁 𓈖 𓅈𓏏𓏭𓀜𓀀 𓊪𓈖 𓂜 𓂋𓂝𓈖𓆑 𓌳𓐙𓂝𓆀𓆑 𓂋𓋴	iri.in sx.ti pn aHa.w r hrw 10 Hr spr n nm.ti-nxt pn n rDi.n.f mAa.f r.s المصدر B1، سطر 62–63 – TLA	إرإإن سختإ پن عحعو ر هرو ١٠ حر سپر ن نمتإ-نخت پن ن رچإنف ماعف رس	فقعد الفلاح ده عشر أيام كاملة يتوسل لنمتي-نخت ده، وهو ولا بصّ له.	So this peasant spent ten days begging this Nemtynakht, who paid him no heed.

3. الشكوى لرنسي وصمته

الفلاح يروح لرنسي في إهناسيا، والموظفون ما يهتموش.

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓈝𓅓𓏏𓂻 𓊪𓏲 𓁹𓈖 𓇏𓏏𓏭𓀀 𓊪𓈖 𓂋 𓇓𓏏𓈖𓀔𓈖𓈖𓊖 𓂋 𓄭𓂋𓀁 𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀	Smi.t pw iri.n sx.ti pn r nn-nswt r spr n (i)m.i-r-pr-wr mr.w zA rnsi المصدر B1، سطر 64–65 – TLA	شمإت پو إرإن سختإ پن ر نن-نسوت ر سپر ن (إ)مإ-ر-پر-ور مرو زا رنسإ	وبعدين راح الفلاح ده إهناسيا علشان يرفع التماس للمشرف الأعلى رنسي ابن مرو.	Then this peasant went to Herakleopolis to petition the high steward Rensi, son of Meru.
𓅠𓅓𓈖𓆑 𓇓𓅱 𓁷𓏤 𓉐𓂋𓏏𓂻 𓅓 𓋴𓃀𓇼𓄿𓉐 𓈖 𓉐𓆑 𓂋 𓉔𓄿𓏏𓂻 𓂋 𓈎𓄿𓈎𓄿𓅱𓊛𓆑 𓈖 𓂝𓂋𓂋𓇋𓇋𓏏𓉐	gmi.n.f sw Hr pri.t m sbA n pr.f r hAi.t r qAqA.w.f n(.i) arr.yt المصدر B1، سطر 66 – TLA	جمإنف سو حر پرإت م سبا ن پرف ر هاإت ر قاقاوف ن(إ) عرريت	ولقاه طالع من باب بيته، نازل لمركبه الرسمية.	He found him coming out of the door of his house, on his way down to his official barge.
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 67 – TLA	چدإن سختإ پن	فقال الفلاح ده:	Then this peasant said:
𓇉𓄿𓀁 𓂋𓂝𓏏 𓋴𓄿𓏛𓀀 𓄣𓏤𓎢 𓁷𓏤 𓅯𓄿 𓐍𓈖𓅯𓀁 𓈖 𓌃𓂧𓏏𓀁	HA rDi.t(w) swDA.i ib.k Hr pA xn n md.t المصدر B1، سطر 68 – TLA	حا رچإت(و) سوچاإ إبك حر پا خن ن مدت	«يا ريت يتسمح لي أفرّح قلبك بالكلام ده عن شكوايا!	“Might I be allowed to gladden your heart with this matter of my complaint!
𓊃𓊪𓊗 𓊪𓏲 𓂋𓂝𓏏 𓂻𓏲𓏏 𓈖𓀀 𓌞𓏲𓂻𓀀𓎢 𓈖 𓐍𓂋𓏏𓏛𓄣𓏤𓎢 𓉔𓄿𓃀𓂻𓀀 𓈖𓎢 𓇓𓏲 𓁷𓂋𓋴	sp pw rDi.t(w) iwi.t n.i Sms.w.k n xr.t-ib.k hAb.i n.k sw Hr.s المصدر B1، سطر 69–70 – TLA	سپ پو رچإت(و) إوإت نإ شمسوك ن خرت-إبك هابإ نك سو حرس	المسألة إنك تخلّي خدّامك العزيز على قلبك ييجي لي، وأنا أبعت لك معاه الخبر.»	All that is needed is that you let your trusted servant come to me, and I shall send word to you by him.”
𓂋𓂝𓇋𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀 𓈝𓅓𓂻 𓌞𓏲𓂻𓆑 𓈖 𓐍𓂋𓏏𓏛𓄣𓏤𓆑 𓁶𓏤𓇋𓅓𓆑 𓉔𓄿𓃀𓂻 𓇓𓅱 𓇏𓏏𓏭𓀀 𓊪𓈖 𓁷𓏤 𓌃𓂧𓏏𓀁 𓏏𓈖 𓏇𓇋𓈎𓇋𓀾𓏛𓋴 𓎟	rDi.in (i)m.i-r-pr-wr mr.w zA rnsi Smi Sms.w.f n xr.t-ib.f tp-im.f hAb sw sx.ti pn Hr md.t tn mi-qi.s nb المصدر B1، سطر 71–73 – TLA	رچإإن (إ)مإ-ر-پر-ور مرو زا رنسإ شمإ شمسوف ن خرت-إبف تپ-إمف هاب سو سختإ پن حر مدت تن مإ-قإس نب	فأمر المشرف الأعلى رنسي ابن مرو خدّامه العزيز على قلبه إنه يروح للفلاح، وبعت له الفلاح ده الموضوع كله بتفاصيله.	So the high steward Rensi, son of Meru, sent his trusted servant to the peasant, and the peasant sent word back to him about the whole affair, down to the last detail.
𓃹𓈖𓇋𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀 𓁷𓏤 𓋴𓂋𓐍𓏏𓀁 𓅈𓏏𓏭𓀜𓀀 𓊪𓈖 𓈖 𓋴𓂋𓅱𓀔𓀀𓏥 𓈖𓏏𓏭 𓂋𓐛𓏤𓆑	wn.in (i)m.i-r-pr-wr mr.w zA rnsi Hr srx.t nm.ti-nxt pn n sr.w n.ti r-gs.f المصدر B1، سطر 74 – TLA	ونإن (إ)مإ-ر-پر-ور مرو زا رنسإ حر سرخت نمتإ-نخت پن ن سرو نتإ ر-جسف	وبعدين رفع المشرف الأعلى رنسي ابن مرو شكوى ضد نمتي-نخت ده أدّام كبار الموظفين اللي كانوا معاه.	Then the high steward Rensi, son of Meru, laid a charge against this Nemtynakht before the senior officials who were with him.
𓆓𓂧𓇋𓈖𓋴𓈖𓏥 𓈖𓆑	Dd.in.sn n.f المصدر B1، سطر 75 – TLA	چدإنسن نف	فقالوا له:	They said to him:
𓊃𓅓𓃹𓈖𓀁 𓇏𓏏𓏭𓀀𓆑 𓊪𓏲 𓂻𓏲 𓈖 𓎢𓇋𓇋𓀀 𓂋𓐛𓏤𓆑	smwn sx.ti.f pw iwi n ky r-gs.f المصدر B1، سطر 75 (تكملة) – TLA	سمون سختإف پو إوإ ن كي ر-جسف	«غالبًا ده فلّاحه هو، رايح لحد تاني قريب منه (يحتمي بيه).	“Most likely this is one of his own peasants, who has gone to another man nearby for protection.
𓅓𓂝𓎢 𓁹𓂋𓏏𓋴𓈖𓏥 𓊪𓏲 𓂋 𓇏𓏏𓅂𓀀𓏥𓋴𓈖𓏥 𓂻𓏲𓅱𓀀𓏥 𓈖 𓎢𓏏𓐍𓏏𓏛𓀀𓏥 𓂋𓐛𓏤𓋴𓈖𓏥	m.k irr.t.sn pw r sx.ti.w.sn iwi.w n kt-x.t r-gs.sn المصدر B1، سطر 76–77 – TLA	مك إررتسن پو ر سختإوسن إوإو ن كت-خت ر-جسسن	شوف، دي عادتهم مع فلاحينهم اللي بيروحوا لغيرهم.	Look, that is what they always do with their peasants who go over to others.
𓅓𓂝𓎢 𓁹𓂋𓏏𓋴𓈖𓏥 𓊪𓏲	m.k irr.t.sn pw المصدر B1، سطر 77 (تكملة) – TLA	مك إررتسن پو	شوف، دي عادتهم.	Look, that is their way.
𓊃𓊪𓊗 𓊪𓏲 𓈖 𓍚𓀜𓏏𓏲 𓈖 𓅈𓏏𓏭𓀜𓀀 𓊪𓈖 𓁷𓏤 𓈖𓉔𓅪𓈒𓏥 𓈖 𓎛𓋴𓏠𓈖𓍖𓈒𓏥 𓎛𓈖𓂝 𓈖𓉔𓅪𓈒𓏥 𓈖 𓎛𓌳𓄿𓏏𓍖𓈒𓏥	sp pw n xsf.tw n nm.ti-nxt pn Hr nh n Hsmn Hna nh n HmA.t المصدر B1، سطر 78–79 – TLA	سپ پو ن خسفتو ن نمتإ-نخت پن حر نه ن حسمن حنع نه ن حمات	وهو ده موضوع يتعاقب عليه نمتي-نخت ده علشان شوية ملح وشوية نطرون؟	Is this a matter for which one should punish this Nemtynakht, over a little salt and a little natron?
𓎗𓏲𓏛𓏏𓏲 𓈖𓆑 𓂧𓃀𓅡𓄿𓌥𓏛 𓋴𓏏 𓂧𓃀𓅡𓄿𓌥𓏛𓆑 𓋴𓏏	wD.tw n.f dbA st dbA.f st المصدر B1، سطر 80 – TLA	وچتو نف دبا ست دباف ست	يتأمر يرجّعهم، وهو هيرجّعهم.»	Let him be ordered to replace them, and he will replace them.”
𓎼𓂋𓀁 𓊪𓏲 𓁹𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀	gr pw iri.n (i)m.i-r-pr-wr mr.w zA rnsi المصدر B1، سطر 81 – TLA	جر پو إرإن (إ)مإ-ر-پر-ور مرو زا رنسإ	فسكت المشرف الأعلى رنسي ابن مرو.	The high steward Rensi, son of Meru, fell silent.
𓂜 𓅱𓈙𓃀𓏴𓀁𓆑 𓈖 𓇑𓇑 𓈖 𓋴𓂋𓅱𓀔𓀀𓏥	n wSb.f n nn n sr.w المصدر B1، سطر 82 – TLA	ن وشبف ن نن ن سرو	ما ردّش على كبار الموظفين دول،	He gave these officials no answer,
𓂜 𓅱𓈙𓃀𓏴𓀁𓆑 𓈖 𓇏𓏏𓏭𓀀 𓊪𓈖	<n> wSb.f n sx.ti pn المصدر B1، سطر 82 (تكملة) – TLA	ن وشبف ن سختإ پن	وما ردّش على الفلاح ده.	and he gave this peasant no answer.
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀 𓆓𓂧𓆑	iwi.in r.f sx.ti pn r spr n (i)m.i-r-pr-wr mr.w zA rnsi Dd.f المصدر B1، سطر 83–84 – TLA	إوإإن رف سختإ پن ر سپر ن (إ)مإ-ر-پر-ور مرو زا رنسإ چدف	فجه الفلاح ده يرفع التماس للمشرف الأعلى رنسي ابن مرو، وقال:	Then this peasant came to petition the high steward Rensi, son of Meru, and said:

4. الالتماس الأول

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓅓𓂋𓉐𓀗 𓎟𓀀𓀀 𓅨𓂋𓀀 𓈖 𓅨𓂋𓅱𓀀𓏥 𓋴𓌫𓅓𓅱𓂻 𓈖 𓂜𓏏𓏏𓅪 𓈖𓏏𓏥 𓈖𓏏𓏏 𓇋𓂋 𓉔𓄿𓂻𓎢 𓂋 𓈙𓈇 𓈖 𓌳𓐙𓂝𓏏𓏯𓏛 𓋴𓐪𓂧𓈒𓊛𓎢 𓇋𓅓𓆑 𓅓 𓌳𓐙𓂝𓅱𓆀𓊡	(i)m.i-r-pr-wr nb.i wr n wr.w sSm.w n iw.tt <n.tt> ir hAi.k r S n mAa.t sqd.k im.f m mAa.w المصدر B1، سطر 85–86 – TLA الشكوى الأولى بتبدأ هنا. «المشرف الأعلى» ترجمة لقب imy-r pr wr، أي كبير مدراء الأملاك.	(إ)مإ-ر-پر-ور نبإ ور ن ورو سشمو ن إوتت نتت إر هاإك ر ش ن ماعت سقدك إمف م ماعو	«يا مشرف الأعلى، يا سيدي، يا أكبر الكبار، يا قايد اللي مش موجود واللي موجود! لما تنزل لبحيرة ماعت، هتبحر عليها بريح طيبة.	“High steward, my lord, greatest of the great, guide of all that is not and all that is! When you go down to the lake of Maat, you will sail upon it with a fair wind.
𓂜𓈖 𓎢𓆑𓋳 𓈖𓂧𓃀𓇋𓇋𓏏 𓎛𓏏𓍔𓄿𓎢	nn kfi ndb.yt HtA.k المصدر B1، سطر 87 – TLA	نن كفإ ندبيت حتاك	ما فيش ريح عاصفة هتقطع شراعك،	No gust shall tear away your sail,
𓂜𓈖 𓇋𓉔𓅓 𓂧𓊪𓏲𓏏𓊛𓎢	nn ihm dp.wt.k المصدر B1، سطر 88 – TLA	نن إهم دپوتك	ومركبك ما هيتعطّلش في الركود،	your boat shall not drift becalmed,
𓂜𓈖 𓂻𓅱𓏏 𓇍𓇋𓇋𓏏𓅪𓏥 𓅓 𓆱𓏏𓏤𓎢	nn iwi.t iy.t m xt.k المصدر B1، سطر 88 (تكملة) – TLA	نن إوإت إيت م ختك	وما فيش مصيبة هتصيب سارية مركبك،	no mishap shall strike your mast,
𓂜𓈖 𓏴𓌪𓂝 𓋴𓎼𓂋𓍅𓆱𓏥𓎢	nn zwA sgrg.w.k المصدر B1، سطر 89 – TLA	نن زوا سجرجوك	وعوارض الشراع ما هتتكسرش،	your spars shall not break,
𓂜𓈖 𓌂𓅓𓂻𓎢 𓇉𓄿𓂝𓂝𓂻𓎢 𓁷𓏤 𓇾𓈇𓏤	nn sxm.k HAaa.k Hr tA المصدر B1، سطر 89 (تكملة) – TLA	نن سخمك حاععك حر تا	وما هتتحطمش لو جنحت على الأرض،	you shall not be wrecked when you run aground,
𓂜𓈖 𓎁𓏏𓀜 𓏏𓏲 𓈖𓍇𓏌𓏲𓏏𓈗	nn iti tw nw.(y)t المصدر B1، سطر 90 – TLA	نن إتإ تو نو(ي)ت	وما فيش موجة هتجرفك،	no wave shall sweep you away,
𓂜𓈖 𓂧𓊪𓄓𓀁𓎢 𓈋𓅱𓏏𓅪𓏥 𓈖𓏏 𓇋𓏏𓂋𓅱𓈘	nn dp.k Dw.t n.t itr.w المصدر B1، سطر 91 – TLA	نن دپك چوت نت إترو	وما هتدوقش شر النهر،	you shall not taste the evil of the river,
𓂜𓈖 𓌳𓁹𓄿𓎢 𓁷𓏤 𓅾𓀁	nn mA.k Hr snD المصدر B1، سطر 91 (تكملة) – TLA	نن ماك حر سنچ	وما هتشوفش وش الرعب.	you shall not look upon the face of fear.
𓂻𓏲 𓈖𓎢 𓂋𓅓𓅱𓆟𓏥 𓍱𓈖𓂝𓇋𓇋𓏲𓂻𓏥 𓄖𓂻𓎢 𓅓 𓄿𓊪𓅭 𓆓𓂧𓄿𓐎 𓁷𓏤𓈖𓏏𓏏 𓈖𓏏𓎢 𓇋𓏏𓆑𓀀 𓈖 𓌰𓈖𓅓𓎛𓀔𓅪𓀀 𓉔𓇋𓂺𓀀 𓈖 𓆼𓄿𓂋𓏏𓅪𓁐 𓌢𓈖𓀀 𓈖 𓐣𓏏𓏛𓁐 𓍱𓈖𓂧𓇋𓇋𓏏𓋳 𓈖𓏏 𓂜𓏏𓏲𓅪 𓅓𓏏𓁐𓆑	iwi n.k rm.w Sna.yw pH.k m Ap<d> DdA Hr-n.tt ntk it n nmH hi n xAr.t sn n wDa.t Snd.yt n.t iw.tw mw.t.f المصدر B1، سطر 92–95 – TLA	إوإ نك رمو شنعيو پحك م اپد چدا حر-نتت نتك إت ن نمح هإ ن خارت سن ن وچعت شنديت نت إوتو موتف	السمك الخجول هييجي لك، وهتصطاد من الطير السمين، علشان إنت أبو اليتيم، وجوز الأرملة، وأخو المطلّقة، ومئزر اللي ما لوش أم.	The shy fish will come to you, and you will catch the fattest fowl, for you are the father of the orphan, the husband of the widow, the brother of the divorced woman, and the apron of the one who has no mother.
𓇋𓐝𓅓𓂝 𓁹𓇋𓇋𓀀 𓂋𓈖𓎢 𓅓 𓇾𓈇𓏤 𓊪𓈖 𓂋 𓉔𓊪𓏛 𓎟 𓄤𓆑𓂋 𓋴𓌫𓅓𓅱𓂻𓀀 𓆄𓏲𓅪 𓅓 𓂝𓃹𓈖𓂝𓄣𓏤 𓅨𓂋𓀀 𓆄𓏲𓅪 𓅓 𓈖𓆓𓇋𓇋𓏏𓅪 𓋴𓎛𓍃𓅓𓅯𓅪 𓎼𓂋𓍅𓏛 𓋴𓆣𓂋 𓌳𓐙𓂝𓏏𓏯𓏛	imi iri.y.i rn.k m tA pn r hp nb nfr sSm.w Swi m awn-ib wr Swi m nD.yt sHtm grg sxpr mAa.t المصدر B1، سطر 96–98 – TLA «ماعت» هي الحق والعدل والنظام الكوني عند المصريين.	إمإ إرإيإ رنك م تا پن ر هپ نب نفر سشمو شوإ م عون-إب ور شوإ م نچيت سحتم جرج سخپر ماعت	اسمح لي أعمل لاسمك في البلد دي لقب على كل قاعدة طيبة: قايد مفيش في قلبه طمع، كبير مفيش فيه خسّة، اللي بيهلك الباطل ويحقق ماعت.	Let me fashion your titulary in this land according to every good rule: a leader free of greed, a great man free of baseness, who destroys falsehood and brings Maat into being.
𓇍𓇋𓂻 𓁷𓏤 𓊤𓏲𓀁 𓂝𓂝𓂋𓏤𓀀	iyi Hr xrw DD-r المصدر B1، سطر 99 – TLA	إيإ حر خرو چچ-ر	تعالى على صوت اللي بيترافع!	Come at the voice of the one who pleads!
𓆓𓂧𓀀 𓄔𓅓𓎢	Dd.i sDm.k المصدر B1، سطر 99 (تكملة) – TLA	چدإ سچمك	أنا بتكلم علشان تسمع:	I speak so that you may hear:
𓁹 𓌳𓐙𓂝𓏏𓏯𓏛 𓎛𓎿𓊃𓇋𓇋𓀁𓀀 𓎛𓎿𓊃𓊃𓀁 𓎛𓎿𓊃𓇋𓇋𓏲𓀁𓀀𓏥	iri mAa.t Hsi.y Hss Hsi.yw.w المصدر B1، سطر 100 – TLA	إرإ ماعت حسإي حسس حسإيوو	اعمل العدل يا ممدوح، يا اللي الممدوحين بيمدحوه!	Do justice, O praised one, whom the praised ones praise!
𓂧𓂋𓀜 𓋴𓐟𓄿𓇋𓂋𓌗𓅪𓏥𓀀	dr sAir.i المصدر B1، سطر 100 (تكملة) – TLA	در ساإرإ	اطرد ضيقتي!	Drive away my distress!
𓅓𓂝𓎢 𓅱𓀀 𓀋𓂝𓎢𓅱	m.k wi ATp.kw(i) المصدر B1، سطر 101 – TLA	مك وإ اثپكو(إ)	شوف، أنا مضغوط ومقهور،	Look, I am oppressed;
𓇋𓊪𓏛 𓅱𓀀	ip wi المصدر B1، سطر 102 – TLA	إپ وإ	افحص حالتي!	examine my case!
𓅓𓂝𓎢 𓅱𓀀 𓅓 𓈖𓉔𓅱𓅪	m.k wi m nh.w المصدر B1، سطر 102 (تكملة) – TLA	مك وإ م نهو	شوف، أنا في خسارة.»	look, I am in loss.”

5. أمر الملك: يتأكل من غير ما يعرف

رنسي يحكي للملك، والملك يأمر بالصمت وبالأكل لأسرة الفلاح.

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓇋𓋴𓏏 𓂋𓆑 𓆓𓂧𓈖 𓇏𓏏𓏭𓀀 𓊪𓈖 𓌃𓂧𓏏𓀁 𓏏𓈖 𓅓 𓂋𓎢𓇳 𓍛𓏤 𓈖 𓇓𓏏𓆤𓏏 𓇳𓎟𓂓𓏤𓏥 𓌳𓐙𓊤	ist r.f Dd.n sx.ti pn md.t tn m rk Hm n nswt-bi.ti nb-kA.w-ra mAa-xrw المصدر B1، سطر 103–104 – TLA «المبرَّأ» (mAa-xrw) صفة بتتحط بعد اسم الملك الراحل، والحكاية بتتحكي من زمن بعيد عن الملك.	إست رف چدن سختإ پن مدت تن م رك حم ن نسوت-بإتإ نب-كاو-رع ماع-خرو	وكان الفلاح ده قال الكلام ده في زمن جلالة ملك مصر العليا والسفلى نب-كاو-رع، المبرَّأ.	Now this peasant spoke these words in the time of the Majesty of the King of Upper and Lower Egypt Nebkaure, the justified.
𓈝𓅓𓏏𓂻 𓊪𓏲 𓁹𓈖 𓅓𓂋𓉐𓀗 𓌻𓂋𓅱 𓆇 𓂋𓈖𓋴𓏭𓀀 𓁶𓏤𓅓 𓍛𓏤𓆑 𓆓𓂧𓆑	Smi.t pw iri.n (i)m.i-r-pr-wr mr.w zA rnsi tp-m Hm.f Dd.f المصدر B1، سطر 105 – TLA	شمإت پو إرإن (إ)مإ-ر-پر-ور مرو زا رنسإ تپ-م حمف چدف	فراح المشرف الأعلى رنسي ابن مرو لحد جلالته، وقال:	The high steward Rensi, son of Meru, went to His Majesty and said:
𓎟𓅆𓀀 𓇋𓏲 𓅠𓅓𓈖𓀀 𓌡𓂝𓏤 𓅓 𓇑𓇑 𓈖 𓇏𓏏𓏭𓀀 𓄤𓆑𓂋 𓌃𓂧𓅱𓀁 𓈖 𓃹𓈖𓌳𓐙𓂝𓆀𓏛 𓂝𓍯𓄿𓂝 𓎛𓆰𓈖𓏌𓏲𓏛𓏥𓆑	nb.i iw gmi.n.i wa m nn n sx.ti nfr mdw n wn-mAa awAi Hn.w.f المصدر B1، سطر 106–107 – TLA	نبإ إو جمإنإ وع م نن ن سختإ نفر مدو ن ون-ماع عواإ حنوف	«يا مولاي، لقيت واحد من الفلاحين دول، كلامه حلو بجد (فصيح)، وحاجته اتسرقت.	“My lord, I have met one of these peasants, truly gifted in speech, whose goods have been stolen.
𓅓𓂝𓎢 𓇓𓏲 𓂻𓏲 𓂋 𓄭𓂋𓀁 𓈖𓀀 𓁷𓂋𓋴	m.k sw iwi r spr n.i Hr.s المصدر B1، سطر 108 – TLA	مك سو إوإ ر سپر نإ حرس	شوف، جه يرفع لي التماس بسبب كده.»	Look, he has come to petition me about it.”
𓆓𓂧𓇋𓈖 𓍛𓏤𓆑	Dd.in Hm.f المصدر B1، سطر 109 – TLA	چدإن حمف	فقال جلالته:	Then His Majesty said:
𓅓 𓌻𓂋𓂋𓀁𓎢 𓌴𓁹𓄿𓀀 𓋴𓈖𓃀𓏛𓎢𓏲𓀀 𓋴𓏲𓂧𓂻𓆑𓎢 𓇓𓏲 𓉻𓂝𓄿𓈐 𓂜𓈖 𓅱𓈙𓃀𓏴𓀁 𓂋 𓆓𓂧𓏏𓆑 𓎟𓏏	m mrr.k mA.i snb.kwi swd<f>.k sw aA nn wSb r Dd.t.f nb.t المصدر B1، سطر 110 – TLA	م مررك ماإ سنبكوإ سودفك سو عا نن وشب ر چدتف نبت	«لو عايز تشوفني بصحة طيبة، خلّيه واقف عندك من غير ما ترد على أي حاجة يقولها.	“If you wish to see me in good health, keep him here and do not answer anything he says.
𓇋𓈖𓌻𓂋𓅱𓏏𓀁 𓃹𓈖𓆑 𓁷𓏤 𓆓𓂧 𓎼𓂋𓀁	in-mr.wt wn.f Hr Dd gr المصدر B1، سطر 111 – TLA	إن-مروت ونف حر چد جر	علشان يفضل يتكلم، فاسكت!	So that he goes on speaking, stay silent!
𓇋𓐍𓏛 𓏎𓈖𓏏 𓈖𓈖𓏥 𓅓 𓏟𓏛 𓄔𓅓𓈖𓏥 𓋴𓏏	ix init.(tw) n.n m zXA.w sDm.n st المصدر B1، سطر 111 (تكملة) – TLA	إخ إنإت(تو) نن م زغاو سچمن ست	وبعدين يتجاب لنا كلامه مكتوب، وإحنا نسمعه.	Then let it be brought to us in writing, and we shall hear it.
𓁹 𓇓𓅱𓏏 𓋹𓈖𓐍 𓈞𓏏𓁐𓆑 𓎛𓈖𓂝 𓄡𓂋𓂧𓏲𓀔𓀀𓁑𓏥𓆑	iri swt anx Hm.t.f Hna Xrd.w.f المصدر B1، سطر 112 – TLA	إرإ سوت عنخ حمتف حنع غردوف	بس اهتم بمعيشة مراته وعياله.	But see to the upkeep of his wife and children.
𓅓𓂝𓎢 𓂻𓏲 𓌡𓂝 𓅓 𓈖𓄿 𓈖 𓇏𓏏𓏭𓀀 𓂋 𓆄𓅱𓏏𓅪𓏥 𓉐𓏤𓆑 𓂋 𓇾𓈇𓏤	m.k iwi wa m nA n sx.ti r Sw.t pr.f r tA المصدر B1، سطر 113 – TLA	مك إوإ وع م نا ن سختإ ر شوت پرف ر تا	شوف، واحد من الفلاحين دول ما بييجيش إلا لما بيته يفضى خالص لحد الأرض.	Look, one of these peasants comes here only when his house has been emptied down to the floor.
𓁹 𓎼𓂋𓏏𓀁 𓋹𓈖𓐍 𓇏𓏏𓏭𓀀 𓊪𓈖 𓅓𓎛𓂝𓄹𓏥𓆑	iri gr.t anx sx.ti pn m-Ha.w.f المصدر B1، سطر 114/ alt 83 – TLA	إرإ جرت عنخ سختإ پن م-حعوف	واهتم كمان بمعيشة الفلاح ده نفسه.	And see to the upkeep of this peasant himself.
𓃹𓈖𓈖𓎢 𓁷𓏤 𓂋𓂝𓏏 𓂝𓏏𓏲 𓈖𓆑 𓅧𓏲𓏒𓏥 𓂜𓈖 𓂋𓂝𓏏 𓂋𓐍𓏛𓆑 𓈖𓏏𓏏 𓈖𓏏𓎢 𓂋𓂝 𓈖𓆑 𓋴𓏏	wnn.k Hr rDi.t Di.tw n.f aq.w nn rDi.t rx.f n.tt ntk rDi n.f st المصدر B1، سطر 115 – TLA	وننك حر رچإت چإتو نف عقو نن رچإت رخف نتت نتك رچإ نف ست	لازم تخلّي حد يدّيله أكل، من غير ما يعرف إنك إنت اللي بتدّيه.»	You must have provisions given to him, without letting him know that it is you who gives them.”
𓃹𓈖𓇋𓈖𓏏𓏲 𓁷𓏤 𓂋𓂝𓏏 𓈖𓆑 𓏏𓏐𓏒𓏥 𓎆 𓎛𓈎𓏏𓏊 𓂧𓊃𓏌 𓂋𓂝𓎟𓇳	wn.in.tw Hr rDi.t n.f t 10 H(n)q.t ds 2 ra-nb المصدر B1، سطر 116 – TLA	ونإنتو حر رچإت نف ت ١٠ ح(ن)قت دس ٢ رع-نب	فاتدّى له عشرة أرغفة وقلّتين بيرة كل يوم.	So he was given ten loaves and two jugs of beer every day.
𓂝𓂝 𓋴𓏏 𓅓𓂋𓉐𓀗 𓌻𓂋𓏲 𓆇 𓂋𓈖𓋴𓏭𓀀 𓂝𓂝𓆑 𓋴𓏏 𓈖 𓐍𓈖𓌰𓅓𓋴𓀗𓆑	DD st (i)m.i-r-pr-wr mr.w zA rnsi DD.f st n xnms.f المصدر B1، سطر 116 (تكملة) – TLA	چچ ست (إ)مإ-ر-پر-ور مرو زا رنسإ چچف ست ن خنمسف	وكل ما المشرف الأعلى رنسي ابن مرو كان يدّيها، كان بيدّيها لـ«صاحبه»،	Whatever the high steward Rensi, son of Meru, gave, he gave through his “friend”,
𓈖𓏏𓆑 𓂝𓂝 𓈖𓆑 𓋴𓏏	ntf DD n.f st المصدر B1، سطر 117 – TLA	نتف چچ نف ست	وصاحبه ده هو اللي كان بيدّيها للفلاح.	and it was this friend who handed it over to the peasant.
𓊢𓂝𓈖 𓉔𓄿𓃀𓂻𓈖 𓅓𓂋𓉐𓀗 𓌻𓂋𓏲 𓆇 𓂋𓈖𓋴𓏭𓀀 𓈖 𓋾𓉗𓊖𓀀 𓈖 𓇏𓏏𓈇𓎛𓌳𓄿𓏏𓍖𓈒𓏥𓈉 𓁷𓏤 𓁹𓏏 𓅧𓏲𓏒𓏥 𓈖 𓈞𓏏𓁐 𓇏𓏏𓏭𓀀 𓊪𓈖 𓅓 𓇋𓏏𓇠 𓋾𓌾 𓂋𓂝𓎟𓇳	aHa.n hAb.n (i)m.i-r-pr-wr mr.w zA rnsi n HqA-Hw.t n sx.t-HmA.t Hr iri.t aq.w n Hm.t sx.ti pn m it HqA.t 3 ra-nb المصدر B1، سطر 118 – TLA الحقات (HqA.t) مكيال حبوب، حوالي ٤٫٨ لتر.	عحعن هابن (إ)مإ-ر-پر-ور مرو زا رنسإ ن حقا-حوت ن سخت-حمات حر إرإت عقو ن حمت سختإ پن م إت حقات ٣ رع-نب	وبعدين بعت المشرف الأعلى رنسي ابن مرو لمدير الأملاك في وادي النطرون بخصوص إعاشة مرات الفلاح ده: تلات حقات شعير في اليوم.	Then the high steward Rensi, son of Meru, sent word to the district director of the Wadi Natrun concerning rations for this peasant's wife: three heqat of barley a day.

6. الالتماس التاني

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓊃𓊪𓊗 𓆓𓂧𓆑	iwi.in r.f sx.ti pn r spr n.f sp 2.<nw> Dd.f المصدر B1، سطر 119 – TLA الشكوى التانية بتبدأ هنا.	إوإإن رف سختإ پن ر سپر نف سپ ٢نو چدف	فجه الفلاح ده يرفع له التماس للمرة التانية، وقال:	This peasant came a second time to petition him, and said:
𓅓𓂋𓉐𓀗𓀀 𓎟𓀀 𓅨𓂋𓀀 𓈖 𓅨𓂋𓏲𓀀𓏥 𓐍𓏲𓂧𓐗𓏛 𓈖 𓐍𓏲𓂧𓏲𓏛 𓈖𓏏𓏭 𓃹𓈖 𓅨𓂋𓀀 𓈖 𓅨𓂋𓀀𓏥𓆑 𓐍𓏲𓂧𓐗𓏛𓀀 𓈖 𓐍𓏲𓂧𓏲𓐗𓏛𓀀𓏥𓆑	(i)m.i-r-pr-wr nb.i wr n wr.w xwd n xwd.w n.ti wn wr n wr.w.f xwd n xwd.w.f المصدر B1، سطر 120–121 – TLA	(إ)مإ-ر-پر-ور نبإ ور ن ورو خود ن خودو نتإ ون ور ن وروف خود ن خودوف	«يا مشرف الأعلى، يا سيدي، يا أكبر الكبار، يا أغنى الأغنياء، اللي كبارهم عندهم فيك كبير، وأغنياؤهم عندهم فيك غني!	“High steward, my lord, greatest of the great, richest of the rich, in whom the great have a greater one and the rich a richer!
𓈞𓅓𓏲𓊦 𓈖 𓊪𓏏𓇯 𓊃𓅭𓄿𓏲𓆱 𓈖 𓇾𓈇𓏤 𓆼𓄿𓇋𓇋𓂭𓂭𓍢 𓀋𓀜 𓏲𓂧𓈖𓏌𓏲𓍖𓏛𓏥	Hmw n p.t sAw n tA xAy fAi wdn.w المصدر B1، سطر 122 – TLA	حمو ن پت ساو ن تا خاي فاإ ودنو	يا دفة السما، يا دعامة الأرض، يا خيط الرصاص اللي شايل الميزان!	Rudder of heaven, beam that holds up the earth, plumb line that carries the weight!
𓈞𓅓𓏲𓊦 𓅓 𓋴𓃀𓈖𓂻	Hmw m sbn المصدر B1، سطر 122 (تكملة) – TLA	حمو م سبن	يا دفة، ما تحيدش عن الطريق!	Rudder, do not veer off course!
𓋴𓐟𓄿𓏲𓆱 𓅓 𓎼𓋴𓐟𓄿𓊊	sAw m gsA المصدر B1، سطر 123 – TLA	ساو م جسا	يا دعامة، ما تميلش!	Beam, do not lean!
𓆼𓄿𓇋𓇋𓍢 𓅓 𓁹 𓈖𓍇𓏌𓏲𓂧𓅱𓂻𓏥	xAy m iri nwd.w المصدر B1، سطر 123 (تكملة) – TLA	خاي م إرإ نودو	يا خيط الرصاص، ما تتذبذبش!	Plumb line, do not waver!
𓎟𓀀 𓅨𓂋 𓁷𓏤 𓎁𓏏𓏏𓀜 𓅓 𓂜𓏏𓏏𓅪 𓎟𓀀𓋴 𓁷𓏤 𓎛𓂝𓍑𓄿𓀜 𓁷𓏤 𓌡𓏲𓂝	nb wr Hr iti.t m iw.t.t nb.s Hr HaDA Hr wa المصدر B1، سطر 124 – TLA	نب ور حر إتإت م إوتت نبس حر حعچا حر وع	سيد كبير مشغول بالأخذ من اللي ملوش صاحب، وبسرقة الواحد اللي لوحده.	A great lord busies himself with taking from those who have no master, and with robbing the man who stands alone.
𓌨𓂋𓏏𓏛𓏥𓎢 𓅓 𓉐𓏤𓎢 𓎛𓈎𓏏𓏊 𓉔𓈖𓏌𓏲𓏊 𓏤 𓎛𓈖𓂝 𓏏𓏐𓏒𓏥	Xr.t.k m pr.k H(n)q.t hnw 1 Hna t 3 المصدر B1، سطر 125 – TLA	غرتك م پرك ح(ن)قت هنو ١ حنع ت ٣	نصيبك في بيتك: حِن بيرة وتلات أرغفة.	Your portion in your house is one hin of beer and three loaves.
𓊪𓏏𓂋𓆵 𓊪𓈖𓈎𓏏𓀜𓎢 𓅓 𓋴𓋴𓐟𓄿𓏏𓀁 𓏏𓍯𓄿𓏲𓀢𓀀𓏥𓎢	p(w)-tr pnq.t.k m ssAi.t twA.w.k المصدر B1، سطر 125 (تكملة) – TLA	پ(و)-تر پنقتك م سساإت تواوك	وإيه اللي هتصرفه تاني غير إشباع أتباعك؟	What more do you spend, beyond filling the bellies of your clients?
𓇋𓈖 𓅓𓏏𓀐 𓅓𓏏𓀐 𓎛𓈖𓂝 𓌨𓂋𓀀𓁐𓏥𓆑	in m(w)t m(w)t Hna Xr.w.f المصدر B1، سطر 126 – TLA	إن م(و)ت م(و)ت حنع غروف	الفاني بيموت هو وأتباعه سوا.	A mortal dies, and his dependants with him.
𓇋𓈖 𓇋𓏲𓎢 𓂋 𓊃𓀀𓏤 𓈖 𓈖𓅘𓎛𓎛𓇳	in iw.k r z n nHH المصدر B1، سطر 126 (تكملة) – TLA	إن إوك ر ز ن نحح	هو إنت هتبقى راجل أبدي؟	Will you be a man of eternity?
𓂜 𓃚𓏲𓅪 𓇋𓋴 𓊪𓏲 𓃚𓏲𓇓𓏲𓆱 𓎼𓋴𓐟𓄿𓏲𓊊 𓏏𓐍𓏊 𓈖𓈖𓌰𓅓𓅪 𓂸𓏏𓂭𓂭𓏛 𓌳𓐙𓂝𓆀𓏛 𓆣𓂋 𓅓 𓏏𓈖𓃀𓄡𓃟	n iw is pw iws.w gsA.w tx nnm mt(i) mAa xpr m tnbX المصدر B1، سطر 127–128 – TLA	ن إو إس پو إوسو جساو تخ ننم مت(إ) ماع خپر م تنبغ	مش ده شيء وحش؟ الميزان المايل، والخيط المنحرف، والصادق الدقيق اللي بقى متردد ومترنّح!	Is it not a wicked thing: the scale that is tilted, the plumb line that strays, the truly exact one who has become a waverer?
𓅓𓂝𓎢 𓌳𓐙𓂝𓏏𓏯𓏛 𓏏𓅱𓐍𓂻𓋴 𓌨𓂋𓎢 𓈖𓈙𓏏𓂻 𓅓 𓊨𓏏𓉐𓋴	m.k mAa.t twx.s Xr.k nS.t(i) m s.t.s المصدر B1، سطر 129 – TLA	مك ماعت توخس غرك نشت(إ) م ستس	شوف، ماعت بتهرب من تحتك، بعد ما اتطردت من مكانها،	Look, Maat flees from beneath you, driven from her place,
𓋴𓂋𓏲𓀔𓀀𓏥 𓁷𓏤 𓁹𓏏 𓇍𓇋𓇋𓏏𓅪𓏥	sr.w Hr iri.t iy.t المصدر B1، سطر 129 (تكملة) – TLA	سرو حر إرإت إيت	وكبار الموظفين بيعملوا ظلم،	the officials commit wrongdoing,
𓁶𓏤𓎛𓋴𓃀𓐎𓏛 𓈖 𓌃𓂧𓏏𓀁 𓁷𓏤 𓂋𓂝𓏏 𓁷𓏤 𓐞𓏤	tp-Hsb n md.t Hr rDi.t Hr gs المصدر B1، سطر 129 (تكملة) – TLA	تپ-حسب ن مدت حر رچإت حر جس	وقاعدة الكلام نفسها بقت مايلة لجنب،	the very standard of speech has been made to lean to one side,
𓄔𓅓𓇋𓇋𓏲𓀀𓏥 𓁷𓏤 𓐍𓈖𓊪𓂝 𓎁𓏏𓂝𓆑	sDm.y.w Hr xnp iti.f المصدر B1، سطر 130 – TLA	سچميو حر خنپ إتإف	والقضاة بيسرقوا لما بياخدوا،	the judges steal what they take in,
𓂿𓏏𓏭𓀀 𓊪𓏲 𓈖 𓌃𓂧𓏏𓀁 𓅓 𓂝𓈎𓄿𓂭𓂭𓏛𓋴 𓁷𓏤 𓁹𓏏 𓂋𓆑 𓈖𓍇𓏌𓏲𓂧𓏲𓂻 𓇋𓅓𓋴	siAt.i pw n md.t m aqA.s Hr iri.t r.f nwd.w im.s المصدر B1، سطر 131 – TLA	سإاتإ پو ن مدت م عقاس حر إرإت رف نودو إمس	ومعنى كده إن اللي بيقصقص الكلام عن استقامته بيفسد بيه.	which means that whoever clips speech of its straightness corrupts by means of it.
𓂋𓂝 𓊡𓏲 𓁷𓏤 𓎼𓄿𓏏𓎣𓅪 𓁷𓏤 𓇾𓈇𓏤	rDi TAw Hr gAu.t Hr tA المصدر B1، سطر 131 (تكملة) – TLA	رچإ ثاو حر جاuت حر تا	اللي بيدّي الهوا بيخلّي الأرض تختنق،	He who should give breath makes the earth suffocate,
𓋴𓂋𓆑𓏲𓂉𓀁 𓁷𓏤 𓂋𓂝𓏏 𓈖𓈙𓊪𓂉𓀁𓏏𓏲	srf.w Hr rDi.t nSp.tw المصدر B1، سطر 132 – TLA	سرفو حر رچإت نشپتو	واللي بيرتاح في نَفَسه بيخلّي الناس تلهث،	he who breathes at ease makes others pant,
𓊪𓊃𓈙𓏲𓏴𓏛 𓅓 𓂝𓃹𓏲𓀜	psS.w m awn.w المصدر B1، سطر 132 (تكملة) – TLA	پسشو م عونو	واللي المفروض يوزّع بقى هو اللي بيسرق،	he who should distribute has become a robber,
𓂧𓂋𓀜 𓋴𓐟𓄿𓇋𓂋𓂋𓌗𓅪 𓅓 𓎗𓏲𓏛 𓁹𓏏𓆑	dr sAir m wD iri.t.f المصدر B1، سطر 133 – TLA	در ساإر م وچ إرإتف	واللي المفروض يطرد الضيق بقى هو اللي بيأمر بعمله،	he who should drive away distress orders that it be inflicted,
𓂧𓏇𓇋𓈇𓏤 𓅓 𓅱𓆓𓈖𓏌𓏲𓈗𓆑	dmi m wDn.w.f المصدر B1، سطر 133 (تكملة) – TLA تشبيه بالملاحة: المرسى المفروض يبقى الأمان، ولكنه بقى الخطر.	دمإ م وچنوف	والمرسى بقى هو الطوفان نفسه.	and the landing place has become the flood itself.
𓍚𓀜 𓃚𓏲𓅪 𓁷𓏤 𓁹𓏏 𓇍𓇋𓇋𓏏𓅪𓏥	xsf iw Hr iri.t iy.t المصدر B1، سطر 134 – TLA	خسف إو حر إرإت إيت	واللي المفروض يصد الشر بيعمل الظلم.»	He who should repel evil does wrong.”
𓆓𓂧𓇋𓈖 𓅓𓂋𓉐𓀗 𓌻𓂋𓏲 𓆇 𓂋𓈖𓋴𓏭𓀀	Dd.in (i)m.i-r-pr-wr mr.w zA rnsi المصدر B1، سطر 134 (تكملة) – TLA	چدإن (إ)مإ-ر-پر-ور مرو زا رنسإ	فقال المشرف الأعلى رنسي ابن مرو:	Then the high steward Rensi, son of Meru, said:
𓇋𓈖 𓉻𓂝𓄿𓏏𓏛 𓊪𓅱 𓈖𓎢 𓇋𓅓𓇋𓇋 𓁷𓏤 𓄣𓏤𓎢 𓂋 𓎁𓏏𓀜 𓏏𓏲 𓌞𓏲𓂻𓀀𓀀	in aA.t pw n.k im.y Hr ib.k r iti tw Sms.w.i المصدر B1، سطر 135 – TLA	إن عات پو نك إمي حر إبك ر إتإ تو شمسوإ	«هو متاعك عندك أهم من إن واحد من أتباعي يقبض عليك؟»	“Is your property so important in your own eyes that my attendant should have to seize you?”
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 135 (تكملة) – TLA	چدإن سختإ پن	فقال الفلاح ده:	Then this peasant said:
𓆼𓄿𓏲𓌽𓂝𓀀 𓈖 𓊢𓂝𓇤𓏛𓏥 𓁷𓏤 𓂿 𓈖𓆑	xA.w n aHa Hr siAT n.f المصدر B1، سطر 136 – TLA	خاو ن عحع حر سإاث نف	«اللي بيكيل كوم الغلة بينقص لنفسه،	“The measurer of the heap shortchanges it for himself,
𓎔𓏛 𓈖 𓎢𓇋𓇋𓀀 𓁷𓏤 𓉔𓈎𓋴𓅪 𓉔𓄿𓏲𓏛𓏥𓆑	mH n ky Hr hqs hAw.f المصدر B1، سطر 136 (تكملة) – TLA	مح ن كي حر هقس هاوف	واللي المفروض يعبّي لغيره بيظلم اللي حواليه،	he who should fill for another wrongs those around him,
𓋴𓌫𓅓𓂻𓀀 𓂋 𓉔𓊪𓏲𓏛𓏥 𓁷𓏤 𓎗𓏲𓏛 𓂝𓍯𓄿𓏏𓂝	sSmi r hp.w Hr wD awAi.t المصدر B1، سطر 137 – TLA	سشمإ ر هپو حر وچ عواإت	واللي المفروض يقود حسب القوانين بيأمر بالسرقة.	he who should lead by the laws orders robbery.
𓈖𓅓𓂝 𓇋𓂋𓆑 𓍚𓀜𓆑 𓃀𓅱𓎛𓅨𓂋𓏲𓅪	nm ir.f xsf.f bw-Hwr.w المصدر B1، سطر 137 (تكملة) – TLA	نم إرف خسفف بو-حورو	ومين بقى هيعاقب الظلم؟	Who then will punish wrongdoing?
𓂧𓂋𓂝 𓈖𓍇𓏌𓏲𓅪𓏥 𓁷𓏤 𓁹𓏏 𓈖𓍇𓏌𓏲𓂧𓏲𓂻𓏥	dr nw Hr iri.t nwd.w المصدر B1، سطر 138 – TLA	در نو حر إرإت نودو	واللي المفروض يطرد الضعف بيعوّج الحكم.	He who should banish feebleness creates crookedness instead.
𓂝𓈎𓄿𓂭𓂭𓏛 𓎡𓇋𓇋𓀀 𓁷𓏤 𓆼𓄿𓃀𓃀𓌴𓌴 𓏲𓆑𓄿𓅬𓀁 𓎢𓇋𓇋𓀀 𓁹 𓇍𓇋𓇋𓏏𓅪𓏥	aqA ky Hr xAbb wfA ky iri iy.t المصدر B1، سطر 139 – TLA	عقا كي حر خابب وفا كي إرإ إيت	واحد دقيق جدًا في الصفقات الملتوية، وواحد تاني بيتكلم بحماس عن اللي بيظلم.	One is meticulous in crooked dealings, another speaks glibly about the one who does wrong.
𓇋 𓏏𓂋𓆵 𓅠𓅓𓎢 𓂋𓎢 𓈖𓎢	i<n> tr gmi.k r.k n.k المصدر B1، سطر 139 (تكملة) – TLA	إن تر جمإك رك نك	هو إنت بتعرف نفسك في ده؟	Do you recognise yourself in this?
𓎛𓂝𓅪 𓍚𓀜 𓄫𓏲 𓇍𓇋𓇋𓏏𓅪𓏥	H<w>a xsf Aw iy.t المصدر B1، سطر 140 – TLA	حوع خسف او إيت	العقاب قصير والظلم طويل،	Punishment is short, wrongdoing is long,
𓂻𓏲 𓃀𓇋𓈞𓄑𓀁 𓂋 𓊨𓏏𓉐𓆑 𓈖𓏏 𓋵𓇳𓏤	iwi bi(A) r s.t.f n.t sf المصدر B1، سطر 140 (تكملة) – TLA	إوإ بإ(ا) ر ستف نت سف	لكن السلوك الطيب هيرجع لمكانه القديم.	yet good conduct will return to its place of yesterday.
𓎗𓏲𓏛 𓂋𓆑 𓊪𓏲 𓁹 𓈖 𓁹𓂋 𓂋 𓂋𓂝𓏏 𓁹𓆑	wD r.f pw iri n irr r rDi.t iri.f المصدر B1، سطر 141 – TLA الجملة بتشرح مبدأ تبادل الخير: كافئ اللي بيعمل الصح علشان يكمل.	وچ رف پو إرإ ن إرر ر رچإت إرإف	ده أمر: اعمل للي بيعمل، علشان يفضل يعمل.	For this is a command: act for the one who acts, so that he will go on acting.
𓇼𓄿𓀢 𓊹 𓈖𓆑 𓊪𓏲 𓁷𓏤 𓁹𓂋𓏏𓆑	dwA nTr n.f pw Hr irr.t.f المصدر B1، سطر 141 (تكملة) – TLA الحرفي: dwA nTr n.f ــ «يُشكر الإله من أجله». الترجمة هنا تتبع التفسير الشائع.	دوا نثر نف پو حر إررتف	ومعناه إنك تشكره على اللي بيعمله.	It means thanking him for what he does.
𓂜 𓈖𓇋𓏏𓂢 𓐍𓏏𓏛𓏥 𓊪𓏲 𓁶𓏤𓂝𓏤 𓋴𓄝𓏏𓀜	ni.t x.t pw tp-a sti.<t> المصدر B1، سطر 142 – TLA	نإت خت پو تپ-ع ستإت	ومعناه إنك تصد الشيء قبل ما يتقذف.	It means warding off a thing before it is shot.
𓎗𓏲𓏛 𓐍𓏏𓏛𓏥 𓊪𓏲 𓈖 𓎟𓎛𓆰𓈖𓏏𓎨𓏛𓀀	wD x.t pw n nb-Hn.t المصدر B1، سطر 142 (تكملة) – TLA	وچ خت پو ن نب-حنت	ومعناه إنك تأمر بالشيء عند صاحب الشغلة.	It means giving an order to the one in charge of the task.
𓇉𓄿𓀁 𓄿 𓄿𓏏𓇳𓏯 𓋴𓎛𓍃𓅓𓅬𓅪𓋴 𓊪𓈖𓂝𓊛 𓅓 𓂋𓏲𓇋𓇭𓎢 𓂝𓈖𓂧𓅪 𓅓 𓄿𓊪𓂧𓏲𓅬𓏥𓎢 𓐍𓃀𓅡𓄿𓌼𓂝 𓅓 𓈎𓃀𓎛𓏲𓏁𓈗𓅬𓏥𓎢	HA A A.t sHtm.s pna m rwi.k and m Apd.w.k xbA m qbH.w.k المصدر B1، سطر 143–144 – TLA السطر ده صعب، والكلمة المترجمة «فخ» غير مؤكدة.	حا ا ات سحتمس پنع م روإك عند م اپدوك خبا م قبحوك	يا ريت لحظة واحدة تهدّ كل ده: ينقلب فخّك، وتقل طيورك، وتخسر طيرك المائي!	If only a single moment might wreak havoc: your trap overturned, scarcity among your fowl, losses among your water birds!
𓉐𓂋𓂻 𓌳𓁹𓄿𓏲𓀀 𓈙𓊪𓏲𓁹𓏏 𓄔𓅓𓏲𓀀 𓊃𓐍𓏲𓄔 𓋴𓌫𓅓𓏲𓂻𓀀 𓆣𓂋 𓅓 𓋴𓏏𓈖𓌰𓅓𓏲𓂻𓀀	pri mA.w Sp.w sDm.w sx.w sSm.w xpr m stnm.w المصدر B1، سطر 145 – TLA	پرإ ماو شپو سچمو سخو سشمو خپر م ستنمو	لأن اللي المفروض يشوف طلع أعمى، واللي المفروض يسمع طلع أطرش، والقايد بقى مضلِّل.	For the one who should see has turned out blind, the one who should hear is deaf, and the leader has become one who leads astray.
𓂝𓈖𓃀𓂋𓅱𓎅𓏤 𓇋𓈖 𓏏𓂋𓆵 𓊃𓈖𓃀𓂝𓈖𓎢	anbr.w in tr snb.n.k المصدر B1، سطر 146 – TLA معنى anbr.w غير مؤكد.	عنبرو إن تر سنبنك	يا حافظ الخزين (؟)، إنت وقعت بجد؟	O keeper (?), have you really fallen?
𓁹𓂋𓎢 𓂋𓎢 𓇋𓂋𓆑 𓂋 𓅓𓂝	irr.k r.k ir.f r m المصدر B1، سطر 146 (تكملة) – TLA	إررك رك إرف ر م	ليه بتعمل كده في نفسك؟	Why do you act against yourself?
𓅓𓂝𓎢 𓏏𓏲 𓈖𓆱𓐍𓏏𓀜 𓄊𓋴𓂋𓏏𓂝 𓂝𓏤𓎢 𓉐𓂋𓂻 𓄣𓏤𓎢 𓂝𓃹𓈖𓂝 𓊃𓆑𓂉𓀁 𓋴𓍯𓄿𓏴𓈐 𓁷𓏤𓎢	m.k tw nxt.(ti) wsr.t(i) a.k pri ib.k awn sf swA Hr.k المصدر B1، سطر 147–148 – TLA	مك تو نخت(تإ) وسرت(إ) عك پرإ إبك عون سف سوا حرك	شوف، إنت قوي ومتين، وإيدك نشيطة، وقلبك طماع، والرحمة عدّت من جنبك.	Look, you are strong and mighty; your arm is active, your heart greedy, and mercy has passed you by.
𓈖𓐍𓀁𓅱𓏭 𓌳𓄿𓇋𓂋𓌗𓅪𓀀 𓋴𓎝𓎢𓇋𓇋𓅪𓎢 𓏏𓅱𓏏𓀾𓏛𓎢 𓈖 𓄋𓊪𓅱𓏏𓏭𓂻𓀀 𓈖 𓏃𓈖𓏏𓆊𓅆	nx.wi mAir ski.y.k twt.k n wpw.ti n xnt.i المصدر B1، سطر 149–150 – TLA خنتي هنا إله مرتبط بالتمساح حسب شرح المحرّرين.	نخوإ ماإر سكإيك توتك ن وپوتإ ن خنتإ	يا حرقة قلب المسكين اللي بتدمّره! إنت شبه رسول خنتي!	How pitiable is the destitute one whom you destroy! You are like the messenger of Khenty!
𓅓𓂝𓎢 𓏏𓏲 𓏴𓏏𓈐 𓁷 𓎟𓏏𓇋𓂧𓅱𓇯𓆗	m.k tw swA.t(i) Hr nb.t-idw المصدر B1، سطر 151 – TLA غالبًا الإلهة سخمت.	مك تو سوات(إ) حر نبت-إدو	شوف، إنت فُقت حتى سيدة الوباء.	Look, you have surpassed even the Lady of Plague.
𓂜𓈖 𓈖𓎢 𓂜𓈖 𓈖𓋴	nn n.k nn n.s المصدر B1، سطر 151 (تكملة) – TLA الأسطر التلاتة دي غامضة جدًا، والترجمة قريبة من الحرف.	نن نك نن نس	لو مش ليك، فمش ليها.	If it is not for you, it is not for her.
𓂜𓈖 𓂋𓋴 𓂜𓈖 𓂋𓎢	nn <r>.s nn r.k المصدر B1، سطر 151 (تكملة) – TLA	نن رس نن رك	ولو مش ضدها، فمش ضدك.	If it is not against her, it is not against you.
𓂜 𓁹𓂋𓎢 𓋴𓏏 𓂜 𓁹𓂋𓋴 𓏏	n ir.k st n ir.s <s>t المصدر B1، سطر 152 – TLA	ن إرك ست ن إرس ست	إنت ما عملتهوش، وهي ما عملتهوش.	You did not do it, and she did not do it.
𓊃𓆑𓂉𓀁 𓎟 𓏏𓏐𓏒𓏥𓀀 𓈖𓆱𓐍𓏏𓀜 𓈖 𓐍𓈖𓂋𓍕𓀁𓀀	sf nb t nxt n xnr المصدر B1، سطر 153 – TLA	سف نب ت نخت ن خنر	صاحب الرغيف المفروض يرحم، والقوة بقت في إيد المجرم (؟).	A lord of bread ought to be merciful, while might belongs to the criminal (?).
𓏏𓏏𓀾𓏛 𓅷𓄿𓅱𓏏𓀜𓏥 𓈖 𓂜𓏏𓏲𓅪 𓐍𓏏𓏛𓏥𓆑 𓐍𓈖𓊪𓀜 𓐍𓏏𓏛𓏥 𓇋𓈖 𓐍𓈖𓍕𓀁	t(w)t TAw.t n iw.tw x.t.f xnp x.t in xni المصدر B1، سطر 154 – TLA	ت(و)ت ثاوت ن إوتو ختف خنپ خت إن خنإ	السرقة تليق بالمعدم، بعد ما ممتلكاته اتخطفت على إيد مجرم.	Theft is fitting for the man with nothing, once his goods have been snatched by a villain.
𓊃𓊪𓊗 𓃀𓇋𓈖𓅪 𓈖 𓂜𓏏𓏭 𓆄𓏲𓇋𓏲𓅪 𓂜𓈖 𓂋𓆑 𓎀𓋴𓍞𓏛𓏏𓏲 𓇋𓅓𓆑	sp bin <n> iw.ti Sw.iw nn r.f Ts.tw im.f المصدر B1، سطر 155 – TLA	سپ بإن ن إوتإ شوإو نن رف ثستو إمف	وغلطة اللي مش معدم، هو مش هيتلام عليها؟	As for the offence of one who is not destitute, will he not be reproached for it?
𓎛𓎛𓂻 𓈖𓆑 𓊪𓏲	HH n.f pw المصدر B1، سطر 155 (تكملة) – TLA	حح نف پو	ده معناه إنه بيدوّر لنفسه على مصلحة.	For that means he is seeking advantage for himself.
𓇋𓏲𓎢 𓇓𓅱𓏏 𓋴𓐟𓄿𓏏𓀁 𓅓 𓏏𓏐𓏒𓎢 𓏏𓐍𓏏𓏊 𓅓 𓎛𓈎𓏏𓏊𓎢	iw.k swt sAi.t(i) m t.k txi.t(i) m H(n)q.t.k المصدر B1، سطر 156 – TLA	إوك سوت ساإت(إ) م تك تخإت(إ) م ح(ن)قتك	لكن إنت شبعان بعيشك وسكران ببيرتك،	But you are sated with your bread and drunk with your beer,
𓇋𓏲𓎢 𓐍𓅱𓂧𓏏𓐗𓏛 𓅓 𓍱𓋳𓏛𓏥 𓎟𓏥	iw.k xwd.t(i) [m] sSr.w nb.w المصدر B1، سطر 157 – TLA	إوك خودت(إ) م سشرو نبو	وغني [من] كل ناحية.	and rich in every respect.
𓇋𓅱 𓁷𓏤 𓈖 𓈞𓅓𓇋𓇋𓊦𓀀 𓂋𓄂𓏏𓏤 𓋴𓃀𓈖𓆟 𓂧𓊪𓏏𓊛 𓂋 𓌻𓂋𓂋𓀁𓋴	iw Hr n Hmy r-HA.t sbn dp.t r mrr.s المصدر B1، سطر 158 – TLA	إو حر ن حمي ر-حات سبن دپت ر مررس	وش القبطان باصص لقدّام، والمركب شايلة يمين وشمال زي ما تحب.	The steersman's face is turned ahead, while the ship veers wherever it pleases.
𓇋𓏲 𓇓𓏏𓈖𓅆 𓅓 𓏃𓈖𓏏𓂉𓉐	iw nswt m xnt(i) المصدر B1، سطر 158 (تكملة) – TLA	إو نسوت م خنت(إ)	والملك في بهو القصر،	The king is in the palace forecourt,
𓇋𓏲 𓈞𓅓𓏲𓊦 𓅓 𓂝𓎢 𓂋𓂝𓏏𓏲 𓇍𓇋𓇋𓏏𓅪 𓅓𓉔𓄿𓏲𓏛𓏥𓎢	iw Hmw [m] a.k rDi.tw iy.t m-hA.w.k المصدر B1، سطر 159 – TLA	إو حمو م عك رچإتو إيت م-هاوك	والدفة [في] إيدك، والظلم بيتعمل حواليك.	the rudder is [in] your hand, and wrong is being done all around you.
𓄫𓏲 𓄭𓂋𓏲𓀁𓀀 𓏲𓂧𓈖𓍖𓈒𓏥 𓆑𓂧𓈎𓏴	Aw spr.w wdn fdq المصدر B1، سطر 160 – TLA	او سپرو ودن فدق	طويلة هي شكوى الملتمس، والخيط الرصاص اتقطع.	Long is the petitioner's plea, for the plumb line has snapped.
𓇋𓍱𓋴𓏏𓀁 𓊪𓏲 𓈖𓏏𓏭 𓇋𓅓 𓎢𓄿𓀁𓏏𓏲	iSs.t pw n.ti im kA.tw المصدر B1، سطر 160 (تكملة) – TLA	إشست پو نتإ إم كاتو	«مين ده اللي هناك؟» هيتقال.	“Who is that one over there?” people will say.
𓁹 𓇋𓃀𓏲𓉐𓏤𓏥 𓋴𓈖𓃀𓏛 𓌻𓂋𓇋𓇋𓏏𓏏𓈇𓏤𓎢	iri ib.w snb mr.yt.k المصدر B1، سطر 161 – TLA	إرإ إبو سنب مريتك	اعمل ملجأ علشان يفضل جسر مرساك سليم،	Make a refuge, so that your embankment may stay sound,
𓅓𓂝𓎡 𓂧𓏇𓇋𓈇𓏤𓎢 𓍱𓈖𓏌𓏲𓆊	m.k dmi.k Sn.w المصدر B1، سطر 161 (تكملة) – TLA	مك دمإك شنو	شوف، مرساك مليان تماسيح.	for look, your landing place is infested with crocodiles.
𓂝𓈎𓄿𓂭𓂭𓏛 𓈖𓄓𓄹𓎢 𓏶𓅓𓂜𓎢 𓏏𓈖𓌰𓅓𓏲𓂻	aqA ns.k imi.k tnm.w المصدر B1، سطر 162 – TLA	عقا نسك إمإك تنمو	كن مستقيم في لسانك علشان ما تغلطش،	Be straight in your speech, so that you do not go astray,
𓏏𓍔𓄿𓅓𓏲𓆙 𓊪𓏲 𓈖 𓊃𓀀𓏤 𓂝𓏏𓄹 𓇋𓅓𓆑	tAm.w pw n z a.t im.f المصدر B1، سطر 163 – TLA الكلمة المترجمة «يعفّنه» (tAm.w) غير مؤكدة.	تامو پو ن ز عت إمف	لأن عضو الراجل (لسانه) هو اللي بيعفّنه (؟).	for a man's undoing (?) is the limb within him — his tongue.
𓅓 𓆓𓂧 𓎼𓂋𓍅𓀁	m Dd grg المصدر B1، سطر 163 (تكملة) – TLA	م چد جرج	ما تقولش كدب!	Tell no lies!
𓊃𓅭𓄿𓏲𓀸𓀜 𓋴𓂋𓏲𓀙𓀀𓏥	sAw sr.w المصدر B1، سطر 163 (تكملة) – TLA	ساو سرو	وخد بالك من كبار الموظفين!	And beware of the high officials!
𓏠𓈖𓆓𓇛𓅓𓎅𓏤 𓊪𓏲 𓎙𓆓𓇋𓇋𓏲𓀜 𓄔𓅓𓇋𓇋𓏲𓀀𓏥	mnDm pw aD.yw sDm.y.w المصدر B1، سطر 164 – TLA	منچم پو عچيو سچميو	ده المنخل اللي بيغربل القضاة.	That is the sieve that sifts the judges.
𓋴𓅓𓆰𓏤𓏥𓋴𓈖𓏥 𓊪𓏲 𓆓𓂧 𓎼𓂋𓍅𓀁 𓃹𓈖𓆑 𓇋𓇩𓋴𓏲𓆰 𓁷𓏤 𓄣𓏤𓋴𓈖𓏥	sm.sn pw Dd grg wn.f is.w Hr ib.sn المصدر B1، سطر 165 – TLA كلمة sm.sn بمعنى «خضرة/عشب» أو «شغل» غير مؤكدة.	سمسن پو چد جرج ونف إسو حر إبسن	لأن الكدب هو أكلهم (؟)، علشان الأمر يفضل سهل في نظرهم.	For lying is their fodder (?), so that things stay easy in their eyes.
𓂋𓐍𓏛𓐍𓏏𓏛𓏥 𓈖 𓂋𓍿𓀀𓁐𓏥 𓎟𓏏 𓇋𓈖 𓐍𓅓𓂜𓎢 𓅓 𓉔𓄿𓏲𓏛𓏥𓀀	rx-x.t n r(m)T.w nb.t in xm.k m hAw.i المصدر B1، سطر 166 – TLA	رخ-خت ن ر(م)ثو نبت إن خمك م هاوإ	يا أحكم الناس كلهم، هل ممكن ما تكونش عارف حالتي؟	Wisest of all men, is it possible that you do not know my plight?
𓂧𓂋𓀜 𓋴𓐟𓄿𓇋𓂋𓌗𓀜𓈖𓈗𓅪 𓎟 𓅓𓂝𓎢 𓏲𓀀 𓌨𓂋 𓅓𓂝𓏏𓈖𓏌𓏲𓌙𓅬𓈐𓏥 𓃚𓏲𓏴	dr sAir-n-mw nb m.k wi Xr mtnw iw المصدر B1، سطر 167–168 – TLA	در ساإر-ن-مو نب مك وإ غر متنو إو	يا اللي بتشيل كل ضيق عن الميّه، شوف، أنا ماشي في طريق مقطوع.	You who remove every hardship of the water, look, I am on a road that is cut off.
𓏠𓈖𓇋𓊧𓊛 𓎔𓎛𓈗 𓎟 𓄞𓂧𓂝 𓃀𓎼𓄿𓏲𓈗𓀀	mni mH nb Sd bgA.w المصدر B1، سطر 169 – TLA	منإ مح نب شد بجاو	يا اللي بتوصّل كل غريق للبر، أنقذ الغريق!	You who bring every drowning man ashore, save the shipwrecked!
𓄡𓂧𓂋𓂝𓎢 𓏲𓀀 𓅓 𓉔𓄿𓏲𓏛𓏥 𓇋𓂋 𓇥𓂋𓎢	Xdr.k wi m hAw ir.<i> Dr.(w).k المصدر B1، سطر 170 – TLA الجملة صعبة ومعناها غير مؤكد.	غدرك وإ م هاو إرإ چر(و)ك	إنت بتبعدني عن موضوع هو من اختصاصك (؟).	You would carry me away from a matter that lies within your remit (?).

7. الالتماس التالت

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗 𓆓𓂧𓆑	iwi.in r.f sx.ti pn r spr n.f 3.nw sp Dd.f المصدر B1، سطر 170 (تكملة) – TLA الالتماس التالت بيبدأ هنا.	إوإإن رف سختإ پن ر سپر نف ٣نو سپ چدف	فجه الفلاح ده يرفع له التماس للمرة التالتة، وقال:	This peasant came a third time to petition him, and said:
𓅓𓂋𓉐𓀗𓀀 𓎟𓀀𓀀 𓈖𓏏𓎢 𓂋𓂝𓇳𓏤𓅆 𓎟 𓊪𓏏𓇯 𓎛𓈖𓂝 𓍱𓈖𓏌𓏲𓏏𓀙𓀀𓏥𓎢	(i)m.i-r-pr-wr nb.i ntk ra nb p.t Hna Snw.t.k المصدر B1، سطر 171 – TLA	(إ)مإ-ر-پر-ور نبإ نتك رع نب پت حنع شنوتك	«يا مشرف الأعلى، يا سيدي، إنت رع، رب السما، ومعاك حاشيتك.	“High steward, my lord, you are Re, lord of the sky, together with your courtiers.
𓇋𓏲 𓌨𓂋𓏏𓏛𓏥 𓃀𓏲𓎟𓀀𓁐𓏥 𓇋𓅓𓎢 𓏇𓇋 𓈖𓍇𓏌𓏲𓇋𓇋𓈗	iw Xr.t bw-nb im.k mi nw.y المصدر B1، سطر 172–173 – TLA	إو غرت بو-نب إمك مإ نوي	حاجة كل الناس عندك، زي الفيضان.	The needs of all people rest with you, like the inundation.
𓈖𓏏𓎢 𓎛𓂝𓊪𓈗𓅆 𓋴𓇆𓏛 𓆷𓈇𓏤𓏥 𓎼𓂋𓍅𓏛 𓇋𓄿𓅱𓏏𓈀𓈇𓏤𓏤𓏥 𓐍𓃀𓅡𓄿𓏏𓌼𓂝𓏥	ntk Hap(i) swAD SA.w grg iA.wt xbA.t المصدر B1، سطر 174 – TLA	نتك حعپ(إ) سواچ شاو جرج إاوت خبات	لأنك حابي، اللي بيخضّر الحقول وبيعمّر التلال الخربانة.	For you are Hapy, who makes the fields green and gives life to the ruined mounds.
𓍚𓀜 𓂝𓍯𓄿𓀜 𓈖𓆓𓐩𓏌𓀁 𓁷𓏤 𓌳𓄿𓇋𓂋𓌗𓅪𓀀 𓅓 𓆣𓂋 𓅓 𓅱𓆓𓈖𓏌𓏲𓈗 𓂋 𓋴𓄭𓂋𓏲𓀁	xsf awAi nD Hr mAir m xpr m wDn.w r spr.w المصدر B1، سطر 175–176 – TLA	خسف عواإ نچ حر ماإر م خپر م وچنو ر سپرو	يا اللي لازم تعاقب اللص وتحمي المحتاج، ما تتحولش لطوفان ضد الملتمس!	You who must punish the robber and protect the needy, do not turn into a flood against the petitioner!
𓊃𓅭𓄿𓏲𓀸𓀜 𓏏𓎢𓈖𓂻 𓈖𓅘𓎛𓎛𓇳	sAw tkn nHH المصدر B1، سطر 176 (تكملة) – TLA	ساو تكن نحح	خد بالك: الأبدية قربت!	Take care: eternity draws near!
𓌻𓂋𓀁 𓎝𓎛𓏛 𓏇𓇋 𓆓𓂧 𓊡𓏲 𓊪𓏲 𓈖 𓆑𓈖𓂧𓂉 𓁹𓏏 𓌴𓐙𓂝𓏏𓏯𓏛	mri wAH mi Dd TAw pw n fnd iri.t mAa.t المصدر B1، سطر 177 – TLA	مرإ واح مإ چد ثاو پو ن فند إرإت ماعت	اتمنى تدوم، زي ما بيتقال: «عمل ماعت هو هوا الأنف».	Wish to endure, as the saying goes: “Doing Maat is breath for the nose.”
𓁹 𓐍𓋴𓆑𓏏𓍚 𓂋 𓍚𓏲𓀜 𓈖𓆑	iri xsf.t r xsf.w n.f المصدر B1، سطر 178 – TLA	إرإ خسفت ر خسفو نف	وعاقب اللي يستحق العقاب،	Punish the one who deserves punishment,
𓂜𓈖 𓋴𓈖𓏕𓏛𓏏𓏲 𓂋 𓁶𓏤𓐎𓏛𓎢	nn sn.tw r tp-Hsb.k المصدر B1، سطر 178 (تكملة) – TLA	نن سنتو ر تپ-حسبك	وساعتها ما حدش يقدر يقلّد معيارك.	and no one will be able to match your standard.
𓇋𓈖 𓇋𓏲 𓃚𓏲𓇓𓏲𓆱 𓈖𓈖𓌰𓅓𓅪𓆑	in iw iws.w nnm.f المصدر B1، سطر 179 – TLA	إن إو إوسو ننمف	هو الميزان اليدوي بينحرف؟	Does the hand scale ever deviate?
𓇋𓈖 𓇋𓏲 𓅓𓂝𓆼𓄿𓏏𓍸𓆱 𓁷𓏤 𓂋𓂝𓏏 𓁷𓏤 𓐞	in iw mxA.t Hr rDi.t Hr gs المصدر B1، سطر 180 – TLA	إن إو مخات حر رچإت حر جس	هو الميزان القايم بيميل لجنب؟	Does the standing balance ever lean to one side?
𓇋𓈖 𓇋𓏲 𓂋𓆑 𓅝𓏏𓏭𓅆 𓊃𓆑𓈖𓂉𓀁𓆑	in iw r.f DHwti sfn.f المصدر B1، سطر 181 – TLA	إن إو رف چحوتإ سفنف	وهو تحوت رحيم يعني؟	And is Thoth ever lenient?
𓇋𓐍 𓁹𓎢 𓇍𓇋𓇋𓏏𓅪𓏥	ix iri.k iy.t المصدر B1، سطر 181 (تكملة) – TLA	إخ إرإك إيت	لو كان كده، كنت تقدر تعمل ظلم!	If so, then you might do wrong!
𓂋𓂝𓎡 𓏏𓏲 𓅓 𓏌 𓈖 𓊪𓈖	rDi.k tw <m> 2.nw n 3 pn المصدر B1، سطر 182 – TLA	رچإك تو م ٢نو ن ٣ پن	هتبقى رفيق للتلاتة دول!	You would make yourself a companion of these three!
𓇋𓂋 𓋴𓆑𓈖𓂉𓀁 𓐍𓂋𓎢 𓋴𓆑𓈖𓂉𓀁𓎢	ir sfn 3 xr.k sfn.k المصدر B1، سطر 182 (تكملة) – TLA	إر سفن ٣ خرك سفنك	لو التلاتة رحماء، فلازم تبقى إنت كمان رحيم.	If the three are lenient, then you may be lenient too.
𓅓 𓏲𓈙𓃀𓏴𓀁 𓄤𓆑𓂋𓏏 𓅓 𓃀𓇋𓈖𓏏𓅪	m wSb nfr.t m bin.t المصدر B1، سطر 183 – TLA	م وشب نفرت م بإنت	ما تردّش على الخير بالشر،	Do not answer good with evil,
𓅓 𓂋𓂝 𓎢𓏏 𓅓 𓊨𓏏𓉐 𓎢𓏏	m rDi k.t m s.t k.t المصدر B1، سطر 183 (تكملة) – TLA	م رچإ كت م ست كت	وما تحطش حاجة مكان حاجة تانية.	and do not put one thing in the place of another.
𓂋𓂧𓏲𓇟𓏛 𓌃𓂧𓏏𓀁 𓂋 𓋴𓈖𓌰𓅓𓇋𓇋𓏏𓆰𓏤𓏥 𓂋 𓂧𓏇𓇋 𓈖 𓐍𓈖𓌰𓅓𓂉𓀁 𓅓 𓏲𓈙𓃀𓏴𓀁𓋴 𓈖𓏏𓆑𓈗 𓇍𓇋𓇋𓏏𓂻 𓂋 𓂋𓂝𓏏 𓂋𓂧𓇟𓏛 𓎛𓃀𓋴𓏲𓋳𓏤𓏥	rd.w md.t r snm.yt r dmi n xnm m wSb.s ntf iy.t r rDi.t rd Hbs.w المصدر B1، سطر 184–186 – TLA السطر ده من أصعب ما في النص، والترجمة تقريبية.	ردو مدت ر سنميت ر دمإ ن خنم م وشبس نتف إيت ر رچإت رد حبسو	لأن الكلام بيكبر أسرع من نبتة السنميت، علشان يلمس اللي بيشمّه (؟) بالرد عليه، بعد ما اتسقى الظلم علشان يكبر الغطا (؟).	For speech grows faster than the snmyt plant, to touch the one who smells (?) it with its answer, after wrongdoing has been watered so that the covering (?) may grow.
𓋴𓊪𓏲𓊗 𓊪𓏲 𓂋 𓂋𓂝𓏏 𓁹𓆑	sp.w 3 pw r rDi.t iri.f المصدر B1، سطر 187 – TLA	سپو ٣ پو ر رچإت إرإف	وده تلات مرات علشان يتحرك.	That is three times, to make him act.
𓁹 𓂋𓎢 𓈞𓅓𓏲𓊦 𓂋 𓈖𓂧𓃀𓇋𓇋𓏏𓋳	iri r.k Hmw r ndb.yt المصدر B1، سطر 187 (تكملة) – TLA	إرإ رك حمو ر ندبيت	امسك دفتك على قد الريح،	Hold your rudder according to the gust,
𓄞𓂧𓂝 𓏲𓆓𓈖𓏌𓏲𓈗 𓂋 𓁹𓏏 𓌳𓐙𓂝𓏯𓏛	Sdi wDn.w r iri.t mAa.[t] المصدر B1، سطر 188 – TLA فيه احتمال تاني: «اتبع التيار علشان تبحر صح».	شدإ وچنو ر إرإت ماعت	وصُدّ التيار علشان تعمل ماعت!	turn aside the current so as to do Maat!
𓊃𓅭𓄿𓏲𓀸𓀜 𓇉𓄿𓊛𓎢 𓂋𓎢 𓁷𓏤 𓄤𓆑𓂋𓇋𓇋𓏏𓍢𓏤	sAw HA.k r.k Hr nfry.t المصدر B1، سطر 189 – TLA	ساو حاك رك حر نفريت	خد بالك لحسن تجنح على حبل الدفة (؟).	Beware lest you run aground on the rudder rope (?).
𓂝𓈎𓄿𓇋𓏏𓂭𓂭𓏛 𓈖𓏏 𓇾𓈇𓏤 𓁹𓏏 𓌳𓐙𓂝𓏏𓏲𓏛	aqA.yt n.t tA iri.t mAa.t المصدر B1، سطر 190 – TLA	عقايت نت تا إرإت ماعت	اتزان البلد إنك تعمل ماعت.	The balance of the land lies in doing Maat.
𓅓 𓆓𓂧 𓎼𓂋𓍅𓀁	m Dd grg المصدر B1، سطر 190 (تكملة) – TLA	م چد جرج	ما تقولش كدب،	Tell no lies,
𓇋𓏲𓎢 𓅨𓂋𓏏	iw.k wr.t(i) المصدر B1، سطر 190 (تكملة) – TLA	إوك ورت(إ)	لأنك كبير.	for you are great.
𓅓 𓇋𓇩𓊃𓆰	m is المصدر B1، سطر 190 (تكملة) – TLA	م إس	ما تبقاش خفيف،	Do not be light,
𓇋𓅱𓎢 𓂧𓈖𓋴𓏏𓍖𓏛	iw.k dns.t(i) المصدر B1، سطر 191 – TLA	إوك دنست(إ)	لأنك ثقيل الوزن.	for you carry weight.
𓅓 𓆓𓂧 𓎼𓂋𓍅𓀁	m Dd grg المصدر B1، سطر 191 (تكملة) – TLA	م چد جرج	ما تقولش كدب،	Tell no lies,
𓈖𓏏𓎢 𓃚𓏲𓇓𓏲𓆱	ntk iws.w المصدر B1، سطر 191 (تكملة) – TLA	نتك إوسو	لأنك الميزان.	for you are the balance.
𓅓 𓏏𓈖𓃀𓄡𓏲𓃟	m tnbX.w المصدر B1، سطر 192 – TLA	م تنبغو	ما تتأرجحش،	Do not sway,
𓈖𓏏𓎢 𓁶𓏤𓐎𓏛	ntk tp-Hsb المصدر B1، سطر 192 (تكملة) – TLA	نتك تپ-حسب	لأنك المعيار.	for you are the standard.
𓅓𓂝𓎢 𓏏𓏲 𓅓 𓁶𓏤 𓌡𓂝𓏤 𓎛𓈖𓂝 𓃚𓏲𓋴𓏲𓆱	m.k tw m tp wa Hna iws.w المصدر B1، سطر 193 – TLA	مك تو م تپ وع حنع إوسو	شوف، إنت واحد مع الميزان.	Look, you are one with the balance.
𓇋𓂋 𓎼𓄿𓋴𓐟𓊊𓆑 𓐍𓂋𓎢 𓎼𓏲𓋴𓐟𓄿𓊊𓎢	ir gAsA.f xr.k gwsA.k المصدر B1، سطر 194 – TLA المعنى المقصود: الميزان ما بيميلش، فمتميلش إنت.	إر جاساف خرك جوساك	لو مال، تميل إنت كمان.	If it tilts, then you may tilt too.
𓅓 𓋴𓃀𓈖𓂻 𓁹 𓂋𓎢 𓈞𓅓𓏲𓊦	m sbn iri r.k Hmw المصدر B1، سطر 194 (تكملة) – TLA	م سبن إرإ رك حمو	ما تتوهش عن الطريق، وامسك الدفة،	Do not drift, but take hold of the rudder,
𓄞𓂧𓀜 𓁷𓏤 𓄤𓆑𓂋𓇋𓇋𓏏𓍢𓏤	Sdi Hr nfry.t المصدر B1، سطر 195 – TLA	شدإ حر نفريت	واسحب حبل الدفة!	and pull on the rudder rope!
𓅓 𓎁𓏏𓀜 𓁹 𓂋𓎢 𓂋 𓎁𓏏𓏲𓀜𓀀	m iti iri r.k r it.w المصدر B1، سطر 195 (تكملة) – TLA	م إتإ إرإ رك ر إتو	ما تسرقش، وقِف في وش السارق!	Do not steal, but stand against the thief!
𓂜 𓅨𓂋 𓇋𓋴 𓊪𓏲 𓅨𓂋 𓇋𓅓 𓂝𓃹𓈖𓂝 𓄣𓏤	n wr is pw wr im awn ib المصدر B1، سطر 196 – TLA	ن ور إس پو ور إم عون إب	مش كبير بجد الكبير اللي طماع.	He is no great man, that great man who is greedy.
𓏏𓐍𓍠 𓊪𓏲 𓈖𓄓𓋴𓄹𓎢	tx pw ns.k المصدر B1، سطر 197 – TLA	تخ پو نسك	لسانك هو خيط الرصاص،	Your tongue is the plumb bob,
𓂧𓃀𓈖𓄶𓊌 𓊪𓏲 𓄣𓏤𓎢	dbn pw ib.k المصدر B1، سطر 197 (تكملة) – TLA	دبن پو إبك	وقلبك هو وزنة الدبن،	your heart is the weight,
𓂋𓏠𓈖𓏌𓏲𓏛𓆑 𓊪𓏲 𓋴𓊪𓏏𓂎𓎢𓏮	rmn.w.f pw sp.t.ki المصدر B1، سطر 197 (تكملة) – TLA الدبن (dbn) وحدة وزن، حوالي ٩١ جرام.	رمنوف پو سپتكإ	وشفايفك هما ذراعين الميزان.	and your two lips are its beam.
𓇋𓂋 𓎛𓃀𓋳𓎢 𓁷𓏤𓎢 𓂋 𓈖𓆱𓐍𓏏𓏤𓀜 𓁷𓏤 𓈖𓅓𓂝 𓇋𓂋𓆑 𓍚𓀜𓆑 𓃀𓏲𓎛𓅨𓂋𓏲𓅪	ir Hb<s>.k Hr.k r nxt Hr n-m ir.f xsf.f bw-Hwr.w المصدر B1، سطر 198–199 – TLA	إر حبسك حرك ر نخت حر ن-م إرف خسفف بو-حورو	لو غطّيت وشك عن القوي الظالم، فمين اللي هيعاقب الظلم؟	If you cover your face before the violent man, who then will punish wrongdoing?
𓅓𓂝𓎢 𓏏𓏲 𓅓 𓎛𓅨𓂋𓏲𓅪𓀀 𓈖 𓅺𓏏𓏭𓀜𓀀 𓂝𓃹𓈖𓂝 𓄣𓏤 𓁷𓏤 𓌉𓆓𓏏𓏴 𓐍𓈖𓌰𓅓𓋴𓀙 𓃀𓍔𓏏𓈖𓀜 𓅓𓂝𓎛𓆰𓈖𓎢𓀀𓆑 𓈖 𓏏𓍯𓄿𓀢𓀀𓆑	m.k tw m Hwr.w n rxt.i awn ib Hr HDi.t xnms btA mHnk.f n twA.f المصدر B1، سطر 200–201 – TLA	مك تو م حورو ن رختإ عون إب حر حچإت خنمس بتا محنكف ن تواف	شوف، إنت غسّال فقير طماع، مشغول بتخريب الصداقة، بيسيب صاحبه المخلص علشان تابعه المتملق.	Look, you are a wretched launderer, greedy, busy destroying friendship, who abandons his devoted friend for the sake of his flattering client.
𓌢𓈖𓀀𓆑 𓊪𓏲 𓇍𓇋𓇋𓂻 𓏎𓈖 𓈖𓆑	sn.f pw iyi.y ini n.f المصدر B1، سطر 202 – TLA	سنف پو إيإي إنإ نف	اللي جه وجاب له هدية هو أخوه!	The one who comes and brings him something is his brother!
𓅓𓂝𓎢 𓏏𓏲 𓅓 𓅓𓂝𓄚𓈖𓏏𓏭𓊛𓀀 𓍑𓄿𓏴𓊛 𓎟 𓉔𓅓𓏏𓏛𓀀 𓂝𓈎𓄿𓇋𓇋𓂭𓂭𓏛 𓂝𓈎𓄿𓂭𓂭𓏛𓆑 𓆑𓂧𓈎𓏲𓏴	m.k tw <m> mXn.ti DAi nb hm.t aqA.y aqA.f fdq.w المصدر B1، سطر 203–204 – TLA	مك تو م مغنتإ چاإ نب همت عقاي عقاف فدقو	شوف، إنت مراكبي بيعدّي بس اللي معاه أجرة، أمين استقامته اتكسرت حتت.	Look, you are a ferryman who takes across only the man who can pay, an honest man whose honesty has fallen to pieces.
𓅓𓂝𓎢 𓏏𓏲 𓅓 𓁷𓂋𓇯𓍱𓈖𓂝𓏲𓍁𓉐 𓂜 𓂋𓂝𓈖𓆑 𓋴𓍯𓄿𓏴𓈐 𓆄𓏲𓅪𓀀 𓁷𓏤𓂝𓏤	m.k tw m Hr.i-Sna.w n rDi.n.f swA Sw Hr-a المصدر B1، سطر 205 – TLA	مك تو م حرإ-شنعو ن رچإنف سوا شو حر-ع	شوف، إنت رئيس ورشة ما بيخليش المعدم يعدّي بسهولة.	Look, you are an overseer of the workshop who does not let a penniless man pass at once.
𓅓𓂝𓎢 𓏏𓏲 𓅓 𓍿𓈖𓁷𓂋𓏊𓅬 𓈖 𓂋𓐍𓇋𓇋𓏏𓅚𓀀𓁐𓏥 𓋹𓈖𓐍 𓅓 𓎛𓅨𓂋𓏲𓅪𓏥 𓏌𓏤 𓄿𓊪𓂧𓏲𓅬𓏥	m.k tw <m> TnHr n rx.yt anx m Hwr.w n.w Apd.w المصدر B1، سطر 206–207 – TLA «ناس الزقزاق» (rxyt) تعبير مصري عن عامة الشعب.	مك تو م ثنحر ن رخيت عنخ م حورو نو اپدو	شوف، إنت صقر ينقض على «ناس الزقزاق» (عامة الشعب)، عايش على أضعف الطيور.	Look, you are a falcon of prey that swoops on the “lapwing people”, living off the weakest of birds.
𓅓𓂝𓎢 𓏏𓏲 𓅓 𓏋𓏲𓀀	m.k tw <m> wdp.w المصدر B1، سطر 207 (تكملة) – TLA	مك تو م ودپو	شوف، إنت خدّام مائدة،	Look, you are a table servant,
𓂋𓈙𓂉𓀁𓆑 𓊪𓏲 𓂋𓐍𓋴𓌪𓂝 𓂜𓈖 𓇋𓄿𓏏𓅂𓂿 𓇋𓂋𓏭 𓂋𓆑	rSu.f pw rxs nn iAtiw ir.i r.f المصدر B1، سطر 208 – TLA	رشuف پو رخس نن إاتإو إرإ رف	فرحته في التقطيع، من غير ما يحس بالتشويه على نفسه.	whose delight is in carving, without feeling the mutilation himself.
𓅓𓂝𓎢 𓏏𓏲 𓅓 𓀸𓏲𓀀	m.k tw m mni.w المصدر B1، سطر 208 (تكملة) – TLA	مك تو م منإو	شوف، إنت راعي.	Look, you are a herdsman.
𓂜 𓈋𓏲𓅪𓋴 𓇋𓋴 𓂋𓀀 𓂜 𓇋𓊪𓏛𓈖𓎢	n Dwi.s is r.i n ip.n.k المصدر B1، سطر 209 – TLA الجملة غامضة ومعناها تقريبي.	ن چوإس إس رإ ن إپنك	مش أنا اللي بتضرر من إنك ما بتفحصش (بل إنت) (؟).	It is not I who suffers from your failure to investigate (but you) (?).
𓇋𓐍𓏛 𓁹𓎢 𓈖𓉔𓏲𓅪 𓅓 𓅓𓋴𓎛𓆊 𓋴𓎢𓈖𓆊 𓇋𓃀𓏲𓉐𓏥 𓏏𓈙𓂾𓂻 𓂋 𓂧𓏇𓇋𓈇𓏤 𓈖 𓇾𓈇𓏤 𓂋𓇥𓂋𓆑	ix iri.k nh.w m msH skn ib.w tSi r dmi n tA r-Dr.f المصدر B1، سطر 210 – TLA	إخ إرإك نهو م مسح سكن إبو تشإ ر دمإ ن تا ر-چرف	فاخسر بسبب التمساح النهّام، لأن الملجأ بعيد عن مرسى البلد كلها.	So you shall suffer loss from the ravenous crocodile, since the refuge is far from the landing place of the whole land.
𓄔𓅓𓏲 𓂜 𓄿 𓄔𓅓𓈖𓎢	sDm.w n A sDm.n.k المصدر B1، سطر 211 – TLA	سچمو ن ا سچمنك	يا اللي لازم تسمع، إنت ما بتسمعش!	You who ought to listen, you do not listen!
𓍃𓅓𓎢 𓏏𓂋𓆵 𓄔𓅓 𓁷𓏤 𓅓𓂝	tm.k tr sDm Hr m المصدر B1، سطر 211 (تكملة) – TLA	تمك تر سچم حر م	ليه بقى ما بتسمعش؟	Why is it that you do not listen?
𓇋𓏲 𓏇𓈖𓇳 𓄿 𓍚𓀜𓈖𓀀 𓄿𓂧𓏲𓆊	iw min A xsf.n.i Ad.w المصدر B1، سطر 212 – TLA	إو مإن ا خسفنإ ادو	هو أنا النهارده صدّيت المعتدي؟	Have I held off the aggressor today?
𓇋𓏲 𓅓𓋴𓎛𓆊 𓆱𓐍𓏏𓂻𓆑	iw msH xti.f المصدر B1، سطر 212 (تكملة) – TLA	إو مسح ختإف	والتمساح، هو بيتراجع؟	And the crocodile, does he draw back?
𓊪𓏏𓂋𓆵 𓂋𓆑 𓆎𓅓𓏛 𓇋𓂋𓏭 𓈖𓎢	ptr r.f km ir.i n.k المصدر B1، سطر 213 – TLA	پتر رف كم إرإ نك	وإيه الفايدة اللي هتعود عليك؟	What advantage is there for you in it?
𓅠𓅓𓏏𓏲 𓇋𓏠𓈖𓏌𓏲𓀃𓏛 𓌴𓐙𓂝𓏏𓏯𓏛 𓂋𓂝𓏏 𓐟𓏤 𓎼𓂋𓍅𓀁 𓂋 𓇾𓈇𓏤	gmi.tw imn.w mAa.t rDi.t(w) sA grg r tA المصدر B1، سطر 214 – TLA	جمإتو إمنو ماعت رچإت(و) سا جرج ر تا	لما سر الحق يتلاقى، الكدب هيتطرح على ضهره في الأرض.	When the hidden truth is found, falsehood will be thrown flat on its back.
𓅓 𓎼𓂋𓍅𓏛 𓇼𓄿𓇳 𓂜 𓇍𓇋𓏏𓂻𓆑	m grg dwA n iyi.t.f المصدر B1، سطر 214 (تكملة) – TLA	م جرج دوا ن إيإتف	ما تخططش لبكره قبل ما ييجي،	Make no plans for tomorrow before it has come,
𓂜 𓂋𓐍𓏛𓈖𓏏𓏲 𓇍𓇋𓇋𓏏𓅪𓏥 𓇋𓅓𓆑	n rx.n.tw iy.t im.f المصدر B1، سطر 215 – TLA	ن رخنتو إيت إمف	لأن ما حدش يعرف الشر اللي فيه.	for none can know the trouble it holds.”

8. الضرب عند بوابة الديوان

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓇋𓋴𓏏 𓂋𓆑 𓆓𓂧𓈖 𓇏𓏏𓏭𓀀 𓊪𓈖 𓌃𓂧𓏏𓀁 𓏏𓈖 𓈖 𓅓𓂋𓉐𓀗 𓌻𓂋𓏲 𓆇 𓂋𓈖𓋴𓏭𓀀 𓂋 𓊪𓎼𓄿𓂘 𓈖 𓂝𓂋𓂋𓇋𓇋𓏏𓉐	ist r.f Dd.n sx.ti pn md.t tn <n> (i)m.i-r-pr-wr mr.w sA rnsi r pgA n arr.yt المصدر B1، سطر 216 – TLA	إست رف چدن سختإ پن مدت تن ن (إ)مإ-ر-پر-ور مرو سا رنسإ ر پجا ن عرريت	وكان الفلاح ده قال الكلام ده للمشرف الأعلى رنسي ابن مرو عند مدخل بوابة الديوان.	The peasant spoke these words to the high steward Rensi, son of Meru, at the entrance of the gateway to the court.
𓊢𓂝𓈖 𓂋𓂝𓈖𓆑 𓊢𓂝𓂻 𓏶𓎃𓀀 𓂋𓆑 𓌨𓂋 𓋴𓏇𓇋𓏲𓄛𓏤𓏥	aHa.n rDi.n.f aHa im.i-sA 2 r.f Xr smi.w المصدر B1، سطر 217 – TLA	عحعن رچإنف عحع إمإ-سا ٢ رف غر سمإو	فخلّى اتنين حرس يقفوا ضده بالكرابيج،	Then Rensi had two guards stand against him with whips,
𓊢𓂝𓈖 𓉻𓂝𓎼𓂝𓋴𓈖𓏥 𓂝𓏏𓄹𓆑 𓎟𓏏 𓇋𓅓	aHa.n aAg.<n>.sn a.t.f nb.t im المصدر B1، سطر 218 – TLA	عحعن عاجنسن عتف نبت إم	وضربوه بيها على كل أعضائه.	and they thrashed every limb of his with them.
𓆓𓂧𓇋𓈖 𓇏𓏏𓏭𓀀 𓊪𓈖	Dd.in sx.ti pn المصدر B1، سطر 218 (تكملة) – TLA	چدإن سختإ پن	فقال الفلاح ده:	Then this peasant said:
𓅭𓀀 𓌻𓂋𓅱𓀀 𓏏𓈖𓌰𓅓𓂻𓐍𓂋𓆑	sA mr.w tnm.xr.f المصدر B1، سطر 219 – TLA	سا مرو تنمخرف	«ابن مرو ماشي في الغلط صراحة،	“The son of Meru keeps straying, plainly,
𓁷𓏤𓆑 𓈙𓊪𓁹 𓂋 𓌳𓁹𓄿𓄿𓏏𓆑 𓊃𓐍𓄔 𓂋 𓄔𓅓𓏏𓆑 𓏏𓉔𓂾𓂻 𓄣𓏤 𓁷𓏤 𓋴𓆼𓄿𓇋𓇋𓏏𓀁 𓈖𓆑	Hr.f Sp r mAA.t.f sx r sDm.t.f thi ib Hr sxA.y.t n.f المصدر B1، سطر 220 – TLA	حرف شپ ر مااتف سخ ر سچمتف تهإ إب حر سخايت نف	لأن وشه أعمى عن اللي بيشوفه، وأطرش عن اللي بيسمعه، وناسي اللي بيتفكّره.	for his face is blind to what he sees, deaf to what he hears, and forgetful of what is recalled to him.
𓅓𓂝𓎢 𓏏𓏲 𓅓 𓊖𓏏𓏤 𓂜𓈖 𓋾𓉗𓏏𓊖𓀀𓋴 𓏇𓇋 𓄡𓏏𓏤𓀀𓁐𓏥 𓂜𓈖 𓅨𓂋𓀀𓋴 𓏇𓇋 𓂧𓊪𓏏𓊛 𓂜𓈖 𓋴𓐍𓂋𓇋𓇋𓏛𓀀 𓇋𓅓 𓏇𓇋 𓋴𓄥𓅓𓇋𓇋𓏏𓀜𓀀𓏥 𓂜𓈖 𓋴𓌫𓅓𓏲𓂻𓀀𓋴	m.k tw m n.t nn HqA-Hw.t.s mi X.t nn wr.s mi dp.t nn sxry im <mi> smAy.t nn sSm.w.s المصدر B1، سطر 221–222 – TLA	مك تو م نت نن حقا-حوتس مإ غت نن ورس مإ دپت نن سخري إم مإ سمايت نن سشموس	شوف، إنت زي بلد من غير مدير أوقافها، وزي جماعة من غير كبيرها، وزي مركب من غير ربانها، وزي عساكر من غير قايدها.	Look, you are like a town without its steward, like a community without its elder, like a ship without its captain, like a troop without its leader.
𓅓𓂝𓎢 𓏏𓏲 𓅓 𓍢𓏏𓂝 𓇋𓅷𓄿𓀜𓀀 𓋾𓉗𓏏𓊖𓀀 𓊏𓊪𓅱𓂝 𓅓𓂋𓅱𓈇𓏤𓀀 𓍚𓀜 𓎛𓂝𓍑𓄿𓀜 𓆣𓂋 𓅓 𓏶𓅓𓄂𓏏𓏤 𓈖 𓁹𓂋𓀀	m.k tw m Snt iTA HqA-Hw.t Ssp.w (i)m.i-r-w xsf HaDA xpr m im.i-HA.t n irr المصدر B1، سطر 223–224 – TLA	مك تو م شنت إثا حقا-حوت شسپو (إ)مإ-ر-و خسف حعچا خپر م إمإ-حات ن إرر	شوف، إنت شرطي بيسرق، ومدير ضيعة بيقبل رشوة، ورئيس ناحية المفروض يحارب النهب لكن بقى قدوة للي بيعمله.»	Look, you are a policeman who steals, an estate director who takes bribes, a district overseer who ought to fight plunder but has become a model for those who practise it.”

9. الالتماس الرابع

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗	iwi.in r.f sx.ti pn r spr n.f 4.nw sp المصدر B1، سطر 225 – TLA الالتماس الرابع بيبدأ هنا.	إوإإن رف سختإ پن ر سپر نف ٤نو سپ	فجه الفلاح ده يرفع له التماس للمرة الرابعة.	This peasant came a fourth time to petition him.
𓅠𓅓𓈖𓆑 𓇓𓏲 𓁷𓏤 𓉐𓂋𓏏𓂻 𓅓 𓋴𓃀𓇼𓄿𓉐 𓈖 𓊹𓉗𓏏𓉐 𓈖𓏏 𓁷𓂋𓇯𓈙𓈇𓆑𓅆 𓆓𓂧𓆑	gmi.n.<f> sw Hr pri.t m sbA n Hw.t-nTr n.t Hr.i-S.f Dd.f المصدر B1، سطر 226–227 – TLA حري-شف إله إهناسيا (هراكليوبوليس).	جمإنف سو حر پرإت م سبا ن حوت-نثر نت حرإ-شف چدف	لقاه وهو طالع من بوابة معبد حري-شف، وقال:	He met him as he came out of the gate of the temple of Herishef, and said:
𓎛𓎿𓊃𓅱𓀁 𓎛𓎿𓊃𓀁 𓏏𓏲 𓁷𓂋𓇯𓈙𓈇𓆑𓅆 𓇍𓇋𓂻𓈖𓎢 𓅓 𓉐𓆑	Hs.w Hsi tw Hr.i-S.f iyi.n.k m pr.f المصدر B1، سطر 228 – TLA	حسو حسإ تو حرإ-شف إيإنك م پرف	«يا محظي، لتحظيك حري-شف اللي جيت من بيته!	“O favoured one, may Herishef, from whose house you have come, favour you!
𓌉𓆓𓏴 𓃀𓏲𓄤𓆑𓂋 𓂜𓈖 𓂝𓃀𓏏𓄏𓏛𓆑 𓊪𓏏𓐍𓂻 𓐟𓏤 𓈖 𓎼𓂋𓍅𓀁𓏥 𓂋 𓇾𓈇𓏤	HDi bw-nfr nn ab.t.f ptx sA n grg r tA المصدر B1، سطر 229 – TLA	حچإ بو-نفر نن عبتف پتخ سا ن جرج ر تا	الخير خرب لأنه ما بقاش له أتباع، وطرح ضهر الكدب في الأرض انتهى.	The good is ruined, for it has no followers, and the throwing of falsehood on its back has ceased.
𓇋𓈖 𓇋𓏲 𓏏𓄿 𓅓𓂝𓄚𓈖𓏏𓊛 𓋴𓅧𓈎𓏏𓂻𓋴 𓋴𓅧𓈎𓂻	in iw tA mXn.t . <saq.t(i)> المصدر B1، سطر 229 (تكملة) – TLA	إن إو تا مغنت سعقت(إ)	هو المعدّية دي اتسحبت (أو اتغرقت)؟	Has this ferry been hauled in (or sunk)?
𓍑𓄿𓏴𓊛𓏏𓏲 𓇋𓂋𓆑 𓅓 𓅓𓂝 𓊃𓆣𓂋 𓊃𓊪𓊗 𓅓 𓄟𓊃𓂧𓂧𓀁	DAi.tw ir.f <m> m sxpr sp m msdd المصدر B1، سطر 230 – TLA	چاإتو إرف م م سخپر سپ م مسدد	وبإيه هنعدّي، والعبور بقى حاجة مكروهة قوي؟	And how shall one cross, when crossing has become something thoroughly hated?
𓄿𓏏𓏴𓊛 𓇋𓏏𓂋𓅱𓈘 𓅓𓐟𓏤 𓏏𓃀𓏲𓏏𓏭𓋸𓋸 𓍑𓄿𓏏𓏴𓊛 𓄤𓆑𓂋	[D]Ai.t itr.w m-sA tbw.ti DAi.t nfr المصدر B1، سطر 231 – TLA	چاإت إترو م-سا تبوتإ چاإت نفر	هو عبور النهر ماشيين بالصندل طريقة حلوة للعبور؟	Is crossing the river on foot, in sandals, a fine way to cross?
𓂜𓈖	nn المصدر B1، سطر 231 (تكملة) – TLA	نن	لأ!	No!
𓈖𓅓𓈖 𓏏𓂋𓆵 𓋴𓇥𓂋𓁀 𓂋 𓊏𓊪𓇳𓏤	n-m tr sDr r sSp المصدر B1، سطر 232 – TLA	ن-م تر سچر ر سشپ	ومين بقى ينام لحد الفجر؟	Who then sleeps until daybreak?
𓌉𓆓𓏴 𓈝𓅓𓏏𓂻 𓅓 𓎼𓂋𓎛 𓊄𓃀𓏭𓂻 𓅓 𓉔𓂋𓅱𓇳𓏤 𓂋𓂝𓏏 𓊢𓂝𓂻 𓊃𓀀𓏤 𓂋 𓊃𓊪𓊗𓆑 𓄤𓆑𓂋 𓈖 𓃹𓈖𓌳𓐙𓂝𓏏𓏯𓏛	HDi Smi.t m grH sbi.i m hrw rDi.t aHa s r sp.f nfr n wn-mAa. المصدر B1، سطر 233–234 – TLA	حچإ شمإت م جرح سبإإ م هرو رچإت عحع س ر سپف نفر ن ون-ماع	لأن المشي بالليل والسفر بالنهار اتخربوا، وإن الراجل يقف علشان حقه الطيب.	For walking by night and travelling by day are ruined, and so is letting a man stand up for his rightful cause.
𓅓𓂝𓎢 𓂜𓈖 𓆎𓅓𓏛 𓈖 𓆓𓂧 𓈖𓎢 𓋴𓏏	m.k nn km n Dd n.k st المصدر B1، سطر 235 – TLA	مك نن كم ن چد نك ست	شوف، مفيش فايدة إني أقول لك:	Look, there is no point in telling you:
𓋴𓆑𓂉𓀁 𓋴𓍯𓄿𓏴𓈐 𓁷𓂋𓏤𓎢	sf swA Hr.k المصدر B1، سطر 235 (تكملة) – TLA	سف سوا حرك	«الرحمة عدّت من جنبك.	‘Mercy has passed you by.
𓈖𓐍𓀁𓅱𓏭 𓌳𓄿𓇋𓂋𓌗𓅪𓀀 𓋴𓎝𓎢𓇋𓇋𓅪𓎢	nx.wi mAir ski.y.k المصدر B1، سطر 236 – TLA	نخوإ ماإر سكإيك	يا حرقة قلب المسكين اللي بتدمّره!»	How pitiable is the needy man whom you destroy!’
𓅓𓂝𓎢 𓏏𓏲 𓅓 𓎔𓎛𓏲𓊛𓆟𓀀 𓇋𓂝𓈗 𓄣𓏤𓆑 𓅱𓂧𓂧𓏴 𓂋 𓁹𓏏 𓌻𓂋𓏏𓀁𓆑 𓆼𓄿𓂝𓀜 𓂧𓃀𓏲𓃯𓏥 𓋴𓄝𓏏𓂝 𓋴𓌳𓄿𓅓𓅱𓃓𓏥 𓄖𓂻 𓂋𓅓𓅱𓆟𓏥 𓊃𓐍𓏏𓌦𓂝 𓄿𓊪𓂧𓅱𓅬𓏥	m.k tw m mH.w iai ib.f wdd r iri.t mri.t.f xAa db.w sti smAm.w pH rm.w sxt Apd.w المصدر B1، سطر 237–239 – TLA	مك تو م محو إعإ إبف ودد ر إرإت مرإتف خاع دبو ستإ سمامو پح رمو سخت اپدو	شوف، إنت صياد مستنقعات بيشبع هواه، ناوي يعمل اللي يحبه: بيصطاد أفراس النهر، وبيضرب التيران الوحشية، وبيمسك السمك، وبيشبك الطير.	Look, you are a marsh hunter who slakes his desire, bent on doing as he pleases: harpooning hippopotamuses, shooting wild bulls, catching fish and trapping birds.
𓂜𓈖 𓆼𓄿𓐍𓂻𓂋𓏤𓀀 𓆄𓏲𓅪 𓅓 𓅱𓂝𓂋𓏲𓂾𓀁	nn xAx-r Swi m war.w المصدر B1، سطر 239 (تكملة) – TLA	نن خاخ-ر شوإ م وعرو	مفيش حد لسانه سابق إلا وهو مش بريء من التسرع.	No one hasty of tongue is free of rashness.
𓂜𓈖 𓇋𓇩𓊃𓆰𓄣𓏤𓀀 𓂧𓈖𓋴𓍖𓏛 𓊃𓐍𓂋𓏛 𓄡𓏏𓏤	nn is-ib dns sxr X.t المصدر B1، سطر 240 – TLA	نن إس-إب دنس سخر غت	ومفيش مستخف يبقى رزين في نواياه.	No frivolous man is weighty in his intentions.
𓍯𓄿𓎛𓎝𓏛 𓄣𓏤𓎢 𓂋𓐍𓏛𓎢 𓌳𓐙𓂝𓏏𓏯𓏛	wAH ib.k rx.k mAa.t المصدر B1، سطر 241 – TLA	واح إبك رخك ماعت	كن متأني علشان تعرف الحق،	Be patient, so that you may know the truth,
𓂧𓄿𓇋𓂋𓌗𓂝 𓍉𓏏𓏛𓎢 𓂋 𓄤𓆑𓂋 𓃀𓋴𓋴𓆟𓂻 𓎼𓂋𓅱𓀁𓀀	dAir stp.t.k r nfr bss gr.w المصدر B1، سطر 242 – TLA	داإر ستپتك ر نفر بسس جرو	وروّض اللي اخترته، علشان الخير يجي للي بيظهر في هدوء.	curb your inclination, so that it may go well with the one who appears quietly.
𓂜𓈖 𓊃𓄡𓅓𓅱𓂻𓀀 𓅓𓂝𓆓𓂧𓐥𓂝 𓃀𓏲𓇋𓈎𓂋𓏛	nn sXm.w mDd bw-iqr المصدر B1، سطر 243 – TLA	نن سغمو مچد بو-إقر	مفيش حد بيندفع يقدر يحقق الكفاءة.	No one who rushes in can achieve excellence.
𓂜𓈖𓃹𓈖 𓐍𓆼𓄿𓐍𓂻𓄣𓏤𓀀 𓏎𓈖𓏏𓏲 𓂝	nn-wn xAx-ib ini.tw a المصدر B1، سطر 244 – TLA	نن-ون خاخ-إب إنإتو ع	ومن ناحية تانية مفيش حد قلبه متعجل لما بيطلب العون (؟).	On the other hand, no one is impatient when help is brought (?).
𓊃𓅠𓅓𓎛𓁹 𓁹𓁹 𓋴𓏲𓍑𓄿𓏛𓏏𓏲 𓄣𓏤	sgmH ir.t.wy swDA.tw ib المصدر B1، سطر 244 (تكملة) – TLA	سجمح إرتوي سوچاتو إب	خلّي العيون تشوف علشان القلب يفرح.	Let the eyes see, so that the heart may be gladdened.
𓅓 𓎢𓄿𓉔𓋴𓏲𓀁 𓐍𓏏𓆑 𓄊𓋴𓂋𓂝𓎢 𓍃𓅓 𓄭𓂋𓂻 𓃀𓏲𓈋𓅱𓅪 𓂋𓎢	m kAhs.w xft wsr.k tm spr bw-Dw r.k المصدر B1، سطر 245 – TLA	م كاهسو خفت وسرك تم سپر بو-چو رك	ما تبقاش قاسي على قد قوتك، علشان الشر ما يجيش عليك.	Do not be harsh in proportion to your power, lest evil come upon you.
𓊃𓍯𓄿𓏴𓈐 𓁷𓏤 𓊃𓊪𓊗	swA Hr sp المصدر B1، سطر 246 – TLA	سوا حر سپ	لو تجاهلت قضية،	If you pass over one case,
𓇋𓏲𓆑 𓂋 𓌢𓈖𓏌𓏲	iw.f r sn.w المصدر B1، سطر 246 (تكملة) – TLA	إوف ر سنو	هتبقى اتنين.	it will become two.
𓇋𓈖 𓏶𓀁𓀀 𓂧𓊪𓄓𓀁	in wnm dp المصدر B1، سطر 246 (تكملة) – TLA	إن ونم دپ	الأكل هو اللي بيدوق،	It is the eater who tastes,
𓇋𓏲 𓅱𓄞𓂧𓅱𓀁 𓅱𓈙𓃀𓏴𓀁𓆑	iw wSd.w wSb.f المصدر B1، سطر 247 – TLA	إو وشدو وشبف	والمسؤول هو اللي بيرد،	the one addressed who answers,
𓇋𓈖 𓊃𓇥𓂋𓂋𓏲𓁀𓀀 𓌳𓁹𓄿𓄿 𓂋𓋴𓅱𓏏𓌘𓁹	in sDr.w mAA rs.wt المصدر B1، سطر 248 – TLA	إن سچرو ماا رسوت	والنايم هو اللي بيشوف حلم.	the sleeper who sees a dream.
𓇋𓂋 𓅱𓆓𓂝𓐣𓏛 𓂋𓅱𓏏𓇯 𓅓 𓍚𓏲𓀜 𓈖𓆑 𓇋𓏲𓆑 𓅓 𓏶𓅓𓄂𓏏𓏤 𓈖 𓁹𓂋𓀀	ir wDa rw.t m xsf.w n.f iw.f m im.i-HA.t n irr المصدر B1، سطر 249 – TLA	إر وچع روت م خسفو نف إوف م إمإ-حات ن إرر	أما القاضي اللي المفروض يتعاقب، فهو قدوة للي بيغلط.	As for the judge who ought to be punished, he is a model for the wrongdoer.
𓅱𓆼𓄿𓅪𓀀 𓅓𓂝𓎢 𓏏𓏲 𓊪𓎛𓏏𓄖𓂻	wxA m.k tw pH.t(i) المصدر B1، سطر 250 – TLA	وخا مك تو پحت(إ)	يا غبي، شوف، إنت اتمسكت!	Fool, look, you have been caught!
𓐍𓅓𓂜𓐍𓏏𓏛𓏥𓀀 𓅓𓂝𓎢 𓏏𓏲 𓅱𓄞𓂧𓀀𓏏	xm-x.t m.k tw wSd.t(i) المصدر B1، سطر 251 – TLA	خم-خت مك تو وشدت(إ)	يا جاهل، شوف، إنت اتسألت!	Ignoramus, look, you have been questioned!
𓊪𓈖𓈎𓂝𓀀 𓈗𓇋𓇋𓈗 𓅓𓂝𓎢 𓏏𓏲 𓅧𓈎𓏏𓂻	pnq mw.y m.k tw aq.t(i) المصدر B1، سطر 251 (تكملة) – TLA المعنى غير مؤكد: ممكن يكون «غرقت».	پنق موي مك تو عقت(إ)	يا غارف الميّه، شوف، إنت دخلت!	You who bail the water, look, you have gone in!
𓈞𓅓𓇋𓇋𓊦𓀀 𓅓 𓋴𓃀𓈖𓆟𓂻 𓂧𓊪𓅱𓏏𓊛𓎢	Hmy m sbn dp.wt.k المصدر B1، سطر 252 – TLA	حمي م سبن دپوتك	يا ربان، ما تخليش مركبك تحيد عن طريقها!	Steersman, do not let your boat stray from its course!
𓋴𓋹𓈖𓐍𓅱𓀀 𓅓𓂋𓂝 𓅓𓏏𓏱𓏏𓏲	sanx.w m-rDi m(w)t.tw المصدر B1، سطر 253 – TLA	سعنخو م-رچإ م(و)تتو	يا اللي بتدّي الحياة، ما تسيبش الناس تموت!	Giver of life, do not let people die!
𓋴𓎛𓍃𓅓𓅱𓅯𓅪𓀀 𓅓𓂋𓂝 𓎛𓍃𓅓𓅯𓅪𓏏𓏲	sHtm.w m-rDi Htm.tw المصدر B1، سطر 254 – TLA	سحتمو م-رچإ حتمتو	يا اللي بتهلك (الشر)، ما تسيبش الناس تتهلك!	Destroyer (of evil), do not let people be destroyed!
𓆄𓅱𓇋𓇋𓏏𓇳𓏤 𓅓 𓁹 𓅓 𓆄𓏲𓇳	Sw.yt m iri m Sw المصدر B1، سطر 254 (تكملة) – TLA	شويت م إرإ م شو	يا ظل، ما تبقاش زي الشمس الحارقة!	Shade, do not behave like the scorching sun!
𓃀𓇋𓅱𓉐𓏥 𓅓𓂋𓂝 𓎁𓏏𓂝 𓆊	ib.w m-rDi iti msH المصدر B1، سطر 255 – TLA	إبو م-رچإ إتإ مسح	يا ملجأ، ما تسيبش التمساح يمسك!	Refuge, do not let the crocodile seize!
𓏌 𓊃𓊪𓊗 𓄿 𓅓 𓄭𓂋𓀁 𓈖𓎢	4.nw sp A m spr n.k المصدر B1، سطر 255 (تكملة) – TLA	٤نو سپ ا م سپر نك	دي الرابعة اللي بقدم لك فيها طلب!	This is already the fourth time I have made a plea to you!
𓇋𓈖 𓂋𓆑 𓅨𓂋𓈙𓇳𓀀 𓂋𓆑	in r.f wrS.i r.f المصدر B1، سطر 256 – TLA	إن رف ورشإ رف	هو أنا هقضي اليوم كله في كده؟»	Am I to spend the whole day on this?”

10. الالتماس الخامس

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗 𓆓𓂧𓆑	iwi.in r.f sx.ti pn r spr n.f 5.nw sp Dd.f المصدر B1، سطر 257 – TLA الالتماس الخامس بيبدأ هنا.	إوإإن رف سختإ پن ر سپر نف ٥نو سپ چدف	فجه الفلاح ده يرفع له التماس للمرة الخامسة، وقال:	This peasant came a fifth time to petition him, and said:
𓅓𓂋𓉐𓀗 𓎟𓀀𓀀 𓇋𓏲 𓐍𓂝𓅱𓂧𓅱𓂝𓀀 𓁷 𓁷𓏤 𓋴𓌳𓄿𓅓𓌪𓂝 𓇍𓇋𓇋𓂻𓆟 𓋴𓄝𓂝𓂋𓅓𓅱𓆟𓏥𓀀 𓁷𓏤 𓆼𓄿𓐍𓂝𓂝 𓅱𓃀𓃀𓅱𓆟𓏥 𓍑𓄿𓃀𓎛𓅱𓂝𓀀 𓂋 𓅯𓄿𓈎𓂋𓅱𓆟𓏥	(i)m.i-r-pr-wr nb.i iw xwd.w Hr Hr smAm iy sti-rm.w Hr xAa wbb.w DAbH.w r pAqr.w المصدر B1، سطر 258–261 – TLA أسماء السمك دي مصرية قديمة مش معروف مقابلها بدقة، وده السبب إنها اتنقلت بنطقها.	(إ)مإ-ر-پر-ور نبإ إو خودو حر حر سمام إي ستإ-رمو حر خاع وببو چابحو ر پاقرو	«يا مشرف الأعلى، يا سيدي، صياد الشبكة اليدوية بيصطاد [سمك المحيت (؟)]، وصياد الـ«يو» بيقتل سمك الجي، وصياد الحربة بيضرب سمك الوبّب، وصياد الشبكة بيجري ورا سمك الباقر.	“High steward, my lord, the hand-net fisherman catches [the mhyt fish (?)], the [...]yw fisherman kills the jy fish, the harpooner strikes the wbb fish, and the dbh netter hunts the paqr fish.
𓇋𓏲 𓊠𓂝𓆟𓏥𓀀 𓐍𓃀𓅡𓌼𓂝𓆑 𓇋𓏏𓂋𓅱𓈘	iw wHa xbA.f itr.w المصدر B1، سطر 261 (تكملة) – TLA	إو وحع خباف إترو	وصياد الوحع بيكسّر النهر ويخرّبه.	The wha netter hacks at the river and lays it waste.
𓅓𓂝𓎢 𓏏𓏲 𓅓 𓏠𓈖𓏏𓏛 𓇋𓂋𓏭	m.k tw m mn.t ir.i المصدر B1، سطر 262 – TLA	مك تو م منت إرإ	شوف، إنت من نوعهم.	Look, you are of their kind.
𓅓 𓂝𓃹𓈖𓂝 𓎛𓅨𓂋𓅱𓅪𓀀 𓁷𓏤 𓐍𓏏𓏛𓏥𓆑	m awn Hwr.w Hr x.t.f المصدر B1، سطر 263 – TLA	م عون حورو حر ختف	ما تسرقش الفقير من ممتلكاته!	Do not rob a poor man of his possessions!
𓆑𓈖𓅪 𓂋𓐍𓏛𓈖𓎢 𓇓𓏲	fn rx.n.k sw المصدر B1، سطر 263 (تكملة) – TLA	فن رخنك سو	الضعيف إنت عارفه.	You know the weakling well.
𓊡𓏲 𓊪𓏲 𓈖 𓌳𓄿𓇋𓂋𓌗𓅪𓀀 𓐍𓏏𓏛𓏥𓆑	TAw pw n mAir x.t.f المصدر B1، سطر 264 – TLA	ثاو پو ن ماإر ختف	ممتلكاته هي الهوا اللي بيتنفسه المحتاج،	His possessions are the breath of the needy,
𓂧𓃀𓃀𓂝 𓆑𓈖𓂧𓂉𓆑 𓊪𓏲 𓈖𓈞𓅓𓂝 𓋴𓏏	dbb fnd.f pw nHm st المصدر B1، سطر 265 – TLA	دبب فندف پو نحم ست	وسرقتها معناها خنقه (سدّ أنفه).	and to steal them is to stop up his nose.
𓂋𓂝𓈖𓏏𓏲𓎢 𓂋 𓄔𓅓 𓌃𓂧𓏏𓀁 𓂋 𓅱𓆓𓂝𓐣𓏛 𓌢𓈖𓏌𓏲𓀀 𓂋 𓍚𓀜 𓂝𓍯𓄿𓂝 𓁹𓂋𓆑	rDi.n.tw.k r sDm md.t r wDa sn.wi r xsf awAi ir.f المصدر B1، سطر 266 – TLA	رچإنتوك ر سچم مدت ر وچع سنوإ ر خسف عواإ إرف	إنت اتعيّنت علشان تسمع القضايا، وتحكم بين الخصمين، وتعاقب اللص لما يعمل.	You were appointed to hear cases, to judge between two parties, and to punish the robber when he strikes.
𓅓𓂝𓎢 𓀋𓂝 𓊪𓅱 𓈖 𓇋𓅷𓄿𓀜𓀀 𓁹𓂋𓇋𓇋𓎢	m.k fAi pw n iTA ir.y.k المصدر B1، سطر 267 – TLA	مك فاإ پو ن إثا إريك	لكن شوف، اللي عملته هو إنك بتشيل مع اللص.	But look, what you have done is to carry the thief's load.
𓇋𓏲 𓎔𓏛𓏏𓏲 𓄣𓏤 𓇋𓅓𓎢	iw mH.tw ib im.k المصدر B1، سطر 267 (تكملة) – TLA	إو محتو إب إمك	الناس واثقين فيك،	Trust has been placed in you,
𓇋𓅱𓎢 𓆣𓂋𓏏 𓅓 𓏏𓉔𓅱𓂾𓂻𓀀	iw.k xpr.t(i) m th.w المصدر B1، سطر 268 – TLA	إوك خپرت(إ) م تهو	لكن إنت بقيت مجرم.	yet you have become a criminal.
𓂋𓂝𓈖𓏏𓎢 𓂋 𓂧𓈖𓇋𓏏𓍸𓈇𓏤 𓈖 𓌳𓄿𓇋𓂋𓌗𓅪𓀀	rDi.n.t(w).k r dni.t n mAir المصدر B1، سطر 269 – TLA	رچإنت(و)ك ر دنإت ن ماإر	اتعيّنت سد حماية للمحتاج،	You were appointed a dyke for the needy,
𓊃𓅭𓄿𓏲𓀸𓀜 𓎔𓎛𓈗𓆑	sAw mHi.f المصدر B1، سطر 269 (تكملة) – TLA	ساو محإف	فخد بالك لحسن يغرق!	so take care that he does not drown!
𓅓𓂝𓎢 𓏏𓏲 𓅓 𓈙𓈇𓆑 𓋴𓏏𓄝𓄿𓏲𓍬𓂻𓀀	m.k tw m S.f stA.w المصدر B1، سطر 270 – TLA	مك تو م شف ستاو	لكن شوف، إنت بحيرته اللي بتجرفه.»	But look, you are his lake, sweeping him away.”

11. الالتماس السادس

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓅱𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗 𓆓𓂧𓆑	iwi.in r.f sx.ti pn r spr n.f 6.nw sp Dd.f المصدر B1، سطر 271 – TLA الالتماس السادس بيبدأ هنا.	إوإإن رف سختإ پن ر سپر نف ٦نو سپ چدف	فجه الفلاح ده يرفع له التماس للمرة السادسة، وقال:	This peasant came a sixth time to petition him, and said:
𓅓𓂋𓉐𓀗 𓎟𓀀𓀀 𓎟 𓋴𓇋𓊃𓅪𓆑 𓎼𓂋𓍅𓀁 𓋴𓆣𓂋 𓌳𓐙𓂝𓏏𓏯𓏛	(i)m.i-r-pr-wr nb.i nb sis.f grg sxpr mAa.t المصدر B1، سطر 272 – TLA	(إ)مإ-ر-پر-ور نبإ نب سإسف جرج سخپر ماعت	«يا مشرف الأعلى، يا سيدي، السيد اللي بيقلل الكدب هو اللي بيحقق العدل (؟).	“High steward, my lord, the lord who reduces falsehood is the one who brings Maat into being (?).
𓋴𓆣𓂋 𓃀𓏲𓎟𓄤𓆑𓂋 𓋴𓎛𓍃𓅓𓅬𓅪 𓃀𓏲 𓈋𓅱𓅪𓏥	sxpr bw-nb-nfr sHtm bw <Dw> المصدر B1، سطر 273 – TLA فيه فجوة في النص بعد دي.	سخپر بو-نب-نفر سحتم بو چو	واللي بيحقق كل خير هو اللي بيهلك [الشر]...	He who brings about all that is good destroys [evil] ...
𓏇𓇋 𓂻𓏲 𓋴𓐟𓄿𓅱𓀁 𓇥𓂋𓀜𓆑 𓎛𓈎𓂋𓅪 𓎛𓃀𓋴𓏲𓋳𓏥 𓇥𓂋𓀜𓆑 𓇉𓄿𓅱𓏏𓋳 𓏇𓇋 𓊵𓏏𓊪 𓊪𓏏𓇯 𓂋𓐟𓏤 𓆓𓂧𓂝𓊡 𓈎𓄿𓀠 𓊃𓈙𓅓𓅓𓊮𓋴 𓎛𓎿𓋴𓅱𓊡𓀀𓏥 𓎟 𓏇𓇋 𓐍𓏏𓊮 𓊪𓊃𓆑𓏏𓊮 𓇆𓅱𓏏𓏛𓏥 𓏇𓇋 𓈗 𓂝𓐍𓅓𓈗 𓇋𓃀𓏏𓀁	mi iwi sAw Dr.f Hqr Hbs.w Dr.f HA.wt mi Htp p.t r-sA Da qAi sSmm.s Hs.w nb mi x.t psf.t wAD.wt mi mw axm ib.t المصدر B1، سطر 274–278 – TLA	مإ إوإ ساو چرف حقر حبسو چرف حاوت مإ حتپ پت ر-سا چع قاإ سشممس حسو نب مإ خت پسفت واچوت مإ مو عخم إبت	زي لما الشبع ييجي فينهي الجوع، واللبس ينهي العري؛ وزي السما لما تهدا بعد عاصفة شديدة فتدفّي كل اللي بردان؛ وزي النار اللي بتطبخ النيء، وزي الميّه اللي بتطفي العطش.	... as when fullness comes it ends hunger, and clothing ends nakedness; as the sky grows calm after a violent storm and warms all who shiver; as fire cooks the raw, and as water quenches thirst.
𓌳𓁹𓄿𓄿 𓅓 𓁷𓂋𓏤𓎢	mAA m Hr.k المصدر B1، سطر 279 – TLA	ماا م حرك	بص بنفسك!	See for yourself!
𓊪𓊃𓈙𓅱𓏴𓏛𓏥𓀀 𓅓 𓂝𓃹𓈖𓏌𓏲𓀜	psS.w m awn.w المصدر B1، سطر 279 (تكملة) – TLA	پسشو م عونو	اللي المفروض يوزّع بقى لص.	The one who should distribute has become a robber.
𓊃𓉔𓂋𓂋𓏛𓀀 𓅓 𓁹 𓄿𓉔𓅱𓅪𓀀	shrr m iri Ah.w المصدر B1، سطر 280 – TLA	سهرر م إرإ اهو	واللي المفروض يهدّي بقى سبب للهم.	The one who should soothe has become a cause of grief.
𓋴𓏏𓅱𓏏𓀾𓏛 𓅓 𓁹 𓏠𓈖𓏏𓅪𓏥	stwt m iri mn.t المصدر B1، سطر 281 – TLA	ستوت م إرإ منت	واللي المفروض يوازن بقى سبب للألم.	The one who should even things out has become a cause of pain.
𓇋𓏲 𓋴𓇋𓄿𓏏𓂿 𓊃𓈙𓂋𓂋𓅪𓆑 𓌳𓐙𓂝𓏏𓏯𓏛	iw siAt sSrr.f mAa.t المصدر B1، سطر 282 – TLA	إو سإات سشررف ماعت	الغش بيقلل العدالة.	Cheating diminishes justice.
𓎔𓏛 𓄤𓆑𓂋 𓂜 𓉔𓈎𓋴𓅪 𓂜 𓅱𓃀𓈖𓇳 𓌳𓐙𓂝𓏏𓏯𓏛	mH nfr n hqs n wbn mAa.t المصدر B1، سطر 283 – TLA	مح نفر ن هقس ن وبن ماعت	فاملا الكيل بالظبط، من غير ما تنقص ماعت ولا تفيض.	So fill the measure exactly, so that Maat is neither shortchanged nor overflowing.
𓇋𓂋 𓏎𓈖𓎢 𓇋𓅓𓐝𓂝 𓈖 𓌢𓈖𓏌𓏲𓀀𓎢	ir ini.k imi n sn.w.k المصدر B1، سطر 283 (تكملة) – TLA	إر إنإك إمإ ن سنوك	ولو جبت حاجة لنفسك، ادّي منها لزميلك.	And if you acquire something, give some to your fellow.
𓅱𓎼𓇋𓇋𓏏𓄑𓀁 𓆄𓅱𓏏𓅪 𓅓 𓂝𓈎𓄿𓂭𓂭𓏛	wg.yt Swi.t(i) m aqA المصدر B1، سطر 284 – TLA	وجيت شوإت(إ) م عقا	لأن اللي اتبلع بنهم ما فيهوش استقامة.	For what has been gulped down holds no honesty.
𓇋𓏲 𓄿𓉔𓅱𓅪𓀀 𓋴𓌫𓅓𓂻𓆑 𓂋 𓃚𓅱𓂧𓏏𓂻	iw Ah.w sSm.f r iwd.t المصدر B1، سطر 285 – TLA	إو اهو سشمف ر إودت	اللي معاه همّ بيودّي للفراق.	Grief usually leads to separation.
𓇋𓏲 𓋴𓐍𓂋𓇋𓇋𓏛𓀀 𓋴𓂋𓐍𓇋𓇋𓀁𓀀 𓏎𓈖𓈖𓆑 𓂋𓅱𓅱𓏏𓂻𓏥	iw <srx.y> ini.f rww.t المصدر B1، سطر 286 – TLA الكلمة هنا (iw <srx.y>) معدّلة من «ربّان» إلى «مدّعي» في تحرير النص.	إو سرخي إنإف رووت	والمدّعي هو اللي بيجيب الطلاق.	And it is the accuser who brings about divorce.
𓂜 𓂋𓐍𓏛𓈖𓏏𓏲 𓃹𓈖𓈖𓏏 𓅓 𓄣𓏤	n rx.n.tw wnn.t m ib المصدر B1، سطر 287 – TLA	ن رخنتو وننت م إب	لأن ما حدش يقدر يعرف اللي في القلب.	For no one can know what is in the heart.
𓅓 𓏲𓋴𓆑𓅯𓂻	m wsf المصدر B1، سطر 288 – TLA	م وسف	ما تتباطأش،	Do not hesitate,
𓁹 𓂋𓎢 𓂋 𓋴𓏇𓇋𓏏𓀁	iri r.k r smi.t المصدر B1، سطر 288 (تكملة) – TLA	إرإ رك ر سمإت	واتصرف حسب الشكوى!	but act upon the charge!
𓆑𓂧𓈎𓏴𓎢 𓈖𓅓𓂝 𓋭𓊃𓍢𓂝𓆑	fdq.k n-m Ts.f المصدر B1، سطر 288 (تكملة) – TLA	فدقك ن-م ثسف	لو قطّعت، مين هيلحم؟	If you cut apart, who will join together?
𓂚𓀜𓈗𓆱 𓅓 𓂝𓎢 𓏇𓇋 𓆱 𓃹𓈖𓉿𓂝 𓊃𓊪𓐍𓈖𓈗𓇋𓇋𓈗 𓆣𓂋	aHA-mw m a.k mi xt wn sp-n-mw.y xpr المصدر B1، سطر 289 – TLA المعنى غير مؤكد.	عحا-مو م عك مإ خت ون سپ-ن-موي خپر	العصاية في إيدك زي عصا الجس، لكن فيه مشكلة ميّه حصلت (؟).	The pole is in your hand like a sounding rod, yet a trouble with the water has occurred (?).
𓇋𓂋 𓅧𓈎𓂻 𓂧𓊪𓏏𓊛 𓇋𓏲 𓄞𓂧𓏏𓂝𓋴 𓄿𓈎𓅪 𓀋𓊪𓏲𓏛𓏥𓋴 𓈖 𓇾𓈇𓏤 𓁷𓏤 𓌻𓂋𓇋𓇋𓏏𓈇𓏤𓏥 𓎟𓏏	ir aq dp.t iw Sd.t(w).s Aq ATp.w.s n tA Hr mr.yt nb.t المصدر B1، سطر 290–291 – TLA	إر عق دپت إو شدت(و)س اق اثپوس ن تا حر مريت نبت	لو مركب غرقت، بتتنقذ، لكن حمولتها المتناثرة على كل شط بتضيع.	If a ship goes down, it can be salvaged, but its cargo, scattered on every shore, is lost.
𓇋𓏲𓎢 𓋴𓃀𓇼𓏏𓀜	iw.k sbA.t(i) المصدر B1، سطر 291 (تكملة) – TLA	إوك سبات(إ)	إنت متعلم،	You are educated,
𓇋𓏲𓎢 𓍍𓅱𓏏𓏛	iw.k Hmw.t(i) المصدر B1، سطر 291 (تكملة) – TLA	إوك حموت(إ)	وماهر،	you are skilled,
𓇋𓏲𓎢 𓏏𓏏𓀾𓏛 𓂜𓇋𓋴 𓈖 𓂝𓃹𓈖𓂝	iw.k t(w)t.(ti) n-is n awn المصدر B1، سطر 292 – TLA	إوك ت(و)ت(تإ) ن-إس ن عون	وكامل، إلا في النهب.	and you are perfect, except for robbery.
𓇋𓏲𓎢 𓁹𓂋𓎢 𓏏𓏲𓏏𓏲𓀾𓏛𓏥 𓃀𓏲𓎟𓀀𓁐𓏥	iw.k ir.k twt.w bw-nb المصدر B1، سطر 292 (تكملة) – TLA	إوك إرك توتو بو-نب	لكن عادتك إنك تعمل زي كل الناس،	But you are in the habit of doing as everyone does,
𓇋𓏲 𓉔𓄿𓏲𓏛𓏥𓎢 𓅓 𓈖𓍇𓏌𓏲𓂧𓏲𓂻	iw hAw.k m nwd.w المصدر B1، سطر 293 – TLA	إو هاوك م نودو	والناس اللي حواليك فاسدين.	and those around you are corrupt.
𓂝𓈎𓄿𓂭𓂭𓏛 𓂿𓏏𓏭𓀀 𓈖 𓇾𓈇𓏤 𓂋𓇥𓆑	aqA siAt.i n tA r-Dr.f المصدر B1، سطر 294 – TLA	عقا سإاتإ ن تا ر-چرف	اللي كان المفروض يبقى مستقيم هو أكبر مجرم في البلد كلها.	The one who should be upright is the worst criminal in the whole land.
𓂓𓏤𓈖𓇋𓇋𓇭𓀀 𓈖 𓃀𓏲𓎛𓅨𓂋𓏲𓅪 𓁷𓏤 𓈖𓏏𓆑𓈗𓀜 𓎛𓋴𓊪𓈇𓏤𓆑 𓅓 𓃚𓏲𓇋𓇋𓏏𓅪𓏥 𓂋 𓋴𓆣𓂋 𓋴𓊪𓈇𓆑 𓅓 𓎼𓂋𓍅𓀁 𓂋 𓈖𓏏𓆑𓈗𓀁 𓇍𓇋𓇋𓏏𓅪𓏥 𓈖 𓆓𓏏𓊖	kAn.y n bw-Hwr.w Hr ntf Hsp.f m iw.yt r sxpr [H]sp.f m grg r ntf iy.t n D.t المصدر B1، سطر 295–296 – TLA	كاني ن بو-حورو حر نتف حسپف م إويت ر سخپر حسپف م جرج ر نتف إيت ن چت	بستاني الشر مشغول بسقي حوضه بالظلم علشان ينمّي حوضه بالكدب، وعلشان يسقي مصيبة الأبدية (؟).»	The gardener of evil is busy watering his bed with wrongdoing, to make his bed grow with falsehood, and to irrigate the calamity of the hereafter (?).”

12. الالتماس السابع

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗 𓆓𓂧𓆑	iwi.in r.f sx.ti pn r spr n.f 7.nw sp Dd.f المصدر B1، سطر 297 – TLA الالتماس السابع بيبدأ هنا.	إوإإن رف سختإ پن ر سپر نف ٧نو سپ چدف	فجه الفلاح ده يرفع له التماس للمرة السابعة، وقال:	This peasant came a seventh time to petition him, and said:
𓅓𓂋𓉐𓀗 𓎟𓀀𓀀 𓈖𓏏𓎢 𓈞𓅓𓏲𓊦 𓈖 𓇾𓈇𓏤 𓂋𓇥𓆑	(i)m.i-r-pr-wr nb.i ntk Hmw n tA r-Dr.f المصدر B1، سطر 298 – TLA	(إ)مإ-ر-پر-ور نبإ نتك حمو ن تا ر-چرف	«يا مشرف الأعلى، يا سيدي، إنت دفة البلد كلها.	“High steward, my lord, you are the rudder of the whole land.
𓋴𓐪𓂧𓂧𓈒𓊛 𓇾𓈇𓏤 𓐍𓏏𓆑 𓎗𓏲𓏛𓎢	sqdd tA xft wD.k المصدر B1، سطر 299 – TLA	سقدد تا خفت وچك	البلد بتبحر حسب أمرك.	The land sails at your command.
𓈖𓏏𓎢 𓌢𓈖𓏌𓏲𓀀 𓈖 𓅆 𓐣𓏛 𓂜𓈖 𓂋𓂝𓏏 𓁷𓏤 𓐞𓏤	ntk sn.nw n DHwti wDa nn rDi.t Hr gs المصدر B1، سطر 300 – TLA	نتك سننو ن چحوتإ وچع نن رچإت حر جس	إنت نظير تحوت، اللي بيحكم من غير ما ينحاز.	You are the peer of Thoth, who judges without taking sides.
𓎟𓀀 𓎛𓎝𓏛𓎢 𓈖𓇋𓋴𓀁𓏏𓏲 𓊃𓀀𓏤 𓂋 𓊃𓊪𓊗𓆑 𓈖 𓃹𓈖𓌳𓐙𓂝𓆀	nb wAH.k nis.tw s r sp.f n wn-mAa المصدر B1، سطر 301 – TLA	نب واحك نإستو س ر سپف ن ون-ماع	يا سيد، يا ريتك تصبر علشان الراجل يتنادى لقضيته العادلة.	My lord, may you be patient, so that a man may be summoned for his just cause.
𓅓 𓍱𓈖𓏏𓍢𓀜 𓄣𓏤𓎢	m Snt ib.k المصدر B1، سطر 301 (تكملة) – TLA	م شنت إبك	ما تغضبش!	Do not be angry!
𓂜𓈖 𓈖𓎢 𓋴𓏏 𓆣𓂋 𓄫𓏲𓁷𓏤𓀀 𓅓 𓎛𓅱𓂝𓅪𓄣𓏤𓀀	nn <n>.k st xpr Aw-Hr m Hwa-ib المصدر B1، سطر 302 – TLA التعبيران صفتان مصريتان: «وش طويل» للصبور المنتظر، و«قلب قصير» للمتضايق.	نن نك ست خپر او-حر م حوع-إب	مش من اللائق بيك إن صاحب الوش الطويل (الصبور) يبقى صاحب القلب القصير (الحزين).	It does not befit you that a “long of face” should become “short of heart”.
𓅓 𓍯𓄿𓀁 𓂜 𓈖𓏏𓏏 𓂜 𓇍𓇋𓏏𓂻	m wA n n.tt n iyi.t المصدر B1، سطر 302 (تكملة) – TLA	م وا ن نتت ن إيإت	ما تتشاغلش بحاجات لسه ما جتش!	Do not brood over what has not yet come,
𓅓 𓎛𓂝𓅱𓀢 𓂜 𓈖𓏏𓏏 𓂜 𓆣𓂋𓏏	m Ha.w n n.tt n xpr.t المصدر B1، سطر 303 – TLA	م حعو ن نتت ن خپرت	وما تفرحش بحاجات لسه ما حصلتش!	and do not rejoice over what has not yet happened!
𓇋𓏲 𓅱𓐍𓂧𓐗𓏛 𓋴𓄫𓏲𓆑 𓅓 𓐍𓈖𓌰𓅓𓋴𓀙 𓋴𓎛𓍃𓅓𓅬𓅪𓆑 𓊃𓊪𓊗 𓆣𓂋	iw wxd sAw.f m xnms sHtm.<f> sp xpr المصدر B1، سطر 304 – TLA	إو وخد ساوف م خنمس سحتمف سپ خپر	لأن الصبور بيطوّل الصداقة، وبيمحو الغلط اللي حصل.	For the patient man prolongs friendship and wipes out an offence that has occurred.
𓂜 𓂋𓐍𓏛𓈖𓏏𓏲 𓃹𓈖𓈖𓏏 𓅓 𓄣𓏤	n rx.n.tw wnn.t m ib المصدر B1، سطر 304 (تكملة) – TLA	ن رخنتو وننت م إب	لأن ما حدش يقدر يعرف اللي في القلب.	For no one can know what is in the heart.
𓐍𓃀𓅡𓄿𓌻𓂝 𓉔𓊪𓏛 𓌉𓆓𓏴 𓁶𓏤𓐎𓏛 𓂜𓈖 𓌳𓄿𓇋𓂋𓌗𓅪𓀀 𓋹𓈖𓐍 𓎛𓂝𓍑𓄿𓏲𓀜𓆑 𓂜 𓏲𓄞𓂧𓀁 𓇓𓏲 𓌳𓐙𓂝𓏏𓏯𓏛	xbA hp HDi tp-Hsb nn mAir anx HaDA.w.f n wSd sw mAa.t المصدر B1، سطر 305–306 – TLA الجملة غامضة، وفي مين المقصود بالضمير احتمالان.	خبا هپ حچإ تپ-حسب نن ماإر عنخ حعچاوف ن وشد سو ماعت	اللي هدّ القانون وخرّب المعيار: ما فيش محتاج منهوب على إيده فضل حي إلا لو العدالة ما خاطبتهوش (؟).	As for one who has hacked up the law and wrecked the standard: no needy man he plundered remains alive, unless Maat has addressed him (?).
𓇋𓏲 𓎼𓂋𓏏 𓄡𓏏𓏤𓀀 𓎔𓏏𓏛 𓄣𓏤𓀀 𓀋𓀜 𓉐𓂋𓂻 𓇋𓋴 𓅓 𓄡𓏏𓏤𓀀 𓈖 𓂝𓏤 𓇋𓂋𓏭	iw gr.t X.t.i mH.t(i) ib.i ATp pri is m X.t.i n a ir.i المصدر B1، سطر 307 – TLA	إو جرت غتإ محت(إ) إبإ اثپ پرإ إس م غتإ ن ع إرإ	لكن بطني دلوقتي مليانة وقلبي مثقل، فهو بيطلع من جوايا بسبب حالته.	But now my belly is full and my heart burdened, so that it comes out of my belly because of its state.
𓈖𓎼𓏏𓏴𓀜 𓊪𓏲 𓅓 𓂧𓈖𓏏𓍸𓈇𓏤 𓈗𓋴 𓄿𓋴𓏲𓍬𓂻 𓃹𓈖𓉿𓂝 𓂋𓏤𓀀 𓂋 𓌃𓂧𓏏𓀁	ng.t pw m dn[i].t mw.s As.w wn r.i r md(w)i.t المصدر B1، سطر 308–309 – TLA	نجت پو م دنإت موس اسو ون رإ ر مد(و)إت	زي كسر في السد، وميّته اتدفقت، لما فمي اتفتح علشان أتكلم.	It is like a breach in a dyke, whose water has gushed out, when my mouth opens to speak.
𓊢𓂝𓂻 𓄿 𓂚𓀜𓈖𓀀 𓌻𓂋𓇋𓆱𓀀 𓊪𓈖𓈎𓈗𓂝𓈖𓀀 𓈗𓇋𓇋𓈗𓀀 𓊃𓈖𓆑𓊡𓀜𓈖𓀀 𓈖𓏏𓏏 𓅓 𓄡𓏏𓏤𓀀 𓇋𓂝𓈗𓈖𓀀 𓆷𓄿𓅓𓏲𓋳𓏤𓏥𓀀	aHa A aHA.n.i mri.i pnq.n.i mw.y.i snf.n.i n.tt m X.t.i iai.n.i SAm.w.i المصدر B1، سطر 310 – TLA	عحع ا عحانإ مرإإ پنقنإ مويإ سنفنإ نتت م غتإ إعإنإ شاموإ	وأنا كمان نزلت بعصايا بقوة، وغرفت ميّتي، وطلّعت اللي كان في بطني للهوا، وغسلت هدومي الوسخة.	And so I plied my pole vigorously, bailed out my water, brought what was in my belly into the fresh air, and washed my dirty linen.
𓐍𓈖𓅯𓀁𓀀 𓆣𓂋	xn.i xpr المصدر B1، سطر 311 – TLA	خنإ خپر	اشتكيت (شكواي اتقالت)،	My complaint has been voiced,
𓌳𓄿𓇋𓂋𓌗𓅪𓏥𓀀 𓇥𓂋𓀜 𓐍𓏏𓆑𓁷𓏤𓎢	mAir.i Dr xft-Hr.k المصدر B1، سطر 311 (تكملة) – TLA	ماإرإ چر خفت-حرك	وعذابي انتهى قدامك.	and my misery is finished before you.
𓊪𓏏𓂋𓆵 𓍑𓄿𓂋𓏲𓎣𓀁𓎢	ptr DAr.w.k المصدر B1، سطر 312 – TLA	پتر چاروك	إيه اللي محتاجه تاني؟	What more do you need?
𓇋𓏲 𓋴𓏲𓆑𓅬𓂻𓎢 𓂋 𓏏𓉔𓏏𓂾𓂻𓎢	iw <w>sf.k r thi.t.k المصدر B1، سطر 312 (تكملة) – TLA	إو وسفك ر تهإتك	تباطؤك هيضللك،	Your sluggishness will lead you astray,
𓇋𓏲 𓂝𓃹𓈖𓂝𓄣𓏤𓎢 𓂋 𓊃𓏲𓆼𓄿𓅪𓎢	iw awn-ib.k r swxA.k المصدر B1، سطر 313 – TLA	إو عون-إبك ر سوخاك	وطمعك هيخليك أحمق،	your greed will make a fool of you,
𓇋𓏲 𓊃𓈖𓌰𓅓𓂉𓀁𓎢 𓂋 𓋴𓆣𓂋 𓐍𓂋𓃭𓏲𓇋𓇋𓏲𓀜𓀀𓏥𓎢	iw snm.k r sxpr xrw.y.w.k المصدر B1، سطر 313 (تكملة) – TLA	إو سنمك ر سخپر خرويوك	وشراهتك (؟) هتخلق لك أعداء.	your gluttony (?) will make you enemies.
𓇋𓈖 𓇋𓏲𓎢 𓇓𓅱𓏏 𓂋 𓅠𓅓𓏏 𓎢𓇋𓇋 𓇏𓏏𓏭𓀀 𓏇𓏏𓅱𓏛𓀀	in iw.k swt r gmi.t ky sx.ti mi.tw.i المصدر B1، سطر 314 – TLA	إن إوك سوت ر جمإت كي سختإ مإتوإ	هو إنت هتلاقي فلاح تاني زيي؟	Will you ever find another peasant like me?
𓇋𓈖 𓇋𓏲 𓅱𓋴𓆑𓏲𓅬𓂻𓀀 𓄭𓂋𓇋𓇋𓀁𓀀 𓂋 𓊢𓂝𓂻 𓂋 𓂋𓏤 𓈖 𓉐𓏤𓆑	in iw wsf.w spr.y r aHa r r n pr.f المصدر B1، سطر 315 – TLA	إن إو وسفو سپري ر عحع ر ر ن پرف	هو المتباطئ الملتمس هيستنى على باب بيته؟	Would a dawdler who is also a petitioner wait at the door of his own house?
𓂜𓈖 𓎼𓂋𓀁 𓂋𓂝𓈖𓎢 𓌃𓂧𓏲𓀁𓆑	nn gr rDi.n.k mdwi.f المصدر B1، سطر 316 – TLA	نن جر رچإنك مدوإف	ما فيش ساكت إنت خليته يتكلم،	There is no silent man whom you have made speak,
𓂜𓈖 𓋴𓇥𓂋𓁀 𓂋𓂝𓈖𓎢 𓂋𓋴𓌘𓁹𓆑	nn sDr rDi.n.k rs.f المصدر B1، سطر 316 (تكملة) – TLA	نن سچر رچإنك رسف	وما فيش نايم إنت صحّيته،	no sleeper whom you have woken,
𓂜𓈖 𓐍𓃀𓅡𓄿𓌻𓅪 𓁷𓏤𓏥 𓊃𓋴𓊪𓂧𓇮𓏛𓌒𓈖𓎢	nn xbA Hr.w sspd.n.k المصدر B1، سطر 317 – TLA	نن خبا حرو سسپدنك	وما فيش حد حواسه متبلدة إنت حدّدتها،	no dull-witted man whom you have sharpened,
𓂜𓈖 𓍃𓅓𓀁 𓂋𓏤 𓃹𓈖𓉿𓂝𓈖𓎢	nn tm r wn.n.k المصدر B1، سطر 318 – TLA	نن تم ر وننك	وما فيش حد فمه مقفول إنت فتحته،	no closed mouth you have opened,
𓂜𓈖 𓐍𓅓𓂜 𓂋𓂧𓈖𓎢 𓂋𓐍𓏛𓆑	nn xm rDi.n.k rx.f المصدر B1، سطر 318 (تكملة) – TLA	نن خم رچإنك رخف	وما فيش جاهل إنت علّمته،	no ignorant man you have made wise,
𓂜𓈖 𓏲𓆼𓄿𓅪 𓋴𓃀𓇼𓀜𓈖𓎢	nn wxA sbA.n.k المصدر B1، سطر 318 (تكملة) – TLA	نن وخا سبانك	وما فيش أحمق إنت دربته.	no fool you have taught.
𓄡𓊃𓂋𓏲𓎝𓀜𓀀𓏥 𓈋𓅱𓏏𓅪𓏥 𓊪𓏲 𓋴𓂋𓏲𓀔𓀀𓏥	Xsr.w Dw.t pw sr.w المصدر B1، سطر 319 – TLA	غسرو چوت پو سرو	كبار الموظفين هم اللي بيطردوا الشر،	The high officials are the ones who drive out evil,
𓎟𓏲𓏥 𓃀𓏲𓄤𓆑𓂋 𓊪𓏲	nb.w bw-nfr pw المصدر B1، سطر 319 (تكملة) – TLA	نبو بو-نفر پو	وهم أسياد الخير،	they are the masters of what is good,
𓍍𓅱𓏏𓀀𓏥 𓊪𓏲 𓈖𓏏 𓋴𓆣𓂋 𓈖𓏏𓏏 𓋭𓊃𓍢𓂝𓀀𓏥 𓁶𓏤 𓎛𓋴𓈎𓌪𓀜	Hmw.t pw n.t sxpr n.tt Ts.w tp Hsq المصدر B1، سطر 320 – TLA	حموت پو نت سخپر نتت ثسو تپ حسق	وهم الصنّاع اللي بيخلقوا اللي موجود، وبيركّبوا الراس المقطوعة تاني.»	they are the craftsmen who bring into being what exists and who rejoin a severed head.”

13. الالتماس التامن (آخر ما في B1)

النص بينتهي هنا في المخطوطة B1.

هيروغليفي	مصري (ابجدية لاتيني)	مصري (ابجدية عربي)	عربي	انجليزي
𓂻𓏲𓇋𓈖 𓂋𓆑 𓇏𓏏𓏭𓀀 𓊪𓈖 𓂋 𓄭𓂋𓀁 𓈖𓆑 𓏌 𓊃𓊪𓊗 𓆓𓂧𓆑	iwi.in r.f sx.ti pn r spr n.f 8.nw sp Dd.f المصدر B1، سطر 321 – TLA الالتماس التامن بيبدأ هنا، وهو آخر ما اتحفظ في المخطوطة B1.	إوإإن رف سختإ پن ر سپر نف ٨نو سپ چدف	فجه الفلاح ده يرفع له التماس للمرة التامنة، وقال:	This peasant came an eighth time to petition him, and said:
𓅓𓂋𓉐𓀗 𓎟𓀀𓀀 𓇋𓏲 𓐍𓂋𓀒𓏏𓏲 𓈖 𓎛𓆰𓈖𓏏𓆊 𓍯𓄿𓈐	(i)m.i-r-pr-wr nb.i iw xr.tw n Hnt wA المصدر B1، سطر 322 – TLA	(إ)مإ-ر-پر-ور نبإ إو خرتو ن حنت وا	«يا مشرف الأعلى، يا سيدي، الواحد بيقع من بعيد بسبب الشهوة.	“High steward, my lord, one falls from afar because of desire.
𓇋𓏲 𓂝𓃹𓈖𓂝𓄣𓏤𓀀 𓆄𓏲𓅪𓆑 𓅓 𓊃𓊪𓊗	iw awn-ib Swi.f m sp المصدر B1، سطر 322 (تكملة) – TLA	إو عون-إب شوإف م سپ	الطماع بيفتقد الفرصة،	The greedy man lacks his opportunity,
𓇋𓏲 𓃹𓈖 𓊃𓊪𓊗𓆑 𓈖 𓅱𓉔𓏏𓅪	iw wn sp.f n wh.t المصدر B1، سطر 323 – TLA	إو ون سپف ن وهت	ونصيبه الفشل.	his lot is failure.
𓇋𓏲 𓂝𓃹𓈖𓀜 𓄣𓏤𓎢	iw awn ib.k المصدر B1، سطر 323 (تكملة) – TLA	إو عون إبك	إنت طماع،	You are greedy,
𓂜𓈖 𓈖𓎢 𓋴𓏏	nn n.k st المصدر B1، سطر 323 (تكملة) – TLA	نن نك ست	لكن ده ما يليقش بيك.	but it does not suit you.
𓇋𓏲 𓂝𓍯𓄿𓀜𓎢	iw awAi.k المصدر B1، سطر 323 (تكملة) – TLA	إو عواإك	إنت بتنهب،	You plunder,
𓂜𓈖 𓅜𓏛 𓈖𓎢	nn Ax n.k المصدر B1، سطر 324 – TLA	نن اخ نك	لكن ده مش في صالحك.	but it does you no good.
𓂋𓂝 𓄿 𓊢𓂝𓂻 𓊃𓀀𓏤 𓂋 𓊃𓊪𓊗𓆑 𓄤𓆑𓂋 𓈖 𓃹𓈖𓌳𓐙𓂝𓆀	rDi A aHa s r sp.f nfr n wn-mAa المصدر B1، سطر 324 (تكملة) – TLA	رچإ ا عحع س ر سپف نفر ن ون-ماع	خلّي الراجل يقدر يقف علشان حقه الطيب!	Let a man stand up for his rightful cause!
𓌨𓂋𓏏𓏛𓏥𓎢 𓊪𓏲 𓅓 𓉐𓏤𓎢	Xr.t.k pw m pr.k المصدر B1، سطر 325 – TLA	غرتك پو م پرك	احتياجك في بيتك،	Your needs are met in your house,
𓄡𓏏𓏤𓎢 𓎔𓏏𓏛	X.t.k mH.t(i) المصدر B1، سطر 325 (تكملة) – TLA	غتك محت(إ)	وبطنك مليانة،	your belly is full,
𓏲𓃀𓈖𓇳 𓌽𓏏𓏤 𓎀𓏏𓆑𓂻𓋴 𓄿𓈎𓅪 𓉐𓂋𓅱𓏛𓏥𓋴 𓈖 𓇾𓈇𓏤	wbn HqA.t Ttf.s Aq pr.w.s n tA المصدر B1، سطر 326 – TLA	وبن حقات ثتفس اق پروس ن تا	ومكيال الحقات مليان لحد ما بيفيض وزيادته بتضيع على الأرض.	the heqat measure is so full that it spills over and its surplus is lost on the ground.
𓎁𓏏𓏲𓀜 𓂝𓍯𓄿𓀜𓀀 𓈖𓈞𓅓𓏲𓀜 𓋴𓂋𓅱𓀙𓀀𓏥 𓁹𓈖𓏏𓏲 𓂋 𓍚𓀜 𓂋 𓇍𓇋𓇋𓏏𓅪𓏥 𓇋𓃀𓏲𓉐𓏤𓏥 𓊪𓏲 𓈖 𓄿𓂧𓏲𓆊𓀀 𓋴𓂋𓅱𓀙𓀀𓏥 𓁹𓈖𓏏𓏲 𓂋 𓍚𓀜 𓂋 𓎼𓂋𓍅𓀁	iti.w awA nHm.w sr.w iri.n.tw r xsf r iy.t ib.w pw n Ad.w sr.w iri.n.tw r xsf r grg المصدر B1، سطر 327–329 – TLA أول الجملة غامض في النص.	إتإو عوا نحمو سرو إرإنتو ر خسف ر إيت إبو پو ن ادو سرو إرإنتو ر خسف ر جرج	يا اللي كان لازم تقبض على اللص وتنقذ المنهوب! أما كبار الموظفين اللي اتعيّنوا لمواجهة الشر، واللي اتعيّنوا لصد الظلم، فبقوا ملجأ للمعتدي.	You who should seize the robber and rescue the plundered! As for the high officials who were appointed to face down trouble and repel falsehood, they have become a refuge for the aggressor.
𓂜 𓂋𓂝𓈖 𓅾𓀁𓎢 𓄭𓂋𓀁𓀀 𓈖𓎢	n rDi.n snD.k spr.i n.k المصدر B1، سطر 329 (تكملة) – TLA	ن رچإن سنچك سپرإ نك	الخوف منك عادةً ما بيخليش حد يرفع لك طلب، (لكن أنا برفعه).	Fear of you does not usually make one bring a plea to you (yet I do).
𓂜 𓋷𓀁𓈖𓎢 𓄣𓏤𓀀	n siA.n.k ib.i المصدر B1، سطر 329 (تكملة) – TLA	ن سإانك إبإ	بس إنت ما بتفهمش قلبي.	But you do not understand my heart.
𓎼𓂋𓀁𓀀 𓂝𓈖𓈖𓂽 𓇓𓏲 𓂋 𓁹𓏏 𓎀𓋴𓏏𓍞𓏛𓏥 𓈖𓎢 𓂜 𓅾𓀁𓈖𓆑 𓈖 𓏏𓍯𓄿𓀁 𓈖𓆑 𓋴𓏏 𓂜 𓏎𓈖 𓌢𓈖𓀀𓆑 𓂋𓎢 𓅓𓄚𓈖𓏌𓏲𓉐 𓌻𓂋𓂋𓏏𓊋𓉐	gr ann sw r iri.t Ts.t n.k n snD.n.f n twA n.f st n ini sn.f r.k m-Xnw mrr.t المصدر B1، سطر 330–331 – TLA السطر ده صعب والمعنى تقريبي.	جر عنن سو ر إرإت ثست نك ن سنچنف ن توا نف ست ن إنإ سنف رك م-غنو مررت	الصامت الراضي اللي بيلف عليك علشان يشتكي ما بيخافش ممن بيتوسل له، لما أخوه ما يتجابش لك من الشارع.	The quiet man who turns to you to lodge a complaint does not fear the one he implores, when his brother has not been brought to you from the street.
𓇋𓏲 𓄿 𓄞𓂧𓏲𓎢𓏥𓎢 𓅓 𓇏𓏏𓈇	iw A Sd.w.w.k m sx.t المصدر B1، سطر 331 (تكملة) – TLA	إو ا شدووك م سخت	حقولك دلوقتي في الأرض،	Your fields are now in the countryside,
𓇋𓏲 𓆑𓈎𓄿𓏕𓎢 𓅓 𓐖𓏏𓊖	iw fqA.k m DAt.t المصدر B1، سطر 332 – TLA	إو فقاك م چاتت	وأجرك في الضيعة،	your reward is in the estate,
𓇋𓏲 𓅧𓈎𓏲𓏛𓏥𓎢 𓅓 𓍁𓂝𓉐	iw aq.w.k m Sna المصدر B1، سطر 332 (تكملة) – TLA	إو عقوك م شنع	وقوتك في المخزن،	and your food is in the storehouse.
𓇋𓏲 𓋴𓂋𓅱𓀙𓀀𓏥 𓁷𓏤 𓂋𓂝𓏏 𓈖𓎢	iw sr.w Hr rDi.t n.k المصدر B1، سطر 332 (تكملة) – TLA	إو سرو حر رچإت نك	وكبار الموظفين بيدّوك،	The high officials keep giving to you,
𓇋𓏲𓎢 𓁷𓏤 𓎁𓏏𓏏𓀜	iw.k Hr iti.t المصدر B1، سطر 333 – TLA	إوك حر إتإت	وإنت بتاخد.	and you keep taking.
𓇋𓈖 𓇋𓏲𓎢 𓅓 𓂝𓍯𓄿𓇋𓇋𓀜𓀀	in iw.k m awA.y المصدر B1، سطر 333 (تكملة) – TLA	إن إوك م عواي	هو إنت لص؟	Are you a thief?
𓇋𓏲 𓋴𓏏𓍔𓍬𓂻𓏏𓏲 𓈖𓎢 𓋴𓎝𓎢𓏲𓀜𓀀𓏥 𓎛𓈖𓂝𓎢 𓂋 𓊪𓊃𓈙𓏏𓏴𓏛𓏥 𓄞𓂧𓅱𓏏𓈇𓏤𓏥	iw stA.tw n.k sk.w Hna.k r psS.t Sd.wt المصدر B1، سطر 334 – TLA	إو ستاتو نك سكو حنعك ر پسشت شدوت	بيتسحب لك فريق عمال تحت أمرك لتوزيع الحقول (؟).	A work-gang is brought to you under your command for the allotment of the fields (?).
𓁹 𓌳𓐙𓂝𓏏𓏯𓏛 𓈖 𓎟𓅆 𓌳𓐙𓂝𓏏𓏯𓏛 𓈖𓏏𓏭 𓃹𓈖 𓌳𓐙𓂝𓏏𓏯 𓈖𓏏 𓌳𓐙𓂝𓏏𓏯𓏛𓆑	iri mAa.t n nb mAa.t n.ti wn mAa.t n.t mAa.t.f المصدر B1، سطر 335 – TLA	إرإ ماعت ن نب ماعت نتإ ون ماعت نت ماعتف	اعمل ماعت لصاحب ماعت، اللي ماعته ماعت حقيقية!	Do Maat for the lord of Maat, whose Maat is true Maat!
𓂝𓂋𓆰 𓈙𓆑𓂧𓅱𓍼 𓐞𓏤𓍘𓇋𓆱 𓅆 𓁷𓂋𓏏𓐡𓈐 𓂋 𓁹𓏏 𓇍𓇋𓇋𓏏𓅪𓏥	ar Sfd.w gsti DHwti Hr.t(i) r iri.t iy.t المصدر B1، سطر 336–337 – TLA	عر شفدو جستإ چحوتإ حرت(إ) ر إرإت إيت	يا ريشة الكتابة وبردية الكتابة ولوحة تحوت، ابعد عن عمل الظلم!	O reed, papyrus roll and palette of Thoth, keep far from doing wrong!
𓄤𓆑𓂋 𓄤𓆑𓂋𓏏 𓄤𓆑𓂋 𓂋𓆑	nfr nfr.t nfr r.f المصدر B1، سطر 337 (تكملة) – TLA	نفر نفرت نفر رف	كمال الكامل أكمل منه هو.	The goodness of the good man is better than he himself.
𓇋𓏲 𓇓𓅱𓏏 𓌳𓐙𓂝𓏏𓏯𓏛 𓂋 𓈖𓅘𓎛𓎛𓇳	iw swt mAa.t r nHH المصدر B1، سطر 338 – TLA	إو سوت ماعت ر نحح	لكن ماعت للأبد.	But Maat is for eternity.
𓉔𓄿𓄿𓂻𓋴 𓅓𓂝 𓁹𓂋 𓋴 𓂋 𓊻𓏏𓈉	hAA.s m-a irr s(i) r Xr.t-nTr المصدر B1، سطر 339 – TLA	هااس م-ع إرر س(إ) ر غرت-نثر	ماعت بتنزل المقبرة مع اللي عملها.	She goes down to the necropolis with the one who has done her.
𓇋𓏲 𓈎𓂋𓋴𓏏𓌟𓀜𓆑 𓋴𓌳𓄿𓅓𓄥𓂝 𓇾𓈇𓏤 𓇋𓅓𓆑 𓂜 𓊃𓇋𓆛𓈖𓂝𓏏𓏲 𓂋𓈖𓆑 𓁶𓏤 𓇾𓈇𓏤	iw qrs.t(w).f smAm tA im.f n sin.<n>.tw rn.f tp tA المصدر B1، سطر 340–341 – TLA	إو قرست(و)ف سمام تا إمف ن سإننتو رنف تپ تا	بيتدفن والأرض بتتحد بيه، من غير ما اسمه يتمحي على الأرض.	He is buried, the earth joining with him, and his name is not wiped out on earth.
𓇋𓏲𓆑 𓇋𓏲 𓋴𓆼𓄿𓀁𓏏𓏲𓆑 𓁷𓏤 𓃀𓏲𓄤𓆑𓂋	. iw sxA.tw.f Hr bw-nfr المصدر B1، سطر 341 (تكملة) – TLA	إو سخاتوف حر بو-نفر	وبيتذكّر بسبب الخير.	He is remembered for his goodness.
𓁶𓏤𓐎𓏛 𓊪𓏲 𓈖 𓊹𓌃𓂧𓅱𓀁	tp-Hsb pw n mdw-nTr المصدر B1، سطر 342 – TLA	تپ-حسب پو ن مدو-نثر	وده قاعدة كلام الإله.	This is the rule of the divine words.
𓇋𓈖 𓃚𓅱𓇓𓏲𓆱 𓊪𓏲	in iws.w pw المصدر B1، سطر 343 – TLA	إن إوسو پو	هل هو ميزان يدوي؟	Is it a hand balance?
𓂜 𓎼𓂋𓋴𓐟𓄿𓊊𓈖𓆑	n gsA.n.f المصدر B1، سطر 343 (تكملة) – TLA	ن جسانف	يبقى مش ممكن يميل.	Then it cannot tilt.
𓇋𓈖 𓅓𓂝𓆼𓄿𓏏𓍸 𓊪𓅱	in mxA.t pw المصدر B1، سطر 344 – TLA	إن مخات پو	هل هو ميزان قايم؟	Is it a standing scale?
𓂜 𓂋𓂝𓈖𓋴 𓁷𓏤 𓐞𓏤	n rDi.n.s Hr gs المصدر B1، سطر 344 (تكملة) – TLA	ن رچإنس حر جس	يبقى مش ممكن يميل لجنب.	Then it cannot lean to one side.
𓅓𓂝𓎢 𓅱𓀀 𓂋 𓂻𓅱𓏏 𓅓𓂝𓎢 𓇋𓇋𓀀 𓂋 𓂻𓅱𓏏 𓅱𓄞𓂧𓀁𓎢	m.k wi r iwi.t m.k <k>y r iwi.t wSd.k المصدر B1، سطر 345 – TLA	مك وإ ر إوإت مك كي ر إوإت وشدك	سواء أنا اللي هجي أو غيري هييجي، فاسأل!	Whether I come or another comes, you should question us!
𓅓 𓅱𓈙𓃀𓏲𓏴𓀁 𓅓 𓅱𓄞𓂧𓀁𓀀 𓎼𓂋𓅱𓀁𓀀 𓅓 𓊪𓎛𓄖𓂻 𓈖𓏏𓏭 𓂜 𓄖𓂻𓈖𓏏𓏲𓆑	m wSb.w m wSd gr.w m pH n.ti n pH.n.}.f المصدر B1، سطر 346–347 – TLA	م وشبو م وشد جرو م پح نتإ ن پحن}ف	ما تردّش زي اللي بيستجوب الهادي، وزي اللي بيهاجم اللي مش من عادته الهجوم!	Do not answer like one who interrogates the quiet man, or like one who attacks the man who does not attack!
𓂜 𓊃𓆑𓂉𓀁𓈖𓎢 𓂜 𓏠𓈖𓅪𓈖𓎢 𓂜 𓋴𓎝𓎢𓋴𓎝𓅪𓎢𓈖𓎢	n sf.n.k n mn.n.k n sksk.n.k المصدر B1، سطر 348 – TLA	ن سفنك ن مننك ن سكسكنك	لكن إنت مش رحيم، ولا بتتألم معايا، ولا بتهلك حد.	But you are not merciful, you do not feel for me, and you do not destroy anyone.
𓂜 𓂋𓂝𓈖𓎢 𓈖𓀀 𓂧𓃀𓅡𓄿𓏲𓌥𓏛𓏥 𓈖 𓌃𓂧𓏏𓀁 𓏏𓈖 𓄤𓆑𓂋𓏏 𓉐𓂋𓂋𓏏𓂻 𓅓 𓂋𓏤 𓈖 𓂋𓂝𓇳𓅆 𓆓𓊃𓆑	n rDi.n.k n.i dbA.w n md.t tn nfr.t prr.t m r n ra Ds.f المصدر B1، سطر 349–350 – TLA	ن رچإنك نإ دباو ن مدت تن نفرت پررت م ر ن رع چسف	وما بتدّيش لي أجر على الكلام الحلو ده اللي بيطلع من فم رع نفسه.	And you give me no reward for this fine speech that comes forth from the mouth of Re himself.
𓆓𓂧 𓌳𓐙𓂝𓏏𓏯𓏛	Dd mAa.t المصدر B1، سطر 351 – TLA	چد ماعت	قول ماعت!	Speak Maat!
𓁹 𓌳𓐙𓂝𓏏𓏯𓏛 𓇥𓂋𓈖𓏏𓏏 𓅨𓂋 𓋴 𓉻𓂝𓄿𓏛 𓋴 𓎛𓎝𓏛 𓋴	iri mAa.t Dr-n.tt wr s(i) aA s(i) wAH s(i) المصدر B1، سطر 352 – TLA	إرإ ماعت چر-نتت ور س(إ) عا س(إ) واح س(إ)	واعمل ماعت لأنها كبيرة وعظيمة ودايمة.	Do Maat, for she is great, mighty and enduring.
𓅠𓅓𓅱𓏏𓏲 𓎡𓆑𓏏𓀁𓏛𓋴 𓊄𓃀𓏲𓂻𓋴 𓂋 𓇋𓌳𓐍𓄪𓏤	gmi.w.tw kf.t.s sbi.w.s r imAx المصدر B1، سطر 353 – TLA كلمة kf.t غير مؤكدة، فاتترجمت «حقيقتها».	جمإوتو كفتس سبإوس ر إماخ	لما حقيقتها تتلاقى، هتوصل صاحبها للكرامة.	When her revelation (?) is recognised, she will lead to honour.
𓇋𓈖 𓎼𓋴𓐟𓄿𓊊 𓃚𓅱𓇓𓏲𓆱	in gsA iws.w المصدر B1، سطر 354 – TLA	إن جسا إوسو	هل الميزان اليدوي بيميل؟	Does the hand balance tilt?
𓎛𓆰𓈖𓎢𓅱𓄛𓏤𓏥𓆑 𓊪𓏲 𓆑𓄿𓇋𓇋𓏲𓀋𓀜𓏥 𓐍𓏏𓏛𓏥	Hnkw.w.f pw fAi.yw x.t المصدر B1، سطر 355 – TLA	حنكووف پو فاإيو خت	يبقى السبب في الكفتين اللي وزنوا الحاجات.	Then the fault lies in its pans, which carried the goods.
𓂜 𓆣𓂋𓈖 𓉐𓂋𓅱𓏛𓏥 𓈖 𓁶𓏤𓐎𓏛	n xpr.n pr.w n tp-Hsb المصدر B1، سطر 356 – TLA	ن خپرن پرو ن تپ-حسب	لأن زيادة المعيار ما تحصلش.	For an excess in the standard cannot arise.
𓂜 𓄭𓂋𓂻𓈖 𓊃𓊪𓊗 𓄡𓊃𓅪 𓂋 𓂋 𓂧𓏇𓇋𓈇𓏤 𓌨𓂋𓐟𓏤𓀀 𓂋 𓋴𓐟𓄿𓎛𓃃𓂻 𓇾𓈇𓏤	n spr.n sp Xsi r dmi Xr.i-sA r sAH tA المصدر B1، سطر 357 – TLA هنا بتنتهي B1، وفي بقية النصوص بييجي الالتماس التاسع وخاتمة القصة.	ن سپرن سپ غسإ ر دمإ غرإ-سا ر ساح تا	والقضية السيئة ما بتوصلش للمرسى، والأخير (؟) هو اللي هيلمس الأرض.»	And a bad case does not reach the landing place, while the last one (?) will touch land.”

14. المصادر

Thesaurus Linguae Aegyptiae (TLA)، نص «الفلاح الفصيح» (B1)، تحرير بيتر ديلس وفريق TLA: tla.digital
Vogelsang & Gardiner، Die Klagen des Bauern (1908)
Parkinson، The Tale of the Eloquent Peasant (1991)
Allen، Middle Egyptian Literature (2015)
Parkinson، The Tale of Sinuhe and Other Ancient Egyptian Poems (1997)
Lichtheim، Ancient Egyptian Literature I (1973)
الترجمة العربية والإنجليزية: ترجمة باستت، بالاستعانة بترجمة TLA الألمانية والتحليل اللغوي لكل كلمة.